Култура

Одбележан Светскиот ден на поезијата

Петнаесет македонски автори читајќи песни од своето поетско творештво денеска во НУБ „Св. Климент Охридски“ го одбележаа Светскиот ден на поезијата - 21 Март.

Манифестацијата „Поетско пладне“, како што јави МИА, ја отвори Веле Смилевски кој годинава го напиша посланието по повод денот на поезијата. Во својата стихувана порака тој вели дека отсекогаш бил убеден оти кориците на книгите се отвораат ако се направени по мерка на нејзината идеја.

- На почетокот беше зборот и гревот наш со зборот. И потоа беше само допирање на значењата по течението на реката на нашето умеење, да го претвориме каменот во збор и зборот во камен..., рече Смилевски.

Поетски творби прочитаа Гордана Михаилова-Бишњаковска, Влада Урошевиќ, Србо Ивановски, Радован Павловски, Иван Чаповски, Димитар Башески, Тодор Чалоски, Санде Стојчевски, Раде Силјан, Бранко Цветкоски, Весна Ацевска, Олга Арбулјевска, Иван Џепароски, Биба Исмаил и Владимир Мартиновски.

Поетското пладне го организираа НУБ „Св. Климент Охридски“ и Македонскиот ПЕН Центар. Претседателот на ПЕН Ристо Лазаров рече дека годинава манифестацијата е посветена на 85-годишнината од раѓањето на писателите Србо Ивановски, Милан Ѓурчинов и Мето Јовановски.

Во светската порака по повод денот на поезијата, генералниот директор на УНЕСКО Ирина Бокова повика на разновидност во дијалогот, слободен проток на идеи преку збор, креативност и иновација.

- Светскиот ден на поезијата е покана да се размислува за моќта на јазикот и целосен развој на креативните способности на секој човек, напиша Бокова. Таа истакнува дека овој ден значи поддршка на поезијата, враќање на усната традиција на поетски рецитали, промоција на едукацијата за поезијата, обновување на дијалогот меѓу поезијата и другите уметности (театарот, танцот, музиката, сликарството), поддршка на малите издавачи и создавање атрактивна слика за поезијата во медиумите така што, вели Бокова, поезијата веќе нема да се смета за застарена форма на уметност.

Одлуката 21 март да се прославува како Светски ден на поезијата беше усвоена во Париз во 1999 година, на 30. сесија на УНЕСКО. Оттогаш денот на поезијата се празнува со книжевни собири низ цел свет и поетите од сите континенти праќаат пораки во чест на стиховното творештво.

Забава

Олимпискиот оган дочекан со спектакуларна парада во Марсеј

Историскиот едреник со три јарболи „Белем“ денеска го донесе олимпискиот оган во Франција, пречекан од 1.024 бродови на спектакуларна парада во пристаништето во Марсеј, точно 79 денови пред почетокот на Игрите во Париз.

Звуци на гајди, сирени и труби се слушаа од бродовите кои го славеа пристигнувањето на олимпискиот факел, дванаесет денови откако „Белем“ исплови од Грција.

Бродот „Белем“ е изграден во 1896 година, годината кога се одржаа првите модерни Олимписки игри.

Свечената парада во Марсеј ќе трае до 17 часот, а на церемонијата се очекува да присуствуваат повеќе од 150.000 луѓе.

Околу „Белем“ има силни безбедносни мерки. Мобилизирани се 6.000 полицајци и четириесетина чамци за да се обезбеди непречено одвивање на парадата.

Прв носител на олимпискиот факел во Франција ќе биде пливачот Флоран Манаду.

Штафетата ќе тргне кон Париз в четврток пренесувана од поранешните фудбалери на Олимпик, Жан-Пјер Папен, Дидие Дрогба и Базиле Боли, а меѓу носителите ќе биде и познатиот готвач Александре Мациа.

Повеќе од 10.000 луѓе ќе бидат вклучени во пренесувањето на олимпискиот факел пред пламенот да стигне во Париз и да биде поставен во близина на Лувр.

Свеченото отворање на Олимписките игри ќе се одржи на реката Сена на 26 јули.

Свет

Европол: Во Шпанија уапсена група која пренела повеќе тони кокаин од Јужна Америка

 Шпанската цивилна гарда уапсила 20 лица осомничени дека увезле неколку тони кокаин и листови од растението кока од Јужна Америка во Шпанија, соопшти денеска Европол.

Полицијата изврши рација на 27 различни имоти во Мадрид, Понтеведра и Коруња. Во предградието на Мадрид е откриена и лабораторија за производство на кокаин со капацитет за производство на 100 килограми месечно, а во неа се запленети 21 барел течни и цврсти хемикалии кои се користат за производство на кокаин.

Запленети се и три милиони евра во готовина, како и имот вреден 10 милиони евра во кој има куќи, возила и пловни објекти.

Полицијата се сомнева дека оваа криминална група, која ја сочинуваат 19 Шпанци и еден Колумбиец, превезувала нелегална стока со едрилици и катамарани до неколку пристаништа на брегот на Галиција.

Во рацијата биле запленети 50 килограми кокаин, еден килограм хероин, 1,7 килограми хашиш, еден килограм розев кокаин, 10 килограми марихуана, 750 килограми амфетамин МДМА и 10.000 таблети екстази.

Македонија

Во Струга до 11 часот за претседател 7, а за парламентарни 9 отсто, во Вевчани 21 процент

- Во трите избирачки места во Вевчани сите граѓани што излегле гласале за и за двете листи, за претседател и за пратеници, изјави Кукоска.

За парламентарните избори во Струга и струшко до 11 часот излезноста е девет отсто, додека за вториот круг од претседателските седум проценти, информира за МИА претседателот на Општинската изборна комисија Минир Жута.

Во Вевчани, според претсетдателката на ОИК Менче Кукоска, гласале 21,06 проценти од вкупно регистрираните граѓани во единствениот избирачки список.

- Во трите избирачки места во Вевчани сите граѓани што излегле гласале за и за двете листи, за претседател и за пратеници, изјави Кукоска.

Во двете општини, како што посочија претседателите на ОИК, гласањето се одвива тековно, без нарушувања.

притисни ентер