Одбележан денот на Управата за финасиска полиција и 20 години постоење - Канал 5

Македонија

Одбележан денот на Управата за финасиска полиција и 20 години постоење

 Во Клубот на пратениците денеска се одбележа Денот на Управата за финансиска полиција и 20 години постоење на институцијата.

Одбележан денот на Управата за финасиска полиција и 20 години постоење

На одбележувањето на овој значаен јубилеј присуствуваше и премиерот Димитар Ковачевски, кој во своето обраќање рече дека Управата за финансиска полиција е важна алка во системот за борба против корупцијата и организираниот криминал.

– Низ годините оваа институција покажа високо ниво на професионалност, транспарентност и стручност. Во оваа борба важна е и институионалната соработка која Управата ја гради со Министерството за внатрешни работи, како и со Агенцијата за национална безбедност, со амбасадите од стратешките партнерски држави на Северна Македонија. И соработката е еден показател за важноста на заедничката координација на институциите за справувањето со организираниот финасиски криминал и корупција кој нанесува огромна штета на буџетот на државата и делува лошо на целото општество, рече Ковачевски.

Оцени дека справувањето со ваквиот вид на криминал е предизвик на светско ниво и дека за справување со ваквиот предизвик е потребно јакнење на независноста на институциите, јасна дистинкција на надлежностите на властите во државата, но и постапување согласно законските регулативи и прописи.

-Во овој контекст владеењето на правото треба да биде прв приоритет, започнато е ново поглавје на нашиот пат кон европските интеграции на кои пред нас ќе се постават многу предизвици и ќе донесат понатамошни реформи и трансформација на општеството. Јас сум среќен што сите институции се вклучени во скринингот кој се одвива во Брисел меѓу кои вклучена е и Управата за финансиска полиција и тие можеа да се уверат што е она како предизвик што стои пред Управата во делот на реформите кои треба да бидат спроведени, рече Ковачевски.

Министерот за внатрешни работи Оливер Спасовски изрази задоволство од соработката и оцени дека заедничкото справување со разните облици на финансикски криминал, спроведување на законите и остварување на принципите на владеењето на правото се од суштинско значење за општеството.

-Обезбедувањето на законитоста во финансиското работење, што претпочита не само будно следење, туку и благовремено, аналитичко и детално детектирање на сите оние незаконитости во доменот на работа и надлежности на Управата за финансиска полиција, согласно досега докажаното од страна на оваа институција и нејзините вработени, бездруго покажува дека тие цели се и тоа како достижни, реално остварливи, дури и покрај нужните реформски промени што во изминатиов период мораа да се прават во όд, истакна министерот Спасовски.

Тој додаде дека заедничките активности и проекти помеѓу Министерството за внатрешни работи и Управата за финансиска полиција резултирале со зголемување на професионалноста при извршување на оперативните задачи.

Министерот за финасии Фатмир Бесими беше дециден дека улогата на Управата за финансиска полиција е да биде заштитник на финансискиот систем и општествените интереси.

-Наша одговорност е да ја подобруваме правната и економска околина и ефикасно да ги пштитиме интегритетот на финасискиот систем преку обезбедување на јасни правила за сите, но и санкции за оние кои не ги применуваат и почитуваат тие правила. Во таа насока се и нашите заложби за подобрување на капацитетите на Управата како орган значаен за системот за заштита на националните и европски финасиски интереси и борба против организирниот криминал, рече Бесими.

Директорот на Управата за финансиска полиција, Горан Иванов информира дека од неговото назначување на функција се поднесени повеќе од 100 кривични пријави за предизвикана штета врз буџетот и посочи дека во иднина Управата ќе продолжи да работи на кадровско дооекипирање, зајакнување на оперативните капацитети, континуирана едукација и усовршување на кадрите.

На настанот беа подолени плакети на пет вработени од Управата за финансиска полиција во знак на благодарност за нивното работење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер