Тој бил и ексцентричен експерт за гробишта, нарекувајќи се себеси „некрополист“, со енциклопедиско знаење за мртвите.

Грозоморна колекција на мумии

Сепак, зад научната фасада лежела ужасна реалност. Полицијата направила откритие толку шокантно што ја запрепасти нацијата. Сè започнало кога мумифицираните тела на 26 девојчиња биле пронајдени во станот на Москвин.

Останките биле украдени од локалните гробишта, конзервирани со помош на домашна хемиска смеса, внимателно облечени и позирани да личат на кукли во природна големина.

Москвин ги ископал телата на малолетни девојчиња за да ги задоволи своите бизарни желби и опсесии, објавува „Мирор“.

Подоцна ги донел дома и ги трансформирал во морничава колекција на мумии, облекувајќи ги телата и скелетите во хулахопки и фустани, па дури и правејќи една да изгледа како мече.

Собрани податоци за девојчињата

Видеото што го снимил, а кое детективите го пронашле во неговиот стан, прикажува ходник исполнет со венчаници и шарена, весела облека.

Официјалните лица изјавија дека Москвин собирал податоци за животите на девојчињата, чии тела ги ексхумирал, и создал компјутерски печатени упатства за правење кукли од човечки остатоци.

Роден во 1966 година, Москвин со децении ги проучувал ритуалите на смртта. Подоцна тврдел дека неговата опсесија започнала со трауматски настан од детството.

Бизарен настан од неговата младост

Како соработник на руски неделник посветен на гробиштата и последните збогувања, Москвин опишал настан од 1979 година, кога имал 13 години. Тврдел дека бил запрен од група мажи во црни костуми на пат кон дома од училиште. Тие оделе на погребот на 11-годишната Наташа Петрова.

Според Москвин, тие го однеле до ковчегот и го принудиле да го бакне мртвото девојче - средба за која тврди дека го прогонувала до крајот на животот.

„Ја бакнав еднаш, па повторно, па повторно“, напишал тој.

Според неговите тврдења, мајката на мртвото девојче потоа му ставила венчален прстен на прстот, а друг на безживотната рака на нејзината ќерка.

„Мојот чуден брак со Наташа Петрова беше корисен“, додаде тој.

Неспособен да се соочи со судење

По апсењето, тој е прогласен за ментално неспособен и сместен во психијатриска болница со дијагноза параноидна шизофренија.

„По три години набљудување во психијатриска клиника, апсолутно е јасно дека Москвин не е ментално способен да се соочи со судење. Затоа, тој ќе остане на психијатриски третман во клиниката“, изјави подоцна портпаролот на обвинителството.

Минатиот октомври беше објавено дека лекарите препорачале да му биде дозволено да се врати дома. Медицинскиот тим наводно „поднесува документи до судот за ослободување на пациентот и сместување на грижа на роднини“, објави каналот Шот на Телеграм.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.