Од мај поевтинуваат повеќе од 300 лекови, ќе поевтини и лекот „Ксарелто“ - Канал 5

Здравје

Од мај поевтинуваат повеќе од 300 лекови, ќе поевтини и лекот „Ксарелто“

По најавите од Министерството за здравство за намалување на цените на одредени лекови кои не се на позитивната листа како и намалување на доплатата за дел од нив кои се на позитивната листа,  првиот човек на ФЗО – Сашо Клековски.

Од мај поевтинуваат повеќе од 300 лекови, ќе поевтини и лекот „Ксарелто“

По најавите од Министерството за здравство за намалување на цените на одредени лекови кои не се на позитивната листа како и намалување на доплатата за дел од нив кои се на позитивната листа, првиот човек на ФЗО – Сашо Клековски најавува и ново проширување на позитивната листа, по што вели се очекува попристапни цени за лековите особено за кардиоваскуларните и бубрежните заболувања. Иако додека се чека поефтинувањето, голем дел од македонските граѓани одат во соседството по неопходната терапија, Клековски вели дека има суштински разлики зошто лекарствата дома се поскапи.

-Јас постојано изразувам резерва за лековите од Косово, бидејќи законските регулативи и заштитата на лекови во Косово е поинаку е поставена и по самите упаковки ќе видите дека се продаваат во најверојатно оригинални упаковки, без соодветни регистрации. Во однос на Србија клучната разлика е нивниот пристап кон позитивната листа, која по обем е значајно поголема од македонската позитивна листа земајќи ја во обзир разликата во население.

Имавме само едно проширување на позитивната листа и е потребно време за да ги потегнеме овие работи, меѓутоа очекувам и во првата и во втората половина да има нови современи лекови за овие состојби. - Сашо Клековски, директор на ФЗО.

Клековски најавува дека два антикоагулантни лекови, меѓу кои и лекот „Ксарелто„ во првата половина на годината веќе би требало да се најдат на позитивната листа, а моменталниот застој е од конкурентни причини. По најавата на Министерството за здравство дека околу 300 лекови меѓу кои 56 оригинаторни, 174 генерички и 13 лекови од интервентен увоз ќе поефтинат, се очекува оттаму да прецизираат за кои лекови конкретно се работи.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Мусака од макарони

Во вторник (12.06.2026) во емисијата гостин ни бeше Вера Мештеровиќ.

„Гответе со Дракче“ - Мусака од макарони

Состојки за денешниот рецепт:

300 гр. мелено телешко месо

1 пакување макарони (пастицио)

1 главица кромид

1 морков

1 црвен домат

200 – 300 гр. доматно пире

300 гр. кашкавал

100 гр. пармезан

4 - 5 јајца

250 мл. млеко

маслиново масло по потреба

половина коцка путер

малку мускатно оревче

сол, бибер и др. зачини по избор

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузмановска: Криминалната ВМРО го казни претседателот на СДММ - Трајче затоа што не молчи!

Трајче е казнет затоа што не молчи.

Кузмановска: Криминалната ВМРО го казни претседателот на СДММ - Трајче затоа што не молчи!

Криминалната ВМРО и Мицкоски го прераспределија претседателот на СДММ од Штип во Берово или повеќе од 100 километри од неговото место на живеење до работното место.

Младите масовно се иселуваат а имаме обиди за замолчување на сите оние кои јавно зборуваат и избираат да не молчат.

Денеска е Трајче, а утре може да биде ској млад, секој од нас.

Од пред УЈП порачуваме, вие не го казнивте Трајче вие го казнивте правото младите слободно да мислат и слободно да зборуваат.

Но нема да молчиме, нема да не исплашите, нема да не замолчите.

Младите се против реваншизам, против, притисоци, против уцени и казни. Колку повеќе притискате, толку погласно ќе зборуваме.

Другар Трајче, со тебе сме.

Стефанија Кузмановска, потпретседателка на СДММ

Тагови: СДММ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делегација од шест македонски општини го посети и македонскиот КИЦ во Загреб

Иницијативи за културна соработка и туристичка промоција на локалните самоуправи.

Делегација од шест македонски општини го посети и македонскиот КИЦ во Загреб

Во рамките на студиската посета на Република Хрватска посветена на развојот на граѓанските енергетски заедници, делегација од шест македонски општини го посети и македонскиот Културно-информативен центар во Загреб и оствари средба со директорката Мими Ѓоргоска Илиевска.

Во состав на делегацијата беа градоначалниците на Битола, Кичево, Новаци и Демир Капија – Тони Коњановски, Александар Јовановски, Стевче Стевановски и Наталија Димитриева, секретарите на Куманово и Вевчани – Емилија Сларидис Јаневска и Зоран Радиноски, како и координаторот за енергетски проекти во Еко-свест, Жарко Конески.

Во текот на посетата се иницираа можности за продлабочување на соработката меѓу македонскиот КИЦ во Загреб и македонските општини. Посебен акцент беше ставен на промоцијата на општините како туристички дестинации преку претставување на нивното културно наследство, традиција, природни убавини и современи културни содржини, со цел зајакнување на културниот туризам и нивна поголема меѓународна видливост.

Во таа насока беа разгледани повеќе иницијативи и можности за заедничко организирање културни настани, изложби, презентации и други активности преку кои ќе се афирмираат културните и туристичките потенцијали на македонските општини пред хрватската јавност.

Македонскиот КИЦ во Загреб изразува благодарност до делегацијата што, и покрај својата студиска посета, одвои време да го посети КИЦ-от, при што ваквите средби се значајни за унапредување на взаемната соработка.

Тагови: КИЦ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер