Од БМВ се пофалија со продажбата на електрифицирани модели, веќе продале 3 милиони - Канал 5

Автомобилизам

Од БМВ се пофалија со продажбата на електрифицирани модели, веќе продале 3 милиони

BMW Group постави нов рекорд во продажбата на електрифицирани возила.

Од БМВ се пофалија со продажбата на електрифицирани модели, веќе продале 3 милиони

Со испораката на хибридниот модел BMW Серија 3 plug-in од фабриката во Минхен, компанијата достигна бројка од три милиони продадени возила со електрифициран погон.

„Испораката на три милионитото електрифицирано возило е важна пресвртница што потврдува дека електрифицираните возила се клучна компонента на нашето технолошки неутрално портфолио на производи. Повеќе од една четвртина од возилата на БМВ Group продадени во првата половина од 2025 година се веќе електрифицирани“, рече Јохен Голер, член на Управниот одбор на BMW AG одговорен за клиенти, модели и продажба.

Европа е лидер во побарувачката

Европа е убедливо најголемиот пазар за електрифицирани возила на BMW Group со над 60% од глобалните испораки. Уделот на електрифицирани возила во вкупната продажба на BMW Group на европскиот континент веќе надминува 40%, а plug-in хибридните модели се особено популарни, бележејќи значително зголемување на продажбата во првата половина од 2025 година.

Целосно електричните се исто така успешни

Порано во јули, BMW Group веќе ја објави продажбата на своето 1,5 милионито целосно електрично возило - електричниот MINI Countryman од фабриката во Лајпциг, испорачан на клиент во Португалија.

Тагови: бмв модели

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Денеска со длабока почит се сеќаваме на бранителите кои кај месноста Љуботенски бачила, ги положија своите животи за мирот во Македонија

Денеска со длабока почит се сеќаваме на бранителите кои на 10 август 2001 година, кај месноста Љуботенски бачила, ги положија своите животи за мирот во Македонија, објави на својот профил на Фејсбук, Венко Филипче. 

Филипче: Денеска со длабока почит се сеќаваме на бранителите кои кај месноста Љуботенски бачила, ги положија своите животи за мирот во Македонија

Осум животи згаснаа исполнувајќи ја својата должност кон државата. Зад секое име стои човек, семејство, живот и празнина што времето не може да ја избрише.

Споменот на загинатите бранители, за нас треба да биде потсетник дека поделбите, омразата и конфликтите никогаш не носат подобра иднина и напредок.

Општеството се движи напред кога заеднички ја градиме иднината на државата без омраза и поделби.

Наша должност е да се сеќаваме на бранителите кои ги загубија животите со почит, но и да направиме сè за идните генерации да живеат во мирна, безбедна и просперитетна Македонија.

Вечна им слава!- стои во објавата на првиот човек на СДСМ, Венко Филипче.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поранешен тајландски пратеник уби локален функционер. „Не сакав да пукам во него.“

Поранешниот тајландски пратеник Чалонг Риевранг е уапсен под сомнение дека пукал во локалниот функционер Тонгчај Јенпрасерт во провинцијата Нонтабури. 

Видео: Поранешен тајландски пратеник уби локален функционер. „Не сакав да пукам во него.“

По пукањето, Риевранг се јавил кај една политичка коментаторка среде нејзиниот пренос на YouTube и го признал делото, пренесува Би-би-си.

Убиството се случило во понеделникот пред канцеларијата на Тонгчај Јенпрасерт. Тој бил застрелан во вратот и подоцна починал во болница, додека неговиот возач бил ранет во раката.

Кратко по нападот, Чалонг Риевранг се јавил кај Анчали Паирерак, која водела политичка емисија во живо на YouTube.

На снимката се гледа како водителката го прима повикот и како изразот на нејзиното лице се менува додека го слуша соговорникот.

„Дали е мртов? Дали пукавте во неговата глава? Мора да ја почекате полицијата. Не одете никаде“, рекла шокираната водителка во телефонот. Гледачите не можеле да го слушнат Риевранг, но од нејзината реакција било јасно дека сведочат на признание за извршеното кривично дело.

Риуранг подоцна е уапсен, а полицијата му дозволила да одржи прес-конференција во станицата. Таму, тој пред новинарите ја изнесе својата верзија за настаните. Тврдеше дека немал намера да пука во Јенпрасерт, кого го опиша како добар пријател.

Според него, Јенпрасерт бил лут на него, иако не ја објасни причината за конфликтот. Риуранг рече дека сакал само да разговара со Јенпрасерт. „Ме оттурна и рече дека не сака да разговара“, изјави Риуранг.

Додаде дека потоа го следел до неговиот автомобил. „Кога го извадив пиштолот, немав намера да пукам во него. Но, тогаш неговиот возач го извади својот пиштол и го впери кон мене, па затоа пукав“, објасни тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Земјоделците од Струмичко и денеска излегоа на протест

Земјоделците од Струмичко и денеска повторно излегоа на протест, незадоволни од откупната цена на црвената пиперка позната како „ајварка“, која најчесто се користи за подготовка на ајвар.

Земјоделците од Струмичко и денеска излегоа на протест

Како што објави „Струмица Денес“, производителите бараат повисока откупна цена, посочувајќи дека сегашните услови не ги покриваат вложувањата и трошоците за производство.

На протестот земјоделците носат транспаренти преку кои го изразуваат револтот од состојбата со откупот. Дел од пораките се насочени кон откупувачите и трговците, а производителите предупредуваат дека со ниските цени земјоделското производство станува сè понеисплатливо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер