Други спортови

Објавено е колку заработи Фјури по лесната победа против Чисора

Тајсон Фјури ја одбрани титулата ВБЦ во тешка категорија со победа против сонародникот Дерек Чисора.

Борбата се одржа во Лондон на стадионот на Тотенхем, а Фјури славеше со прекин во десеттата рунда. Џипси Кинг боксираше доминантен меч, а во однос на Чисора доминантен беше и делот од заработката што ја зеде од оваа борба.

Според британските медиуми, Дерек Чисора од оваа борба заработил најмалку 2,3 милиони евра. Фјури, како што пишува Мирор, заработил пет пати повеќе, односно 11,7 милиони фунти. Тоа е далеку од рекордната заработка на Фјури. Во борбите против Вајлдер заработи 35 милиони евра, додека во борбата против Дилијан Вајт 30 милиони.

Голем број навивачи го нападнаа Фјури што за противник го зема Чисора, кој имаше три последователни порази во последните четири меча, многумина истакнаа дека сметаат дека би било подобро да остане во пензија. Фјури се уште е непоразен во кариерата. На 34 натпревари оствари 33 победи и едно реми, додека Чисора има сооднос од 33 победи и 13 порази.

Македонија

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

Македонија

Магла со видливост до 50 метри на патниот правец Тетово – Попова Шапка

Магла со видливост од 40 до 50 метри има на патниот правец Тетово – Попова Шапка, соопштија вечерва од Авто-мото сојузот на Македонија.

Сообраќајот на останатите државни патишта се одвива непречено, по наместа влажни коловози.

– Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.

– Особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се нагласува во соопштението.

Македонија

За брзо возење на територија на СВР Битола санкционирани 87 возачи

Вкупно 87 возачи се казнети при засилената акциска контрола за санкционирање на лица кои управуваaт возило со брзина поголема од пропишаната што денеска во периодот од 10.00 до 15.00 часот беше спреведена на територијата на СВР Битола. 

Од нив, како што информира МВР, 59 ја пречекориле брзината во населено место, а 28 надвор од населено место.

На сите прекршители изготвени им се соодветни поднесоци.

Од МВР најавуваат дека и во наредните денови же продолжат засилените акциски сообраќајни контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.

притисни ентер