Тенис

Одбиена визата на Новак Ѓоковиќ

Австралија ја одби визата на најдобриот светски тенисер Новак Ѓоковиќ.

По повеќедневни исчекување и одложување на одлуката, министерот за имиграција на Австралија Алекс Хок одби да ја одобри визата за првиот светски рекет Новак Ѓоковиќ. По оваа одлука Ѓоковиќ најверојатно ќе остана без настап на првиот грен слем во 2022 Австралија опен.

Австралискиот министер за имиграција Алекс Хок ја искористи својата лична моќ и ја поништи визата на Новак Ѓоковиќ.

- Визата е откажана, а причината е здравствена и затоа што е од јавен интерес.го искористив моето овластување во законот за имиграција за да ја поништам визата што ја имаше Новак Ѓоковиќ. Заради здравје и ред, се во јавен интерес. Изјавил австралискиот министер Хок.

По оваа одлука на австралискиот министер за имиграција сагата со најдобриот светски тенисер и деветкратен освојувач на турнирот во Мелбурн не завршува.

Правниот тим на Ѓоковиќ веќе поднел желба на решението на Хок , бидејќи доколку одлуката експресно не била оспорена пред судот, Ѓоковиќ веднаш ќе би бил депортиран од земјата.

Се проценува дека се ќе треба да се заврши во следните 72 часа, бидејќи Австралија опен почнува во понеделник.

По решението на Хок да биде укината визата на Ѓоковиќ реагираше и австрлискиот премиер Скот Морисон.

- Преземени се активности од страна на министерот за имиграција за укинување на визата на господин Ѓоковиќ поради здравствени причини и со цел одржување на редот, врз основа на тоа дека тоа било во јавен интерес. Австралијците направија многу жртви за време на оваа пандемија и со право очекуваат дека резултатот од тие жртви ќе биде заштитен, истакнал премиерот Морисон.

По одлуката на Хок реагирало и министерство за внатрешни работи на Австралија кое ги повикало на разговар адвокатите на Ѓоковиќ.

Австралиските медиуми обвјавија дека од Ѓоковиќ било побарано „ да се претстави на интервју со службеници за имиграција".

Веднаш по укинувњето на визата од страна на министерот Хок, во Федералниот суд пред судијата Кели кој во првиот процес недозволи Ѓоковиќ да биде депортиран, започнало ново судење и била донесена одлука најдобрииот светски тенисер да остане во земјата најмалку до утре во 6 часот наутро во средноевропско време.Воедно вечерва во 22 часот по локално време најдобриот светски тенисер ќе биде сослушан од судот.

Експресниот онлајн судски процес за Ѓоковиќ заврши.

Прифатено е барањето на адвокатот на Австралија, судијата Кели одлучи најдобриот светски тенисер до конечната одлука да замине во притвор но на тајна локација.

Во недела Федералниот суд ќе одлучи дали Новак Ѓоковиќ ќе настапи на годиншниот Грен слем во Мелбурн.

Свет

Баербок го повика на разговор рускиот амбасадор, по приведувањето за шпионажа

Германската министерка за надворешни работи Аналена Баербок го покани рускиот амбасадор во Берлин, Сергеј Нечаев, на дискусија во врска со притворањето на две лица осомничени за шпионажа за Русија, пишува весникот „Билд“.

Германското јавно обвинителство денеска соопшти дека двајца мажи се уапсени под сомнение дека вршеле разузнавачки активности во корист на Русија.

Обвинителството изјави дека се работело за германско-руски државјани.

Германското обвинителство соопшти и дека двајца мажи, Дитер С. и Александар Ј., биле уапсени под сомнение дека се руски шпиони кои подготвувале бомбашки напади во Германија.

Дитер, според обвинителството, бил во контакт со руски разузнавач од октомври 2023 година и учествувал во заговор за предизвикување бомбашки напади и подметнати пожари во Германија, вклучувајќи и американски воени бази.

Целта на тој заговор била да се поткопа воената помош што Германија ѝ ја дава на Украина, а Дитер собирал информации за целите на потенцијалниот напад, пренесува Дојче веле (ДВ).

Германската федерална полиција кај него пронашла фотографии и видео снимки од таргетираните објекти, кои му ги испратил на директорот, а Александар му помагал најдоцна од март годинава.

