Обвинителството ја почна доказната постапка против апелацискиот судија Ѓоко Ристов - Канал 5

Македонија

Обвинителството ја почна доказната постапка против апелацискиот судија Ѓоко Ристов

На средното рочиште судењето ќе продолжи со сведочење на вештак.

Обвинителството ја почна доказната постапка против апелацискиот судија Ѓоко Ристов

Евра завиткани во алуминиумска фолија, материјали за реконструкција и рачно напишани ливчиња со пресметки за количината и вредноста на банкнотите – преку презентација на фотографии и видео докази, обвинителството ја започна доказната постапка против екс-апелацискиот судија Ѓоко Ристов кому во семејниот дом во Неготино му беа најдени соѕидани во 350.000 евра.

Клучен момент на рочиштето беше видео-снимката од претресот во Неготино, на која таткото на обвинетиот, Здравко Ристов, на прашање на извршителите кој го користи просторот на вториот спрат од домот – одговара „Синот Ѓоко, судијата, го користи овој простор“ – на што обвинетиот на рочиштето се противеше.

-Спратот горе во куќата, каде што се пронајдени парите е наведено дека го користам јас, но колку што можеше да се види и од прикажаните докази, во дневниот простор, има десетина слики на мојот брат и неговото семејство, тој простор не го користам јас. - Ѓоко Ристов – Обвинет

Во доказната постапка беа презентирани и наоди од ДНК-вештачења и други форензички анализи, што беше и причина за тензија помеѓу обвинителството и одбраната. Адвокатот на Ристов забележа на начинот на кој се менаџирало со доказите, и според него, невниманието на кој се прибирале истите – според обвинителството, пак, станува збор за обид за одолговлекување на постапката.

-Вештаците се тие кои треба да објаснат, особено околу биолошките трагите, начинот на кои се чувани земените материјали, видовте, дека форензичарите не се облечени така како што налага протоколот, можеби обвинителството да однесува на тој начин, на кој се однесува, ама прописи во Македонија има и тие први треба да ги почитуваат. Нивните докази се контаминирани и тоа ќе го докажуваме во постапката. Ова се се докази од лице место кои не се во сопственост на обвинетиот, не се однесува на обвинетиот. На плочките - Звонко Давидовиќ – Адвокат на Ѓоко Ристов

-Јас ќе си дозволам, стана манир, многу често го гледаме, одбраната под плаштот на права на одбраната да влегува и да гази граница на злоупотреба на правата. Законот има одредби за тоа кои практично не дозволуваат и не би требало да се дозволува злоупотреба на правата на одбраната, но јас сум уверена дека овој суд е доволно искусен, и дека нема да дозволи одбраната преку злоупотреба на своите права да ја одолговлекува оваа постапка. - Искра Хаџи Василева – Обвинителка

На рочиштето беа прикажани и снимки од средби помеѓу Ристов, и поранешниот државен правобранител и адвокат Фехми Стафа, кој претходно призна вина во предмет за примање на поткуп да посредува помеѓу, апелационен судија, кој според наводите е Ѓоко Ристов и бизнисменот Љупчо Пецов – познат како „Ѓаволот“ за да влијае врз предмет и да ги укине притворските мерки за бизнисменот – случај кој беше „каписла“ да се отвори истрага против Ристов. А, поврзаност меѓу Пецов и Ристов, обвинителството утврдило и при имотно – правни релации, за кредит за стан.

На средното рочиште судењето ќе продолжи со сведочење на вештак, по барање на одбранта, со цел лично да ги образложи биолошките траги пронајдени на предметите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Како клима-уредот да ви троши најмалку, а да го загрева цел стан?

Подобро веднаш да ја наместите температурата што ви е пријатна, наместо да клима-уредот да го поставите на максимум, а подоцна да намалувате.

Како клима-уредот да ви троши најмалку, а да го загрева цел стан?

Кога температурите наесен почнуваат да опаѓаат, но сè уште нема потреба од целодневно греење, инвертер-клима уредот може да биде практичен начин за затоплување на просторот. Поставувањето на температура од околу 21 °С во режимот за греење („HEAT“) може да биде добро за многу домаќинства.

Сепак, не постои единствена поставка за температура што гарантира најниска потрошувачка на енергија за секое домаќинство. Ефикасноста зависи од големината на просторијата, надворешната температура, како и моќноста и степенот на енергетска ефикасност на уредот.

Грешка е веднаш да го поставите клима уредот на 30 степени.

Многу луѓе веруваат дека просторијата ќе се загрее побрзо ако клима- уредот веднаш се постави на 28 или 30 степени. Меѓутоа, кај инвертер-уредите, повисоката целна температура не мора да значи и побрзо загревање.

Клима-уредот се обидува да ја постигне зададената температура, па изборот на превисока вредност може да предизвика уредот да работи со висок интензитет подолг временски период.

Затоа, подобро е веднаш да ја поставите температурата на пријатно ниво, наместо да ја поставувате на максимум и подоцна да ја намалувате.

Како можете да ја намалите потрошувачката на енергија во преодниот период?

Колку е поголема разликата помеѓу надворешната и внатрешната температура, толку повеќе енергија троши уредот за да ги одржува посакуваните услови.

Ова ги прави инвертер уредите особено практични во текот на есента, кога надворешните температури сè уште не се екстремно ниски. Откако ќе се постигне дадената температура, компресорот на инвертерот може да го намали интензитетот на работа и да се прилагоди на моменталните потреби на просторијата.

Ако го користите клима- уредот поголемиот дел од денот, честото рачно вклучување и исклучување не мора да биде најдобриот начин за заштеда на енергија. Во многу ситуации, попрактично е уредот да одржува релативно стабилна температура.

Важна е и положбата на крилцата за насочување на воздух

При греење, корисно е да се обрне внимание на насоката на струењето на воздухот.

Бидејќи топлиот воздух природно се крева нагоре, насочувањето на крилцата малку надолу може да помогне топлината порамномерно да се распореди низ просторијата, наместо поголемиот дел од топлиот воздух да се собира близу до таванот.

За секојдневно греење можете да ја користите и автоматската поставка на брзината на вентилаторот, доколку вашиот модел на клима-уред ја поддржува таа опција.

Валканите филтри можат да ја отежнат работата

Потрошувачката на енергија не зависи само од поставките на далечинскиот управувач; валканите филтри можат да го намалат протокот на воздух и да ја попречат ефикасноста на уредот.

Затоа, треба редовно да се чистат во согласност со упатствата на производителот. Освен тоа, лошата изолација, значителната загуба на топлина низ прозорците и вратите, или клима-уред со недоволен капацитет за просторот што се загрева, можат да ја зголемат потрошувачката на енергија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер