Од легендарните фустани до шминката- се отвора изложба со 250 предмети на Мерлин Монро - Канал 5

Забава

Од легендарните фустани до шминката- се отвора изложба со 250 предмети на Мерлин Монро

Во октомври, во Лондон се отвора изложба каде посетителите ќе можат да погледнат околу 250 предмети кои некогаш биле во сопственост на Мерлин Монро, како што се љубовни писма или сатенски наметки на покојната актерка.

Од легендарните фустани до шминката- се отвора изложба со 250 предмети на Мерлин Монро

Меѓу експонатите има и фотографии направени за време на нејзините средби со покојната кралица Елизабета Втора во октомври 1956 година во лондонскиот Импајер театар.

Изложбата ќе биде поставена на Arches London Bridge, ново место за слични културни настани, со тавани високи шест метри и над 3.350 квадратни метри.

Посетителите ќе можат да го видат и црниот фустан на актерката со реси од филмот Some Love it Hot. Лиз Коравос, директор на Arches London Bridge, рече дека е „огромна привилегија да се биде домаќин на „Мерилин – Изложбата“ на Arches London Bridge“. Во истиот простор еднаш се одржа изложба за Елвис Присли.

Таму ќе бидат изложени шминката и козметиката што ја користела Монро, како и облеката што ја прослави на филмови и фотографии. Ќе биде интересно да се погледнат рачно напишаните белешки на актерката, цртежите од детството, писмата, семејните фотографии, книгите, сценаријата и реквизитите од филмовите на актерката.

Колекционерот и куратор на Мерлин Монро, Тед Стампфер, рече дека е воодушевен што некои од „најфасцинантните артефакти од неговата лична колекција ќе бидат изложени за прв пат во Лондон“.

„Во 1962 година, по нејзината смрт, личните предмети на Мерилин беа складирани и зачувани, речиси како временска капсула, речиси цели четири децении. Затоа, прекрасно е што може да ги споделиме овие уникатни предмети што можат да ни дадат вистински увид во нејзиниот живот. дозволувајќи ни денес да се доближиме до вистинската Мерлин Монро и нејзиниот вистински идентитет“, рече Стампфер.

Монро почина во 1962 година на 36-годишна возраст. Изложбата се отвора на 18 октомври.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Очекувам намалување на бензините за 2,5 до 3 денара и 7 денара на дизелот по литар

Да почекаме да Регулаторна комисија излезе со нивните математики, вели Мицкоски.

Мицкоски: Очекувам намалување на бензините за 2,5 до 3 денара и 7 денара на дизелот по литар

Претседателот на Владата на Република Македонија, Христијан Мицкоски денеска одговарајќи на новинарско прашање во однос на очекувањата за подрастично намалување на цените на горивата и дали се очекува стабилизација во Македонија и на глобално ниво со оглед на тоа што околу 55 трговски бродови поминаа низ Ормутскиот теснец, изјави:

„Па таа бројка од 55 танкери и не е нешто драматична, имајќи предвид дека на времето таа бројка била и троцифрени на ден. Имајте предвид дека овие танкери додека стигнат до конечните дестинации, ќе поминат можеби и еден месец, можеби и повеќе. Отприлика 25 до 35 дена, додека да стигнат таму каде што треба.

Така што очекувам во периодот, цената на барелот да се движи отприлика тука некаде, плус-минус некој долар, околу 80 долари за барел. Јас стојам на ставот дека нашите математики се тие, сега треба да ги видиме кои се математиките на Регулаторната комисија. Но очекувам поевтинување на бензините отприлика 2,5-3 денара и очекувам околу 7 денара намалување на дизелот по литар. Отприлика ова се тоа кое што ние го очекуваме, но да почекаме да Регулаторна комисија излезе со нивните математики.“

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

УЈП го презема претседателството на IOTA: Македонија ќе ја предводи соработката на европските даночни администрации

Управата за јавни приходи го презеде едногодишното претседателство на Интер-европската организација на даночни администрации (IOTA) на свечена церемонија која се одржа во рамките на 30-тото Годишно собрание на организацијата во Будимпешта.

УЈП го презема претседателството на IOTA: Македонија ќе ја предводи соработката на европските даночни администрации

Претседателството беше симболично преземено преку церемонијата на примопредавање на знамето на IOTA од в.д. директорката на Националната даночна и царинска администрација на Унгарија, Чила Тамаш Цзинеге, на директорката на Управата за јавни приходи, м-р Елена Петрова.

Во своето обраќање по преземањето на претседателството, директорката Петрова истакна дека даночните администрации денес се соочуваат со брзи технолошки промени, нови економски модели и растечки очекувања од граѓаните и бизнисите. Таа нагласи дека улогата на IOTA е да им помогне на даночните администрации успешно да ги претворат овие предизвици во можности преку практична соработка, размена на искуства и заедничко градење на капацитети.

„IOTA не треба да биде само место каде даночните администрации разговараат за промените, туку место каде заедно ги претвораат предизвиците во конкретни решенија."- истакна Петрова.

Веднаш по церемонијата на преземање на претседателството, директорката Петрова го предводеше конститутивниот состанок на новиот состав на Извршниот совет на IOTA, во кој влегуваат Азербејџан, Белгија, Ерменија, Естонија, Романија, Финска, Хрватска и Швајцарија.

Во рамките на Генералното собрание на IOTA, директорката Петрова учествуваше во панел дискусија со директорите на даночните администрации на Азербејџан, Естонија, Украина, Унгарија и Хрватска, посветена на стратешките приоритети на даночните администрации и идната улога на IOTA. На дискусијата беше нагласена потребата од забрзување на дигиталната трансформација, како и способноста на даночниците да управуваат со оваа трансформација и да ја зачуваат довербата на јавноста во услови на брзи технолошки и економски промени.

IOTA е организација во која членуваат 43 европски земји и две придружни членки, а е поврзана со повеќе меѓународни и глобални организации кои работат на даночни прашања. Преземањето на претседателството на IOTA претставува значајно меѓународно признание за Управата за јавни приходи, препознавајќи ја како активен и кредибилен партнер во европската даночна заедница.

Тагови: УЈП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во училиште на Филипините, убиени се три лица (Вознемирувачко видео)

Три лица се убиени, а пет се повредени во пукање во училиште на Филипините, соопшти денес филипинската полиција.

Пукање во училиште на Филипините, убиени се три лица (Вознемирувачко видео)

Повредените се однесени во блиските медицински установи на лекување, објави Ројтерс.

Инцидентот се случил во Националното средно училиште „Сан Хозе“ во градот Таклобан, покраина Лејте.

Регионалната полициска управа распореди дополнителен персонал во училиштето за да ја обезбеди безбедноста на учениците, персоналот, родителите и околната заедница.

Како што е наведено, еден осомничен за нападот е уапсен, додека другиот е сè уште на слобода.

Полицијата ги истражува околностите што доведоа до инцидентот.

Тагови: пукање Филипините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер