Одгледувањето кучиња шарпланинци – мерак и предизвик - Канал 5

Живот

Одгледувањето кучиња шарпланинци – мерак и предизвик

 Откако памети за себе, живее заедно со шарпланинци, вели 66-годишниот Петко Петковски од тетовско Јанчиште, кој ја има едната од двете одгледувачници на шарпланинци на ова подрачје. 

Одгледувањето кучиња шарпланинци – мерак и предизвик

Иако овие кучиња се автохтони, потекнуваат и го носат името на Шар Планина, само малкумина се одлучуваат да ги одгледуваат. Петковски вели дека љубовта ја наследил од својот татко. Додека бил жив татко му одгледувале и до 15-тина „возрасни" шарпланинци, како и кутриња.

– Кога двајца имаат мерак за работа со шарпланинците, можат многу да ги гледаат. Затоа и секогаш сме имале над десет. Тогаш сум бил и помлад, а сега има три машки, пет женки и 10 малечки шарпланинци. Меракот не може да се опише. Јас сум станувал рано за да им дадам да јадат, па потоа сум заминувал на работа. Или, на пример, доцна навечер сум се вратил од свадба, пак ми е паметот кај нив да одам да им дадам да јадат. Не ми е проблем, не ми е тешко. Меракот си го прави своето, вели Петко Петковски.

Многу време и труд треба за кучињата, зашто и ним им треба одржување хигиена.

– Треба да ги чистиш, да ги чешлаш, кога се митарат, женските двапати годишно и кога ќе се окучат. А машките еднаш годишно се митарат. Тогаш им паѓа влакното, па ги има по цел двор и треба да се чисти, па пак да се чешлаат, рече Петко.

Тој не ги жали и парите, бидејќи исто така треба многу да се вложи за да се прехранат и да се лекуваат ако има потреба. Како огледувачница потоа и ги продава.

– Годишно минималниот износ само за едно куче за купување храна е околу 300 евра. Но затоа е одгледувачница, да се огледуваат, да се грижиш добро за нив, да бидат здрави и силни, па дел од нив потоа се продаваат, објаснува Петковски.

Важен дел за одгледувачите е претставувањето на своите миленици на изложба на шарпланинци. Петко објаснува дека големо достигнување за сите што се занимаваат со одгледување на ваквите кучиња е да се победи на специјалните изложби за шарпланинци.

– Во последните две години сум во пензија, па целосно времето го поминувам со своите миленици и имам повеќе време за изложби. Инаку, одамна, од 1994 година одам по изложби. На последната во Прилеп освоив награди со огледувачницата „Марија и Јована" од Тетово. Со женката прва, а нејзин брат на второ место. Замислете која е радоста и задоволството да победиш на ваков натпревар, тука, на пример, имаше 80 кучиња натпреварувачи. Сум освојувал награди и во Србија и во Бугарија, потенцира Петковски.

За жал, во градот под Шара, Тетово, одамна немало специјална изложба.

– Во Тетово се нема одржано специјалка одамна. За да се одржи специјалка, треба работа и организација. И многу специјалки и тоа не е добро. Меѓутоа треба да има барем во поголемите градови Тетово, Скопје, Битола, Прилеп. Овде кога беше специјалката во Тетово имаше толку народ што е незапамтено, интерес има, рече Петковски.

Шарпланинците важат за овчарски кучиња. Во минатото претежно служеле за чување овци, а претставувањето како миленици по изложби е понов тренд.

– Ние кога сме чувале овци, кај мене во село како дете паметам во Јанчиште имало 40 – 50 куќи што чувале овци. Секоја куќа имала најмалку по две кучиња. Тоа се 100 кучиња само во Јанчиште, и тоа само ние што се наоѓаме во рамнина, а замислете кај тие што се покрај Шара и Жеден имало уште повеќе. Имаше многу шарпланинци што се чувале по куќите како членови на семејствата, рече Петко.

Овие кучиња се големи. Може да тежат од 50 до 70 килограми, а висината достигнува и до 80 сантиметри.

– Услови имам кај мене во село. Имам поголема квадратура и пред и зад куќата. Не ги пуштам околу два месеца кога садиме, да не го оштетуваат посаденото во градината. Сега во зимскиот период се најубави зашто лете им паѓа влакното од жешкото. Зимата е најубава за кучињата. Се случувало на минус 20, викам ајде ќе им ставам теписон или слама во куќарката, да не им студи, тие пак надвор спијат, рече искусниот одгледувач на шарпланинци.

Низ целата држава во Кинолошкиот сојуз се регистрирани 31 одгледувачница на шарпланинци./MIA

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Си ги продале куќите за да живеат на крузер, па останале без ништо- сега бродот е запленет, патниците останаа на копно (ВИДЕО)

Замислете да ја продадете вашата куќа, автомобил и дел од вашите работи за да го поминете остатокот од животот патувајќи низ светот на луксузен крузер. 

Си ги продале куќите за да живеат на крузер, па останале без ништо- сега бродот е запленет, патниците останаа на копно (ВИДЕО)

Тој сон привлече многу пензионери и авантуристи кои инвестираа десетици, па дури и стотици илјади долари во проектот „вечно крстарење“. Сепак, само две години по почетокот на патувањето, нивната пловечка резиденција заврши под заплена, а иднината на инвестираните пари стана неизвесна.

MV Odyssey, крузер управуван од американската компанија Villa Wye Residences од Флорида, беше запленет во Сингапур откако зголемените трошоци за гориво и финансиските проблеми доведоа до прекин на амбициозниот проект.

Според Forbes Montenegro, компанијата наводно должи околу 500.000 долари за гориво, додека повеќе од 200 патници морале да го напуштат бродот во камбоџанското пристаниште Сихануквил.

Платиле до 899.000 долари за живот на море

Проектот е претставен како сосема поинаков начин на живот, особено привлечен за пензионерите кои сакаат да патуваат без постојано да се враќаат дома.

На патниците им беше понудена опција да купат право да ги користат кабините за време на проценетиот 15-годишен животен век на бродот. Цените се движеа од околу 120.000 долари до дури 899.000 долари за најлуксузните апартмани.

Сепак, купувањето кабина не беше единствениот трошок.

Патниците, исто така, мораа да плаќаат месечни такси за храна, комуналии, интернет и пристанишни такси. Тие се движеа од 1.750 долари по лице до повеќе од 19.000 долари.

За возврат, компанијата вети речиси непрекинато патување околу светот, посетувајќи 147 земји во текот на циклус од три и пол години, кој потоа ќе се повторува.

Оброци, одржување на кабината, медицински услуги, работни простори и брз сателитски интернет беа достапни на бродот. За некои патници, тоа претставуваше можност да го заменат традиционалниот дом за живот на море.

Трошоците за гориво вртоглаво се зголемуваат

Сепак, финансиските пресметки се покажаа како многу покомплицирани отколку што очекуваа организаторите. Според компанијата, наглиот пораст на цените на нафтата поради војната во Иран доведе до огромно зголемување на оперативните трошоци.

Месечните трошоци за гориво по кабина, кои претходно изнесуваа околу 1.800 долари, достигнаа дури 8.000 долари во некои делови од Азија. Ова претставува зголемување од приближно 344 проценти.

Компанијата соопшти дека таквото зголемување на трошоците го направило финансиски неисплатливо продолжувањето на работењето.

Кон крајот на октомври, патниците биле известени дека мора да го напуштат бродот, само неколку часа пред истоварувањето. Повеќе од 200 луѓе завршиле во Камбоџа, наместо да го продолжат планираното патување.

Бродот е запленет, долговите се натрупуваат

По истоварувањето на патниците, MV Odyssey продолжил кон Сингапур, каде што властите го запленија врз основа на судска наредба.

Според извештаите во медиумите, компанијата должи приближно половина милион долари неплатено гориво. Сепак, точната причина за запленувањето сè уште не е официјално потврдена.

Проблемите не започнале со најновото зголемување на трошоците. Во 2024 година, на самиот почеток на проектот, бродот помина четири месеци во Белфаст поради технички и административни тешкотии пред конечно да отплови.

Во текот на следните две години, следеа нови технички проблеми и зголемување на оперативните трошоци.

Што ќе се случи со парите на патниците?

Едно од најголемите отворени прашања е дали патниците ќе можат да ги вратат парите што ги инвестирале во кабини и долгорочен престој на бродот.

Многумина влегоа во проектот со идеја да поминат голем дел од својот живот на море, а некои претходно продадоа куќи и автомобили за да финансираат таков начин на живот.

Сепак, крузерот пловеше само 754 дена, иако некои патници платија за правото да ги користат кабините во период што можеше да трае и до 15 години. Сè уште не е познато дали и во која мера ќе бидат вратени инвестираните средства.

Така, проект што требаше да го промени начинот на кој луѓето ги поминуваат пензионерските денови стана пример за тоа колку брзо амбициозен бизнис модел може да наиде на проблеми кога оперативните трошоци ги надминуваат планираните приходи.

Тагови: крузер патниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американскиот министер за финансии е преселен во воена база поради закани од Иран

Американскиот министер за финансии Скот Бесант неодамна се пресели од својот дом во Вашингтон во американска воена база откако доби закани од Иран по неговиот живот, изјавија во вторник две лица запознаени со ова прашање.

Американскиот министер за финансии е преселен во воена база поради закани од Иран

„Њујорк тајмс“ (NYT) прв објави за преселбата. Висок разузнавачки функционер во администрацијата на Трамп предупреди во меморандум што го виде Ројтерс кон крајот на минатиот месец дека иранските заговори против американските војници и граѓани се во напредна фаза.

Бесант ја предводи американската кампања за санкции и економски притисок врз Иран од август, наречена Операција Економски егзил, со цел да се принуди Техеран да ги запре нападите врз бродовите и повторно да го отвори Ормутскиот теснец. Клучниот воден пат е во голема мера затворен откако САД и Израел го нападнаа Иран на 28 февруари.

Кампањата за економски притисок, која се спроведува паралелно со американската поморска блокада на иранските пристаништа, вклучуваше санкции против филијали на банки на Блискиот Исток и други финансиски компании кои олеснуваат трансакции со Иран.

„Секретарот нема да биде обесхрабрен од заканите од иранскиот режим и останува посветен на спроведување на операцијата „Економски егзил“ и одржување на блокадата, кои заедно предизвикуваат колапс на иранската економија“, изјави портпаролот на Министерството за финансии на САД во одговор испратен по е-пошта.

NYT објави дека сериозноста на заканите против Бесант не е веднаш јасна.

Извор запознаен со ова прашање рече дека загриженоста за безбедноста во врска со Бесант се зголемила откако Wall Street Journal објавила фотографија од воздух од неговата вила во Џорџтаун, која Бесант ја купил за 12,5 милиони долари кратко време по неговата потврда за секретар на финансии во јануари 2025 година.

Фотографијата овозможила да се одреди куќата на Бесант, по што тој бил преместен во воена база од безбедносни причини, рече изворот, додавајќи: „Медиумите имаат обврска да дејствуваат одговорно во време кога заканите против јавните службеници стануваат сè посериозни“.

Иран претходно негираше дека планира напади врз службеници и граѓани на американска територија.

NYT објави дека американските службеници заклучиле дека способноста на Иран да извршува напади од големи размери во САД и други прекуокеански територии е ограничена.

Илјадници луѓе се убиени, а милиони се раселени во нападите на САД и Израел врз Иран и израелските напади врз Либан за време на војната.

Во нападите на САД и Израел се убиени и високи ирански функционери, вклучувајќи го и врховниот лидер ајатолахот Али Хамнеи.

Тагови: воена база Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Порно ѕвездата, Миа Калифа стана заштитно лице на познат бренд (ВИДЕО)

Миа Калифа, поранешна актерка за филмови за возрасни, инфлуенсерка и претприемачка, е новото лице на палестинскиот моден бренд Trashy Clothing, кој ја ангажираше за својата кампања есен/зима 2026. 

Порно ѕвездата, Миа Калифа стана заштитно лице на познат бренд (ВИДЕО)

Кампањата, насловена како „In Divine Trust“, го следи шоуто на брендот во Париз, каде што Калифа исто така прошета по пистата во нивните креации, објавува Hypebae.

Бренд познат по својот неконвенционален пристап кон луксузот

Trashy Clothing е основан од Омар Браика и Шукри Лоренс, а нивниот бренд е познат по својот ироничен пристап кон луксузната мода. Во своите креации, тие комбинираат традиционални техники на занаетчиство, сатира, кич и мотиви од арапската поп-култура, создавајќи облека што не се вклопува во вообичаената модна рамка.

Колекција инспирирана од филмот „Divine Intervention“

Дизајнерското дуо пронашло инспирација за својата нова колекција во филмот „Divine Intervention“ од режисерот Елија Сулејман, кој се занимава со апсурдност и конфликт. Слични теми се провлекуваат низ кампањата снимена од фотографот Пабло Мас.

Во срцето на кампањата е прашањето како моќните луѓе создаваат слика за себе и што се случува кога нивните симболи на моќ повеќе не ги предизвикуваат очекуваните реакции. Оваа идеја продолжува преку соработката со брендот за накит Sheytan, зад кој стои Миа Калифа. Колекцијата накит си игра со разликата помеѓу она што изгледа моќно и авторитативно и вистинското значење што го имаат таквите симболи.

Со новата колекција, Trashy Clothing продолжува да ја користи модата како алатка за преиспитување на воспоставените идеи за идентитетот, моќта и отпорот, со допир на иронија по која брендот е препознатлив.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер