Од понеделник Каја Калас во прва посета на Западен Балкан - Канал 5

Свет

Од понеделник Каја Калас во прва посета на Западен Балкан

Високата претставничка за надворешна политика и безбедност на ЕУ, Каја Калас, од 7 до 9 април ќе биде во прва посета на Западен Балкан, кога ќе биде во Црна Гора, Албанија и Босна и Херцеговина.

Од понеделник Каја Калас во прва посета на Западен Балкан

Во Црна Гора, Калас ќе се сретне со претседателот Јаков Милатовиќ и премиерот Милојко Спајиќ, соопштија од Европската служба за надворешни работи (ЕЕАС).

Најавена е средба со претставници на граѓански организации и учество на преглед на опремата финансирана од Европскиот мировен инструмент заедно со министерот за одбрана на Црна Гора Драган Краповиќ.

Калас во Албанија ќе се сретне со претседателот Бајрам Бегај и премиерот Еди Рама со кои ќе одржи заедничка прес-конференција.

Високата претставничка Калас ќе се сретне и со министерот за Европа и надворешни работи Игли Хасани и министерот за одбрана Пиро Венгу, со кои официјално ќе го отвори првиот дијалог за безбедност и одбрана меѓу ЕУ и Албанија.

Таа ќе присуствува и на потпишувањето на договорот за грантови и заеми од Европската инвестициска банка за развој на пругата Драч-Рогожина.

Калас ќе им се обрати и на студентите и на претставниците на граѓанското општество во Албанија.

Во Босна и Херцеговина, ќе ги посети припадниците на ЕУФОР Алтеа и ќе се сретне со членовите на Претседателството на Босна и Херцеговина и со претседателката на Советот на министри Борјана Кришто и со министерот за надворешни работи Елмедин Конаковиќ.

Тагови: Западен Балкан Каја Калас

Фудбал

Консеисао: Милан сè уште не го освои трофејот

Тренерот на Милан, Серхио Консеисао побара да се создава еуфорија по победата над Интер синоќа (3:0) во полуфиналето на фудбалскиот Куп на Италија.

Консеисао: Милан сè уште не го освои трофејот

- Имавме тешки моменти во првите неколку минути, но успеавме да постигнеме гол пред паузата. На полувреме подобривме некои работи и потоа навистина одигравме на високо ниво. Тимот има силни квалитети, како и скромност и желба за победа на секој натпревар. Јас сум љубител на овој спорт и се грижам за него повеќе од кој било друг. Го носам фудбалот дома, па и мојата сопруга ќе биде задоволна од овој резултат. Стоиме цврсто на нозе и се уште ништо не сме освоиле. Треба да играме во финалето и да ја промениме ситуацијата во Серија А за да го подобриме нашиот имиџ, изјави Консеисао за „Football Italia“.

Милан во финалето ќе игра против победникот од натпреварот Емполи – Болоња (прв натпревар - 0:3).

Тагови: Милан

Македонија

Од денеска привремена промена во сообраќајот на патот Желино - Тетово поради геодетско снимање

Од денеска ќе има привремена промена во сообраќајот на делот од државнот пат А2 – делница Желино - Тетово, помеѓу бензинската станица Макпетрол и северниот влез на Тетово. 

Од денеска привремена промена во сообраќајот на патот Желино - Тетово поради геодетско снимање

На овој дел од патот ќе се врши геодетско снимање и една сообраќајна лента ќе биде затворена во неколку фази. АМСМ соопшти дека работите ќе траат до нивно завршување.

Сообраќајот на државните патишта се одвива непречено, по претежно влажни коловози.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Мостот на река Вардар на регионалниот пат Р1312, кај Башино село е затворен за секаков вид на сообраќај.

Македонија

Повик за доделување парични награди за освоено прво место на државен натпревар за основци

Министерството за образование и наука објави повик за доделување парични награди за освоено прво место на државен натпревар за ученици во основното образование и наставниците што ги подготвиле за натпреварот. 

Повик за доделување парични награди за освоено прво место на државен натпревар за основци

-Натпреварот треба да биде организиран од акредитирано здружение на наставници. Барањата од ученикот, односно од неговиот наставник за исплата на парична награда за освоено прво место на натпревар на државно ниво во учебна година се доставуваат до Министерството најдоцна до 31 декември во тековната година кога е организаран натпреварот, се наведува во повикот на МОН.

Ученикот, заедно со наставникот кој го подготвувал за натпреварот, треба да достави електронска пријава на порталот: http://e-uslugi.mon.gov.mk со која во прилог доставува и документи кои се наведени во објавениот повик.

Тагови: МОН
притисни ентер