Живот

Од придружничка на ирските политичари , станала терорист на Исламската држава (ВИДЕО)

И поранешниот ирски премиер Берти Ахерн ја памети Лиса Смит (38) како „прекрасна дама“ која ја сакала својата работа.

Смит некое време била во војска, служела на државните летови на ирската влада и ги придружувала тогашниот премиер Ахерн и поранешната претседателка Мери Меклеис.

Таа подоцна се приклучила на Исламската држава и неделава беше екстрадирана во Ирска каде е под истрага за терористички дела.

По потекло од Дандалк, Смит се придружи на ирската армија и воздушниот корпус во 2000 година. Во едно интервју, таа се опишува како жена која во минатото премногу пиела, повремено пушела канабис и земала екстаза, пренесува BBC.

По тоа, таа се преобрати во ислам и се омажи, но бракот брзо се распаднал. Во 2015 година, отпатува за Сирија, се омажи за британски борец на ИСИС и роди ќерка. По падот на Исламската држава, Смит живеела во бегалски логор под контрола на Курдите.

Во интервјуто за Би-Би-Си, таа рече дека не учествувала во борбите и негира дека обучувала девојчиња да користат оружје.

Таа беше депортирана од Турција во неделата наутро заедно со нејзината ќерка.

Веднаш биле покриени со розово ќебе и биле пренесени во службено возило, откако била преземена од ирските специјалци.

Смит бил доведена на сослушување, а нејзиното дете било згрижено од роднини.

Инспекторите ја испрашуваа во врска со нејзините активности, движења, комуникации и контакти преку интернет и за личните контакти во Африка, Европа, Блискиот исток и Ирска од нејзиното преобратување во ислам.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Западен Нил ја зема единаесетата жртва – почина 66 годишна жена од Росоман

Западно нилската треска ја зема и единаесетта жртва. Почина 66 годишна жена од Росоман, која подолго време била хоспитализарана и имала и други заболуавња.

Епидемијата со Западен Нил стивнува и веќе трете недела нема нови хоспитализирани пациенти, посочи директорот на инфективна Фадил Цана.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Наунов: Вистината се утврдува со докази, а не според потребите на одбраната

Со изведување докази предложени од одбраната денеска во судницата во „Идризово“ при продолжи судењето за пожарот во дискотеката „Пулс“ во Кочани.

Сведочеше вешто лице кое посочи дека од градежен аспект објектот на дискотеката не претрпел реконструкција ниту пренамена, туку се работело исклучиво за внатрешно ентериерно уредување. Родителите на жртвите од Пулс реагираа и порача дека судскиот процес не се води само за градежни конструкции, туку за безбедноста, одговорноста и загубените човечки животи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со факели и огномет пречекан Груби кој излезе од куќен притвор

Со факели, петарди, огномет и музика, како на голема прослава, синоќа во скопски Чаир стотина лица го пречекаа поранешниот вицепремиер Артан Груби, откако му беше укинат куќниот притвор.

Во друштво на пријатели и соработници, Груби се поздравуваше со присутните, додека се палеа факели и чадни бомби. Снимките од прославата брзо се проширија на социјалните мрежи.

Одбраната на Груби , на кого му се суди за злоупотреби во „Лотарија“ во соопштение до јавноста се оградува за синоќешното славење во Чаир.

-Собирот беше спонтан, пред домот на Артан Груби, без говори, без пораки, и без политички одбележија. Укинувањето на мерката претставува одлука на надлежните органи во рамките на законски предвидените постапки. Во името на нашиот штитеник, им се извинуваме на сите граѓани кои може да биле вознемирени синоќа од неколкуминутниот спонтан настан, што би можел да создаде погрешна слика во јавноста. Почитувањето на институциите, судските постапки и владеењето на правото е од суштинско значење, нагласува одбраната на Груби.

Но, иако Груби од вчера може да се брани од слобода, обвинението против него останува. Од Кривичниот суд соопштија дека куќниот притвор му е укинат по сила на законот, по истекувањето на максималниот рок од 60 дена од поднесувањето на обвинителниот предлог. Судот исто така не ја прифати ниту понудената гаранција од над 335 илјади евра за враќање на пасошот

Груби е второобвинет во случајот „Државна лотарија“, во кој Обвинителството го товари за злоупотреба на службената положба и овластувањата. Според обвинението, со спорни одлуки и постапки поврзани со набавката на видеолотариски терминали, на државната компанија ѝ била причинета штета од околу 9,7 милиони евра.

Во предметот се обвинети вкупно осум лица, меѓу кои и поранешниот директор Перпарим Бајрами кој по бегство од органите исто така се врати во Македонија. Груби пред судот се изјасни дека не се чувствува виновен, но и и натаму има забрана да го напушта Скопје, обврска да се јавува во судот и забрана за контакти со определени лица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.