Александар е обвинет и дека бил член на странска терористичка организација, односно воена единица на самопрогласената Доњецка Народна Република (ДНР) во источна Украина од 2014 до 2016 година.

Свет

Невидено невреме во Пакистан и Авганистан, во поплавите загинаа најмалку 140 луѓе (ВИДЕО)

Бројот на загинати од силните бури во Авганистан и Пакистан во изминатите неколку дена се искачи на најмалку 137, а во некои области метеоролозите предвидуваат уште пообилни врнежи од дожд.

Најмалку 67 лица загинаа во Пакистан, соопшти денеска тамошното тело за управување со катастрофи, поради невообичаено обилен дожд за овој период од годината.

Во јужниот град Карачи е прогласена вонредна состојба. Градот е особено ранлив на бури поради лошата инфраструктура. Во соседен Авганистан, околу 70 луѓе загинаа, а 56 се повредени во обилните дождови и поплавите низ целата земја. Оштетени се 2.627 куќи, соопшти денеска Националната управа за управување со катастрофи.

Екстремните временски настани се зголемуваат поради климатските промени. Обилните врнежи од снег и дожд изминатите месеци во Авганистан предизвикаа големи штети и бројни жртви по невообичаено благата зима.

Екстремните временски настани како поплави и суши се зголемуваат во Авганистан и Пакистан поради климатските промени, предупредуваат метеоролозите. Погоден од деценискиот конфликт, Авганистан има ограничени опции за ублажување на негативните ефекти од климатските промени.

Здравје

СЗО: Зголемен е ризикот за пренос на птичји грип врз луѓе, многу сме загрижени

Светската здравствена организација изрази загриженост поради ширењето на птичјиот грип Х5Н1, кој има „исклучително висока“ стапка на смртност кај луѓето.

Избувнувањето што започнало во 2020 година досега уби десетици милиони живина, а неодамнешното ширење на вирусот кај неколку видови цицачи, вклучително и домашни говеда во САД, го зголеми ризикот од пренесување на луѓето, соопшти СЗО.

„Мислам дека ова останува огромен проблем“, им рече на новинарите во Женева главниот научник на агенцијата за здравство на ОН, Џереми Фарар. Минатиот месец на листата на заразени видови се приклучија и кравите и козите, што е неочекуван развој за експертите бидејќи се сметаше дека тие не се подложни на овој тип на грип.

Американските власти овој месец објавија дека едно лице во Тексас се опоравува од птичји грип по изложување на говеда, при што 16 крда во шест држави се заразени по изложување на диви птици.

Варијантата A(H5N1) стана „глобална пандемија на зоонозни животни“, рече Фарар. „Се разбира, постои голема загриженост за инфицирање на патки и кокошки, а потоа сè повеќе и на цицачи. Тој вирус сега се развива и развива способност да зарази луѓе, а потоа и критична способност да премине од човек на човек“, додаде тој.

Засега нема докази дека Х5Н1 се шири меѓу луѓето. Но, во стотиците случаи кога луѓето биле заразени од контакт со животни во изминатите 20 години, „стапката на смртност е исклучително висока“, рече Фарар, бидејќи луѓето немаат природен имунитет на вирусот.

Од 2003 до 2024 година, ширум светот се пријавени 889 случаи и 463 смртни случаи предизвикани од Х5Н1 во 23 земји, со стапка на смртност од 52%.

Неодамнешниот случај на човечка инфекција во САД по контакт со заразен цицач го нагласува зголемениот ризик. Кога ќе „влезете во популација на цицачи, тогаш ќе се приближите до луѓето“, рече Фарар, предупредувајќи дека „овој вирус само бара нови, понови домаќини“.

Фарар повика на зголемен мониторинг, велејќи дека „многу е важно да се разбере колку човечки инфекции се случуваат бидејќи таму ќе се случи адаптацијата на вирусот“. „Трагично е да се каже ова, но ако заболам од Х5Н1 и умрам, тоа е крајот на тоа.“

Тој исто така рече дека во тек се напори за развој на вакцина и терапија за Х5Н1 и ја истакна потребата да се осигура дека регионалните и националните здравствени власти ширум светот имаат капацитет да го дијагностицираат вирусот. На тој начин, вели тој, „ако H5N1 дојде до луѓето, со пренос од човек на човек“, светот би бил „во позиција веднаш да реагира“.

притисни ентер