Одбележување Светска недела на доење – поддршка на доењето за поздрава планета

 „Поддршка на доењето за поздрава планета" е годинешното мото на Светската недела на доење, што традиционално се одбележува од 1 до 7 август.

Неделата на доење, годинава, се одбележува под посебни околности, во знак на глобалната пандемија со Ковид-19.

Од Комитетот за доење посочуваат дека согласно препораките на СЗО и УНИЦЕФ, мајките треба да ги дојат своите бебиња и доколку имаат Ковид-19, бидејќи придобивките го надминуваат ризикот од зараза. СЗО препорачува мајките кај кои постои сомневање или е потврден Ковид-19 да бидат охрабрени, како и сите други мајки, да почнат или да продолжат со доење. Многубројните предности од доењето за новороденчиња и децата значително го надминуваат потенцијалниот ризик од зараза со Ковид-19.

Досегашните научни истражувања покажуваат дека новиот коронавирус не се пренесува преку мајчиното млеко. Стручните лица препорачуваат, за време на доењето и контактот со бебето да се применува респираторна хигиена, доколку е можно да носи маска, да се мијат рацете пред и по допирање на бебето со сапун и вода или дезинфициенс на база на алкохол.

-Доењето е еден од најважните начини за унапредување и чување на здравјето. Тоа е најдобриот начин на исхрана на доенчињата, ја поставува основата за добро здравје, не само во периодот на детството, туку и во адултната возраст, воедно носи и голем број бенефити за мајките и за општеството во целост. Во согласност со препораките на СЗО доењето треба да е ексклузивно во првите шест месеци од животот, да трае до две години и подолго, паралелно со воведувањето други видови храна по шестиот месец, објаснуваат од Министерството за здравство.

Република Северна Македонија со години наназад има имплементирано голем дел од препораките на СЗО, кои имаат за цел да го промовираат и заштитат доењето. Формиран е и Национален комитет за доење. Воедно, преку Програмата за здравствена заштита на мајките и децата, континуирано се спроведуваат активности за промоција и заштита на доењето и се вршат обуки на здравствените работници од патронажните служби и превентивните советувалишта во здравствените домови, каде тим од лекар и сестра се постојано на располагање во давањето стручна помош за справување со сите можни предизвици поврзани со доењето, информираат од Министерството.

Во однос на тоа дали може да се пренесе вирусот од мајката на бебето, од Комитетот за доење истакнуваат дека постојат студии кои се контроверзни, тие коишто пронашле вертикална трасмисија на вирусот се со мал процент од 7 до 10 проценти, а бебињата се без симптоми или со лесна клиничка слика.

Од Комитетот за доење потенцираат дека мајките суспектни или Ковид-19 позитивни пожелно е да ги дојат своите бебиња, бидејќи ако се престане со доењето, ќе се намали и количеството мајчино млеко, а со тоа и заштитните фактори коишто ги содржи. Мајчиното млеко содржи антимикробни фактори: секреторен ИгА, ИгМ, ИгГ, олигосахариди, лизозими, леукоцити и таканаречени цитокини и антиинфламаторни фактори, објаснуваат од Комитетот.

Во однос на тоа дали во мајчиното млеко кај Ковид-19 позитивна мајка може да го има SARs- CoV вирусот, реализирани се повеќе студии во различни региони од светот и во ниту една од нив не е докажано присуство на вирусот во мајчиното млеко. Тоа значи дека единствен начин на којшто мајката може да го пренесе вирусот на своето дете е преку респираторните патишта.

Франција денеска ги урива рекордите со над 13 000 новозаразени со корона

Франција денеска објави 13.215 нови случаи на инфекција со коронавирус во последните 24 часа. Тоа е нов дневен рекорд, пренесува Ројтерс.

Покрај тоа, 123 лица починале од ковид-19, со што бројот на починати од коронавирус достигна 31.249.

Како што расте бројот на новоинфицирани, повеќето региони и градови во Франција имаат засилени ограничувачки мерки. Ница објави дека ќе забрани јавни собири на повеќе од 10 лица и ќе го ограничи работењето на локалите. Слични мерки во понеделникот веќе беа воведени во Марсеј и Бордо.

И Париз, каде заразата се шири најбрзо, забрани јавни собири на повеќе од десет лица. Властите испратија препорака да не се одржуваат приватни собири на повеќе од десет лица.

Британка со најголеми гради:Не можам да го достигнам воланот(ФОТО)

Леја Паркер од Лондон вели дека е горда што ги има „најголемите гради во Велика Британија“ на 25-годишна возраст и што потрошила над 10.000 фунти на нив.

Иако ги сака своите 32NN гради, и ги прифаќа како дел од себе, Леја сепак се жали дека нејзиното секојдневие е тешко.

Таа вели дека не може да го достигне воланот, да трча и дека мора да спие со перница на стомакот.

Таа исто така вели дека некои мажи и праќаат негативни коментари дека „нејзината мајка треба да се срами од неа“, пренесува „Мирор“.

Но, Леја не дозволува коментарите да ја поколебаат, бидејќи е горда на своето тело и заработува големи пари од тоа.

„Имав пет оперативни постапки, првата ја платив сама“, вели Леја, висока околу 160 см.

Леја вели дека отсекогаш имала големи гради (30Е) и дека и пречеле кога била тинејџерка, но дека сега целосно ги прифатила.

„Мажите во мојата индустрија ги обожаваат, а големите гради станаа дел од мојот бренд“, вели таа.

Вели дека има болки во грбот и рамењата и дека оди во теретана за да остане силна, но и дека дефинитивно ќе оди на операција за намалување на градите кога ќе престане да се занимава со манекенство.

Жителите од улицата „Борис Сарафов“ на протест

Со поставување на семафори и лежечки полицајци да се стави крај на сообраќајниот хаос на улицата „Борис Сарафов“ во Ѓорче Петров, побараа жителите од оваа улица.

Со мирен протест и двочасовна блокада им порачаа на надлежните дека не се чувствуваат безбедно, бидејќи на градската улица нема ниту пешачки премини.

Доколку не се исполнат нивните барања, велат, нивните протестите ќе продолжат со 24 часовни блокади

притисни ентер