Македонија

Од осум региони во земјава во пет имаме негативен природен прираст

Во 2018 година се родиле 21666 деца или 88 помалку во однос на претходната година кога бројката на новородени деца е 21754.

Се намалува бројот на населението, загрижувачки се бројките во нашата земја предупредува поранешниот директор на заводот за статистика Дончо Герасимовски.

Од осум региони во земјава во пет имаме негативен природен прираст. Најзагрозени региони се источниот, пелагонискиот, вардарскиот и југоисточниот.

Најмногу опустошен е источниот регион и тоа во сите 11 општини, од градовите населението се намалило во Берово, Делчево, Македонска Каменица , Кочани и др, а зголемен природен прираст има во Липково и Куманово

Иселувањето од град во село е иста така една од причините за опустошувањето на одредени општини , така на пример скопските населби Карпош и Кисела вода кои континурано имаа празнење на население, сега имаат позитивен тренд оти многу од внатрешноста на земјата се доселија во овие општини, а многу луѓе ја напуштија државата објаснува Герасимовски.

Герасимовски предлага владата да формира министерство кое ќе се бави со популацијата во земјата и ќе презема мерки за зголемување на природниот прираст во земјата.

Свет

Украинците објавија снимка од жестоки улични борби за важен град на северот (ВИДЕО)

Украинските граничари објавија снимки од жестоки борби за стратешки важниот град Вовчанск во североисточниот дел на земјата, во областа Харков.

Борбите за тој град траат веќе една недела, откако руските сили започнаа ненадејна копнена офанзива преку границата. Во него тие зазедоа десетина села во регионот на Харков, но градот Вовчанск, кој беше речиси целосно евакуиран, сè уште се држи.

Русите тврдат дека влегле во градот од два правци за да воспостават позиции, додека Украинците тврдат дека ги враќаат назад и го стабилизираат фронтот. Очигледно, најголем дел од борбите се водат во предградијата на Вовчанск.

Македонија

Таравари: До петок конечен договор со ВМРО-ДПМНЕ за формирање Влада

Претседателот на Алијансата за Албанците и еден од лидерите на коалицијата ВЛЕН, Арбен Таравари рече дека се очекува преговорите да завршат следната недела.

Претседателот на Алијансата за Албанците и еден од лидерите на коалицијата ВЛЕН, Арбен Таравари на новинарско прашање за преговорите за формирање на влада, рече дека се очекува преговорите да завршат следната недела.

Технологија

Советот на Европа постигна договор за вештачката интелигенција

Министерите за надворешни работи на 46 земји на Советот на Европа се договорија за договор за употреба на вештачка интелигенција (ВИ).

„Со овој нов договор сакаме да обезбедиме одговорна употреба на вештачката интелигенција која ги почитува човековите права, владеењето на правото и демократијата“, рече генералниот секретар на Советот, Марија Пејчиновиќ во соопштението за медиумите.

Рамковната конвенција на Советот на Европа за вештачка интелигенција е првиот обврзувачки меѓународен договор за технологијата. Иако е изготвен под покровителство на Советот на Европа, може да го потпишат и други земји.

Меѓу другото, потписниците се согласуваат да создадат одредби во нивните национални закони кои обезбедуваат соодветна транспарентност, надзор и одговорност при користењето на системите за вештачка интелигенција. Тие, исто така, се обврзуваат да обезбедат системите за вештачка интелигенција да не ја дискриминираат неправедно или да ја нарушуваат приватноста на луѓето.

Конвенцијата се разликува од идниот Закон на Европската унија за вештачка интелигенција, иако ЕУ учествуваше во изготвувањето на договорот.

Иако конвенцијата е збир на широки принципи до кои потписниците мора да се придржуваат во нивните национални закони, Законот за вештачка интелигенција е специфична и детална регулатива која се применува во 27 земји на ЕУ.

Министрите на ЕУ се очекува да го одобрат Законот за вештачка интелигенција во вторник.

Советот на Европа и Европската унија се целосно одвоени организации, иако сите 27 земји-членки на ЕУ се меѓу 46-те членки на Советот.

Во изготвувањето на конвенцијата учествуваа 11 земји кои не се членки на Советот: Аргентина, Австралија, Канада, Костарика, Израел, Јапонија, Мексико, Перу, САД, Уругвај и Ватикан.