Објавен е токсиколошкиот наод на починатиот пејач Лиам Пејн- во крвта имал „розов кокаин“ - Канал 5

Шоу биз

Објавен е токсиколошкиот наод на починатиот пејач Лиам Пејн- во крвта имал „розов кокаин“

Објавен е токсиколошкиот извештај на Лиам Пејн.

Објавен е токсиколошкиот наод на починатиот пејач Лиам Пејн- во крвта имал „розов кокаин“

Пејачот имал траги од комбинација на повеќе дроги во неговиот систем, вклучително и „розов кокаин“, кога паднал од балконот на неговиот хотел и починал, според извештаите на аргентинската полиција.

Прелиминарните резултати од токсиколошките тестови на посмртните останки на Пејн откриле траги од кокаин, бензодиазепини, крек кокаин и „розов кокаин“ кој е комбинација од метамфетамин, кетамин и МДМА. „Делумната обдукција откри дека Лијам Пејн имал повеќе супстанции во неговиот систем кога паднал од балконот на третиот кат од неговата хотелска соба во Буенос Аирес“, се вели во извештајот.

„Овие супстанции вклучуваа „розов кокаин“ - рекреативна дрога која обично е мешавина од неколку дроги, вклучувајќи метамфетамин, кетамин, МДМА и други - како и кокаин, бензодиазепини и крек, најдени во неговиот хотелска соба“, се наведува.

Додека продолжуваат тестовите на супстанции - бел прав, траги од хемиски кристали и лекови на рецепт - пронајдени во неговиот апартман во хотелот каде што починал, резултатите од обдукцијата на неговото тело биле завршени претходно.

Поранешниот пејач на One Direction, Лиам Пејн, почина на местото на настанот од повеќе повреди, вклучително и фрактура на черепот, потврдија службите за итни случаи во Буенос Аирес минатата недела.

31-годишниот пејач паднал од третиот кат во дворот на хотелот Каса Сур во главниот град на Аргентина. Вработените во хотелот во Буенос Аирес каде Лијам Пејн загинал при пад се под истрага за наводно снабдување на пејачот со тешки дроги во деновите пред неговата смрт. Мажите се обвинети дека шверцувале разни наркотици во апартманот на пејачот во хотелот CasaSur во луксузниот кварт Палермо.

Се верува дека камериер и уште еден член на персоналот ја сокриле дрогата во кутија за сапун, која детективите ја пронашле во собата на Лиам по неговата смрт. Се верува дека раководството на CasaSur било свесно за невообичаеното однесување на двајцата вработени и дека еден од вработените бил отпуштен.

Детективите ги испрашувале и вработените за нивната можна улога во смртта на пејачот. „Во хотелот имало двајца мажи кои го снабдувале Лиам со дрога“, открил близок пријател на Лиам Пејн. „Праќаа такси да му земат пакети. Еден од тие луѓе работеше во одделението за чистење.

По смртта на Лиам, забележале дека на домашната адреса на вработениот е испратено такси. „Менаџерот на хотелот го прашал зошто таксито отишло на неговата домашна адреса, а кога не можел да даде објаснување, добил отказ“, додаде тој.

Да потсетиме дека полицијата во Буенос Аирес објави дека хотелската соба на Пејн била „во целосен хаос“ и дека бројни предмети „се скршени и расфрлани“. Во соопштението за медиумите се наведува и дека во внатрешниот двор на хотелот, каде што е пронајдено телото на пејачот, биле пронајдени и шише виски, запалка и мобилен телефон.

Розовиот кокаин, познат како туси, всушност не е кокаин, туку синтетичка дрога која е комбинација од различни психоактивни супстанци, најчесто од семејството на халуциногени фенитиламини, вклучувајќи го и 2C-B.

Оваа супстанца првпат била синтетизирана во 1970-тите, а особено е забележлива по предизвикување интензивни халуцинации. Дрогата има розова боја и често се меша со мириси налик на јагоди, што го прави привлечен за помладите корисници во клубската сцена.

Еден од главните проблеми со туси дрогата е тоа што нејзините состојки варираат, така што корисниците никогаш не знаат точно што земаат, со што се зголемува ризикот од опасни несакани ефекти. Дрогата е поврзана со Колумбија, каде што производството е најраспространето, а најмногу се користи во Шпанија и други европски земји.

Експертите предупредуваат дека туси е исклучително опасен поради неговата непредвидливост и потенцијално токсичните состојки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бројот на загинати мигранти во Шпанија расте!

Најмалку 77 загинати при обид за преминување на границата. 

Бројот на загинати мигранти во Шпанија расте!

Најмалку 77 лица загинаа обидувајќи се да стигнат до шпанската енклава Сеута, откако дури 50.000 мигранти влегле на оваа мала територија од Мароко, пренесува „Скај њуз“.

Шпанскиот премиер Педро Санчез оцени дека станува збор за „повреда на територијалниот интегритет на Шпанија“.

Масовниот прилив на мигранти, кој се случи за само 24 часа, го преплави градот со околу 85.000 жители, предизвика политичка криза во Мадрид и доведе до поделени реакции кај другите земји-членки на ЕУ, вклучително и повици Шпанија да биде суспендирана од Шенген-зоната за слободно движење.

Санчез, кој пристигна во Сеута во петокот наутро, изјави дека владата ќе ги искористи сите расположливи средства за да ја гарантира безбедноста на жителите на градот.

Тој за масовното преминување на границата ги обвини „мафиите за трговија со луѓе“, кои ја искористиле одлуката на Врховниот суд на Шпанија.

Судот неодамна пресуди дека лицата пресретнати на море додека се обидувале да влезат во Сеута или во другата шпанска енклава во Северна Африка, Мелиља, не можат автоматски да бидат вратени според посебни правила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уште 30 см подолу и – готови сме: Вучиќ предупредува на нискиот водостој на Дунав

Ако Дунав се спушти уште 30 сантиметри – ние сме готови, ги предупреди своите сограѓани српскиот претседател Александар Вучиќ. 

Уште 30 см подолу и – готови сме: Вучиќ предупредува на нискиот водостој на Дунав

Евентуалното дополнително намалување на нивото на водата на Дунав може да предизвика голем проблем, изјави Вучиќ.

„Дунав е сè уште пловен по целата своја должина, но на некои места е толку плиток што мораме да градиме премини. Сè што е поврзано со нафтата е пекол за нас. Никаде нема дизел. Што да им кажам на луѓето? Не можете да купите ни еден литар дизел никаде. Нема. Го дадовме од оперативните резерви за да не го извезуваат во регионот“, рече српскиот претседател.

Тој додаде дека Србија ги чува своите резерви. Добро е што ни беа дадени уште 28 дена, 4 недели. „се надевам дека во следните 10 дена ќе разговарам и со унгарскиот премиер и со рускиот претседател – рече Вучиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Градскиот парк го враќа својот сјај

Екипите на јавните претпријатија на Град Скопје го расчистија првиот дел од Градскиот парк од последиците на силното невреме што пред неколку дена го зафати Скопје. 

Ѓорѓиевски: Градскиот парк го враќа својот сјај

Засадени се нови садници, санирана е оштетената урбана опрема, а просторот повторно е достапен за посетителите.

Интензивно се работи и во вториот дел од Градскиот парк каде што се отстрануваат последиците од невремето, се санираат штетите, се отстрануваат старите и оштетени дрвја и се засадуваат нови садници.

„Природните непогоди не можеме да ги спречиме, но можеме да покажеме дека со заедништво, организираност и посветена работа брзо и одговорно ќе ги надминеме последиците. Изразувам огромна благодарност до сите вработени и служби кои деноноќно беа на терен, за Градскиот парк повторно да биде чист, безбеден и зелен дом на сите скопјани. Продолжуваме со работа сè додека не биде обновен и последниот оштетен дел од паркот“, вели градоначалникот Орце Ѓорѓиевски.

Силното невреме што пред неколку дена го зафати Скопје остави сериозни последици низ целиот град, а еден од најпогодените простори беше токму Градскиот парк. Повеќе од 100 дрвја беа соборени, пешачките патеки беа затрупани, а значителна штета беше нанесена и на урбаната опрема.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер