Обвинителството тврди дека нема докази за штета, МВР и ЕСМ со спротивни ставови - Канал 5

Македонија

Обвинителството тврди дека нема докази за штета, МВР и ЕСМ со спротивни ставови

Предметот за потенцијалната штета од над 160 милиони евра при набавки на мазутот за ТЕЦ Неготино не е готов со затворањето на истрагата, ниту пак некој може да ме убеди дека кога истата отпочнала имало докази, а сега нема.

Обвинителството тврди дека нема докази за штета, МВР и ЕСМ со спротивни ставови

Предметот за потенцијалната штета од над 160 милиони евра при набавки на мазутот за ТЕЦ Неготино не е готов со затворањето на истрагата, ниту пак некој може да ме убеди дека кога истата отпочнала имало докази, а сега нема – кажа министерот Панче Тошковски во гостувањето во „Само Интервју“, кој најави нови чекори, но не ги откри.. Тој, како и целиот тим од МВР кој работел на предметот, а како што вели Тошковски, под насоки на обвинителката Коларевиќ, се шокирани од ваквата одлука од ОЈО ГОКК и порача дека постапката, која според него е плитко спроведена, нема тивко да се затвори.

-Во никој случај не смее една ваква постапка така тивко да се затвори, таков тивок обид на затварање на постапката од страна на обвинителството што ја води постапката. Ќе види јавноста во наредниот период за што точно сум сакал да поентирам, од аспект на фактичка состојба која МВР неспорно ја има утврдено во изминатиот период во насока на остварување на право и правда. Никој не може да ме убеди дека во тој момент тогаш имало докази, а сега нема, тоа не може никој да ме убеди за да се преземат чекори какви што се презеле. Не е ова пресудена работа, има процесни чекори кои ќе следат во иднина, претпостапувам дека ќе има чекори за брзо, меѓутоа во секој случај ова пресудена работа не е. Панче Тошковски – Министер за внатрешни работи („Само интервју“ – 15.05.2026).

По низата реакции, предметната обвинителката Катерина Коларевиќ во итнервју за 360 степени се правда дека истрагата ја затворила бидејќи клучните елементи за кривичните дела не биле потврдени, а дека немало шетета, како што вели, тврделе и од ЕСМ, од каде, како што кажа, во ниту еден момент од истрагата не доставиле докази и документација дека компанијата претрпела штета од осомничените.

-Претставниците на АД ЕСМ, овластени од сегашниот директор на АД ЕСМ и претставниците на ТЕЦ Неготино овластени од сегашниот директор на ТЕЦ Неготино на записник во обвинителството изјавија дека постапките се спроведувале согласно правилата, дека немало проблеми во динамиката на испорака, дека договорите биле целосно испочитувани. -Катерина Коларевиќ – Обвинителка.

Од ЕСМ пак демантираат – велат дека дека лицата кои биле повикани во обвинителството не биле ниту овластени, ниту компетентни, а најмалку одговорни да даваат коментари за финансиска штета. Тие посочуваат дека во ОЈО ГОКК биле повикани инжењери за да ги образложат техничките процеси и истите немаат допирна точка со економија, и само потврдиле дека немало штета, но единствено во однос на планот на производство на електрична енергија.

-Обвинителката паушално го спровела вештачењето на доказите од кривичната пријава и неосновано ги искривила исказите на пратените инжењери на барање од Обвинителството за да ги образложат од технички аспект механизмите на спроведување на спорната набавка, како и изговор за прекин на постапката. Токму тие искази сега се злоупотребуваат за спинување и правдање на Обвинителката дека наводно, Наредбата за запирање на постапката била резултат на изјавата од АД ЕСМ, дека немало настаната материјална штета. АД ЕСМ .

Во однос на тоа, дали ќе има реакција од страна на републичкиот обвинител, од ОЈО велат дека процедурите во обвинителството се јасни, при евентуален приговор, кој веќе го најави ЕСМ, ќе постапува Вишото јавно обвинителство.

YouTube video

Тагови: АД ЕСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер