Во пресрет на втората средба на платформата „Разговори за иднината во 12:05“ закажана за 26 септември чиј дел се истакнати членови и поранешни високи функционери на СДСМ, лидерот на социјалдемократите Венко Филипче ги обвини дека дел од нив одработуваат за ВМРО-ДПМНЕ со цел да ја ослабнат опозицијата. Филипче во вчерашното „Само интервју“ иницијативата ја нарече платформа на Мицкоски за поделба на СДСМ и покажа договор според кој фирма што ја претставува и со која соработува поранешниот секретар на СДСМ, Никола Ќурчиев, добила тендер од Железници во износ од 1,6 милиони евра за бетонски прагови. Според Филипче тендерот бил склучен на 17 јуни 2026 година, а Ќуркчиев, како што рече, е еден од луѓето вклучени во таканаречената „Платформа“ за раскол на СДСМ.

- Се поставува прашањето колку чини СДСМ. Ако за нив чини 1,6 милиони евра, сакам јасно да кажам: СДСМ не е на продажба. Нема да играме како што ќе свири Мицкоски и по неговата плејлиста. Можеби Дејвид Гета свиреше за 5,5 милиони евра, а сега Платформата за 1,6 милиони евра – нека си ја тераат работата. Прилично сум сигурен дека таму има луѓе кои не се свесни за овие работи и знам дека има. Отворени им се вратите да дојдат, да не подлегнуваат вакви манипулации затоа што на ВМРО и на Христијан не им останува ништо друго освен да се обидат да формираат нов ЗНАМ, но јас тоа нема да го дозволам, изјави Филпче.

За наводите на Филипче експресно реагираше Ќуркчиев кој во писмен став синоќа најостро демантираше дека е сопственик, содружник или лице со специјални овластувања во компанија која добила државен тендер од било која институција. Тој во реакцијата наведува дека е пензионер, а како машински инжењер има уставно загарантирано право хонорарно да биде ангажиран од приватна компанија... станувало збор за странски инвеститор кој отворил фабрика во Македонија во време кога Заев бил премиер.

-Недостатокот на демократски капацитет да се слушнат политички критики не се покрива со дрски манипулации. Ако не му кажале на Филипче, јас сум основач на СДСМ и носител на партиската книшка број 17. Погрешно се пресметал дека може мене да ме претстави како нов вмроовец. Барам јавно извинување доколку не го стори тоа ќе мора да ги докажува измислените лаги на суд, напиша Ќуркчиев.

Инаку новата платформа „Разговори за иднината во 12:05“ беше промовирана на почетокот на јули, зад затворени врати во традицијата на „Chatham House Rule“, а истиот принцип е наведено дека ќе важи и за вториот состанок.

Дел од неа се екс високите функционер, блиски на т.н. скопско крило на СДСМ, Игор Ивановски – Шема, Андреј Петров, Гордан Георигиев, Емилијан Станковиќ но и актуелниот градоначалник на Крива Паланка – Сашко Митовски и актуелната пратеничка Славјанка Петровска.

Организаторите негираа дека се фракција на СДСМ и посочија дека станува збор за нова демократска платформа за подигнување на нивото на општествената дебата како основа за создавање широк опозициски потенцијал за промени и барање длабоки промени и одговорност во раководството и структурите на СДСМ по поразите на изборите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Проблемот повторно се појавил на општинскиот паркинг меѓу Трговскиот центар „Буњаковец“ и основното училиште „Ј. Х. Песталоци“, а за него алармираа од Граѓанската иницијатива „Во одбрана на Буњаковец“.

Загриженоста е поголема бидејќи станува збор за фреквентна локација, веднаш до основно училиште и во близина на станбени објекти. Граѓаните што ги анкетиравме велат дека проблемот мора да се решава навреме и бараат почесто одржување на хигиената на јавните површини.

По новите реакции, од Општина Центар најавуваат нова вонредна дератизација веќе во понеделник. Ова ќе биде повторна интервенција откако, и покрај акцијата спроведена пред само еден месец, повторно било регистрирано зголемено присуство на глодари.

Со дератизацијата ќе бидат опфатени шахтите, просторот околу контејнерите, како и други ризични точки каде што има пријави или е забележано присуство на глодари.

Но, градоначалникот Горан Герасимовски во објава на социјланите мрежи оцени дека само дератизацијата не е доволна, а како еден од главните проблеми ги наведува нередовното чистење на контејнерите и натрупувањето отпад, кои создаваат услови за повторно појавување на глодарите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Љубовта се покажува со дела. Ако навистина сакате да ја видите Македонија во Европската Унија, се надевам дека тоа ќе го покажеме така што заедно ќе чекориме напред – со поддршка“, порача претседателката на ЛДП и пратеничка Моника Зајкова во Софија, непосредно пред своето обраќање, реагирајќи на излагањето на европратеникот Андреј Ковачев кој рече дека Бугарија гледа на Македонија со љубов навистина сака да ја види Македонија како членка на ЕУ.

Зајкова порача дека по повеќе од две децении европски ветувања, на Западниот Балкан повеќе не му се потребни нови декларации за европска перспектива, туку конкретни одлуки што ќе покажат дека реформите и исполнетите обврски носат реален напредок.

„Во Солун во 2003 година Западниот Балкан доби јасна европска перспектива. Детето родено тогаш денес има 23 години. Цела една генерација порасна слушајќи: Европа е вашата иднина. Не сакам повеќе да зборуваме за тоа што Европа ќе направи еден ден во иднина. Сакам да зборуваме за тоа што можеме да направиме денес“, истакна Зајкова.

Таа нагласи дека граѓаните на Македонија бараат процес во кој по секоја исполнета обврска доаѓања заслуженото придвижување воопшто ќе се случи, и додаде: „Нашите граѓани не се уморни од реформите. Уморни се од реформи без резултати. Ако од нив бараме тешки одлуки, реформи и компромиси, тогаш имаме обврска да покажеме дека исполнувањето на условите носи видлив напредок.”

“Во спротивно, страда довербата“, рече Зајкова.

Според неа, Балканот мора конечно да ја напушти политичката логика „кој кого може да блокира“ и да почне да размислува како успехот на една држава може да придонесе за успехот и безбедноста на соседите и на цела Европа.

„Наместо постојано да прашуваме кој кого може да блокира, да почнеме да прашуваме: како можеме да си помогнеме едни на други да станеме посилни? Како успехот на Бугарија може да ѝ помогне на Македонија и како успехот на Македонија може да ги направи Бугарија, Балканот и Европа посилни? Просперитетна, демократска и европска Македонија е во интерес на Бугарија, исто како што просперитетна и успешна Бугарија е во наш интерес“, порача Зајкова.

Таа посочи дека најголемата стратешка грешка за регионот би била државите да продолжат да го доживуваат напредокот на соседот како сопствен пораз.

„Можеме да бидеме емотивни. Можеме различно да гледаме на делови од минатото. Но не смееме разликите за минатото да ни ја одземат можноста заедно да изградиме подобра сегашност.“ нагласи Зајкова.

Во своето обраќање таа предложи и три конкретни чекори со кои европската интеграција би станала видлива уште пред формалното членство: структурирано итно учество без право на глас на пратеници од земјите кандидатки во релевантните комисии на Европскиот парламент во преодна фаза, посилен парламентарен надзор врз исполнувањето на обврските од постепената интеграција и принцип на автоматизам според кој исполнувањето на однапред јасно утврдени критериуми ќе носи однапред јасно утврдени придобивки.

„Ако критериумите се јасни и се исполнети, мора да следува резултат. Не реформа денес, а пет години подоцна повторно политичка дебата дали ќе ја добиеме придобивката што ни била ветена. Европа мора повторно да ја воспостави врската меѓу заслугата и напредокот“, рече Зајкова.

Како претседателка на либералното движење на Југоисточна Европа, Зајкова истакна дека регионалната соработка ѝ покажала дека успехот на соседот не е закана, туку можност.

„Кога некој од моите колеги како Илхан, Влад, Дан Барна и други во регионот успеваат, јас во нив не гледам конкурент. Гледам партнер. Замислете само ако тоа стане политички инстинкт на целиот Балкан – наместо да инвестираме енергија во тоа како да се сопреме едни со други, да инвестираме во тоа како заедно да напредуваме“, додава Зајкова.

„Балканот има енергија, талент и амбиција да биде еден од најдинамичните региони во Европа. Да ја споиме таа балканска енергија со европски правила, функционални институции и кредибилно исполнување на преземените обврски. Тогаш на нашите граѓани нема да мораме уште еднаш да им кажуваме дека Европа е нивната иднина – тие конечно ќе можат да ја видат Европа во својата сегашност“, заклучи Зајкова.

Со почит,

Либерално-демократска партија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.