Свет

Од 1 јули следната година ЕУ воведува царина од три евра за нарачките преку сајтовите за е-трговија

Советот на ЕУ денеска го усвои предлогот од 1 јули 2026 година да започне наплата на фиксна царина од три евра за сите мали пакети во вредност помала од 150 евра што пристигнуваат во ЕУ од трети земја.

Оваа мерка во најголем дел ќе се однесува на пратките со производи кои жителите на ЕУ ги нарачуваат преку платформите за е-трговија, како што се „Тему“, „Шиен“ или „Алибаба“. Според податоците, на вакви пратки отпаѓаат 93 отсто од сите мали пакети што годишно пристигнуваат во ЕУ од странство.

Со оваа привремена мерка, што ќе важи до усвојувањето на пакетот за царинска реформа, ЕУ се обидува да се справи со нелојалната конкуренција што ја создаваат платформите за е-трговија за трговците од ЕУ, но и да ги зајакне мерките за заштита на здравјето и безбедноста на потрошувачите и на животната средина и да ги спречи измамите со продажбата на производите преку интернет.

Европската комисија го поздрави усвојувањето на предлогот, оценувајќи дека на тој начин ќе се заштити конкурентноста на европските бизниси и ќе се изедначат условите за работа помеѓу е-трговијата и традиционалната продажба на мало.

Комисијата појаснува дека со оваа одлука ќе се премости јазот до воспоставувањето на Царинскиот центар за податоци на ЕУ, планирано кон средината на 2028 година, чие создавање е предвидено со царинската реформа во Унијата.

Привремената царинска давачка од три евра по пратка ќе се наплаќа на пакети директно испратени од трети земјид о потрошувачите во ЕУ, појаснува ЕК.

Во соопштението се додава дека оваа мерка, е различна од планираниот „надомест за ракување со пратки од е-трговија“, за чие воведување преговорите се во тек. Овој „надомест за ракување“ има за цел да ги компензира зголемените трошоци што ги имаат царинските органи при надзор на се поголемиот број на пратки со производи нарачани преку сајтовите за е-трговија. Начелно се планира овој надомест да биде воведен од ноември 2026 година, но неговата точна висина и датум на примена ќе бидат познати откако Советот на ЕУ и Европскиот парламент ќе ги усогласат ставовите околу ваквиот предлог.

Инаку, кога станува збор за Белгија, белгиската Влада донесе индивидуална одлука за наплата на такса од две евра за пратките со нарачани производи преку сајтовите за е-трговија. Како што наведуваат белгиските медиуми, со стапувањето во сила на европската фиксна царина од три евра, надоместот што го воведе Белгија нема да биде укинат, туку Белгијците ќе плаќаат по пет евра за секоја пратка што ќе ја добијат од странство.

Тагови: е-трговија ЕУ царина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Хајди Клум повторно провоцира

Легендарната манекенка и топ модел Хајди Клум повторно ги воодушеви фановите со фотки во бикини коие се чиста провокација.

Летото е во полн ек, што значи дека Хајди Клум сè уште има време да ги покаже различните модели на костими за капење што ги подготвила за ова лето.

Појавувањето на фаталната русокоса е чиста провокација, градите ќе и излетаат од бикинито.

Позната по своите заводливи облини и по тоа што нема проблем да се разголи пред своите обожаватели, манекенката Хајди Клум повторно го почести светот со жешки летни фотографии.

Неодамна беше фотографирана на островот Сент Бартелеми, а благо кажано, со своето издание таа ја разгори фантазијата на многумина.

За време на фотографирањето, познатата убавица носеше бикини што едвај ги покриваше нејзините интимни делови, особено бујните гради кои се закануваа дека ќе „изѕирнат“ од горниот дел на овој провокативен костим за капење.

За време на снимањето, славната убавица носеше бикини што едвај ги покриваше нејзините интимни делови, особено бујните гради кои се закануваа дека ќе „изѕирнат“ од горниот дел на овој провокативен костим за капење.

Фотографиите се проширија на социјалните мрежи со брзината на светлината, а јавноста имаше можност да ужива во заводливите облини на славниот топ-модел од 90-тите.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Снимател доби отказ поради неа!

Винифер Фернандез долги години важи за една од најубавите и најатрактивни спортистки на светот.

Но, таа исчезна преку ноќ: Каде е и што прави најубавата одбојкарка на светот?

Во изминатите осум години, познатото видео од потезите на Винифер Фернандез на YouTube собра дури 15 милиони прегледи.

Ретко кој не ги видел нејзините фотографии што го преплавија интернетот во 2016 година.

Таа се најде на насловните страници ширум светот, многумина ја прогласија за најубава, односно најатрактивна одбојкарка на планетата, а потоа речиси преку ноќ исчезна од центарот на вниманието.

Во изминатите осум години, познатото видео со нејзините потези на YouTube собра дури 15 милиони прегледи.

Винифер Марија Фернандез (30), одбојкарка од Доминиканската Република, во тој период важеше за една од најпопуларните спортистки во светот.

Речиси и да немаше човек што не ги виде нејзините фотографии кои ги преплавија социјалните мрежи и интернетот, но потоа таа одеднаш исчезна од очите на јавноста. Последниот клуб за кој настапуваше беше „Карибењас“, а со години беше една од најголемите ѕвезди на репрезентацијата на Доминиканската Република. Иако денес не е толку присутна во медиумите како порано, на Инстаграм ја следат повеќе од 65.000 луѓе.

Винифер е висока 169 сантиметри и тешка 62 килограми, а додека играше на Куба, се случи интересна анегдота според која еден снимател наводно добил отказ бидејќи, наместо да го сними одлучувачкиот поен во натпреварот, ја насочил камерата кон младата Винифер Фернандез.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Првиот електричен Ferrari е веќе целосно распродаден

Првиот целосно електричен модел на Ferrari, Luce, можеби не ги освои симпатиите на љубителите на автомобили на социјалните мрежи, но тоа не ги спречи купувачите да резервираат речиси секој планиран примерок.

Иако моделот се соочи со критики во врска со дизајнот и преминот на Ferrari кон електричен погон, првичната серија на производство е веќе целосно распродадена.

Ова потврдува дека јавното мислење не секогаш се совпаѓа со желбите на купувачите кои можат да си дозволат огромни суми за ексклузивни автомобили.

Повикувајќи се на два извори запознаени со плановите на компанијата, Financial Times известува дека Ferrari планирало да продаде нешто помалку од 500 примероци од моделот Luce во текот на првата година, пренесува Računalo.com.

Според извештаите, целата планирана серија на производство за првата година била распродадена уште на почетокот на овој месец, и покрај почетната цена од 550.000 евра (без данок).

Иако Ferrari ги демантираше тврдењата дека купувачите мора да го нарачаат моделот „Luce“ за да го задржат својот привилегиран статус кај брендот, многумина сметаат дека овој фактор можеби придонел за големата побарувачка.

Наводно, од дилерите било побарано да не вршат притисок врз долгогодишните колекционери на Ferrari да го купат „Luce“, туку да се фокусираат на нови купувачи – особено на богати клиенти во Кина и во технолошките центри како Силиконската долина, каде што електричните автомобили веќе се широко прифатени.

Се чини дека оваа стратегија дава резултати. Според „Фајненшл тајмс“ (Financial Times), Ferrari планира да продаде приближно 2.500 примероци од моделот „Luce“ до 2030 година, што изнесува околу 600 возила годишно.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.