МакедонијаОбјавен е список на најмоќните пасоши на светот- Македонија е на 38. местоОбјавено е најновото рангирање на најмоќните пасоши во светот за 2025 година, а резултатите покажуваат континуирана доминација на европските земји.Според индексот на пасоши „Хенли“, кој ги рангира пасошите врз основа на бројот на дестинации достапни без виза, една азиска земја е на врвот втора година по ред. Податоците, собрани од Меѓународната асоцијација за воздушен транспорт (IATA), потврдуваат дека Сингапур сè уште го држи првото место, дозволувајќи им на своите граѓани да патуваат во дури 193 земји без потреба од виза. Веднаш зад неа се Јапонија и Јужна Кореја, кои го делат второто место со пристап до 190 дестинации. Најмоќните пасоши во светот: • 1-во место – 193 дестинации без виза: Сингапур • 2-ро место – 190 дестинации без виза: Јапонија, Јужна Кореја • 3-то место – 189 дестинации без виза: Данска, Финска, Франција, Германија, Ирска, Италија, Шпанија • 4-то место – 188 дестинации без виза: Австрија, Белгија, Луксембург, Холандија, Норвешка, Португалија, Шведска • 5-то место – 187 дестинации без виза: Грција, Нов Зеланд, Швајцарија • 6-то место – 186 дестинации без виза: Обединето Кралство • 7-мо место – 185 дестинации без виза: Австралија, Чешка, Унгарија, Малта, Полска • 8-мо место – 184 дестинации без виза: Канада, Естонија, Обединети Арапски Емирати • 9-то место – 183 дестинации без виза: Хрватска, Латвија, Словачка, Словенија • 10-то место – 182 дестинации без визи: Исланд, Литванија, Соединетите Американски Држави Доминацијата на Европа на врвот на рангирањето По азиските лидери, следи вистинската доминација на Европа. Третото место на глобално ниво го делат седум членки на Европската Унија: Данска, Финска, Франција, Германија, Ирска, Италија и Шпанија. Носителите на пасоши од овие земји можат да патуваат во 189 земји без виза. Само малку зад нив, на четвртото место, се Австрија, Белгија, Луксембург, Холандија, Норвешка, Португалија и Шведска, чии пасоши отвораат врата кон 188 дестинации. Грција, Швајцарија и Нов Зеланд ги заокружуваат петте најмоќни пасоши во светот. Македонскиот пасош е на 38- то место Македонскиот пасош е на 38- место со пристап до 130 земји без виза, Србија е на 34-то место, Црна Гора е на 40-то место, Албанија на 43- то, а Босна и Херцеговина е на 42-ро место. Две европски земји на дното И покрај силата на континентот, каде што дури 28 европски земји се во првите 10 благодарение на Шенген зоната и силните дипломатски врски, сликата не е униформна. На самото дно на европското рангирање се Белорусија и Косово. Белорусија е најниско рангираната европска земја, на 62-ро место во светот, со пристап без виза до 81 дестинација. Косово е само едно место повисоко, на 61-во место, со една дестинација повеќе (82). Двете земји значително заостануваат зад светскиот просек од 109 дестинации, главно поради исклучување од пошироките процеси на либерализација на визите, особено со западните земји. Земји со најмалку дестинации без виза: • 89-то место – 44 дестинации без виза: Либан • 90-то место – 43 дестинации без виза: Демократска Република Конго, Јужен Судан • 91-во место – 42 дестинации без виза: Иран, Шри Ланка • 92-ро место – 41 дестинации без виза: Судан • 93-то место – 40 дестинации без виза: Северна Кореја • 94-то место – 39 дестинации без виза: Бангладеш, Еритреја, Палестинска територија • 95-то место – 38 дестинации без виза: Либија, Непал • 96-то место – 32 дестинации без виза: Пакистан, Сомалија, Јемен • 97-мо место – 30 дестинации без виза: Ирак • 98-мо место – 27 дестинации без виза: Сирија • 99-то место – 25 дестинации без виза: Авганистан Велика Британија и САД го губат влијанието Една од најзначајните промени на рангирањето се однесува на поранешниот лидер. Велика Британија, која имаше најмоќен пасош во 2015 година, падна за уште едно место и сега е на шестото место, со пристап до 186 земји. Соединетите Американски Држави, кои беа на врвот на листата во 2014 година, сега се на десеттото место, што е нивно најниско рангирање во 20-годишната историја на индексот. Американскиот пасош овозможува влез во 182 дестинации. Компанијата „Хенли и партнерс“, која стои зад истражувањето, го припишува овој пад на сè порестриктивните политики за влез на двете земји. Од друга страна, земји како Обединетите Арапски Емирати (8-мо место), Саудиска Арабија (54-то место) и Кина (60-то место) бележат брз раст благодарение на новите безвизни договори и леснотијата на влез за странците. „Пристапот мора да се заработи и одржи. Оние кои инвестираат во дипломатски односи имаат тенденција да напредуваат“, заклучи Кристијан Каелин, претседател на „Хенли и партнерс“.Тагови: пасоши Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
БалканПожар се шири во близина на Улцињ: Објектите се загрозени (ВИДЕО)Пожарот на локалитетот Гач кај Владимир во општина Улцињ се прошири во текот на денот, загрозувајќи одредени објекти и маслинови насади, додека силните ветрови го отежнуваат гаснењето.Дирекцијата за заштита и спасување е информирана дека пожар на локалитетот Гач во градот Владимир, во општина Улцињ, се проширил во текот на денот. Пожарот во моментов се заканува на одредени објекти и маслинови насади, додека силните ветрови го отежнуваат гаснењето и го фаворизираат ширењето на пожарот, соопшти Министерството за внатрешни работи на Црна Гора. Припадници на Службата за заштита и спасување на општина Улцињ, имено пожарникари и спасувачи со расположиви возила, се на местото на настанот. Воздухоплови од Министерството за внатрешни работи се пренасочени кон оваа локација со цел пожарот да се стави под контрола што е можно поскоро. Се очекува да пристигнат и членови на Службата за заштита и спасување на главниот град Подгорица за да пружат помош на местото на пожарот. Министерството за внатрешни работи продолжува да ја следи состојбата на терен преку Оперативно-комуникацискиот центар 112 и им дава поддршка на надлежните служби. Како што е наведено, Министерството за внатрешни работи ги координира и активностите за ангажирање на расположливи воздухоплови, во согласност со потребите на терен. View this post on Instagram A post shared by Radio i televizija Crne Gore (RTCG) (@rtcg_me) Тагови: пожар Црна Гора Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКрај на кризата во Гостивар? Од утре се очекува укинување на забраната за пиење вода15:00Шестмина се приведени за пораките дека во водата во Скопје е пронајдена бактерија08:42Канал 5 дознава: Шестмина се приведени за пораките дека во водата во Скопје е пронајдена бактерија18:00Прогласена епидемија на западно-нилска треска во пет скопски општини- почина 83 годишен пациент15:00Прогласена епидемија од западнонилска треска во Кисела Вода, Илинден, Гази Баба и Бутел12:31
Канал 5 дознава: Шестмина се приведени за пораките дека во водата во Скопје е пронајдена бактерија18:00
МакедонијаМуцунски се сретна со Мат Киатипис кој деновиве престојува во СкопјеЗад неговата посета стои и една посебна лична приказна. Мат има македонски корени.„Денеска имав задоволство да се сретнам со Мат Киатипис, едно од најпрепознатливите имиња на глобалната 1-на-1 кошаркарска сцена, кој деновиве престојува во Скопје. Зад неговата посета стои и една посебна лична приказна. Мат има македонски корени од страната на неговата мајка, а оваа посета е можност одблиску да ја запознае земјата од која потекнува дел од неговото семејство. Разговаравме за спортот како мост меѓу луѓето, за моќта на новите дигитални платформи, но и за значењето на одржувањето на врската со новите генерации Македонци ширум светот. Корените поврзуваат, без разлика каде сме родени и каде живееме. Welcome Matt [🇲🇰] [🏀]“- стои во објавата на министерот за надворешни работи и надворешна трговија Тимчо Муцунски Тагови: Мат Киатипис Тимчо Муцински Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаОбвинение за Артан Груби и уште седум лица за злоупотреби во „Државна лотарија“Една недела пред истекот на крајниот рок за притворот на Артан Груби, Обвинителството поднесе обвинение против него и против уште седум лица за злоупотреби во „Државна лотарија“. Меѓу обвинетите се и поранешниот директор на „Државна лотарија“, Перпарим Бајрами, за кого, како првообвинет и недостапен за органите на прогонот, обвинителството бара притвор. За екс-вицепремиерот Груби, пак, како второобвинет е побарано да остане во куќен притвор. Според обвинението, првообвинетиот предложил Државна лотарија самостојно да приредува електронски игри на среќа, иако тоа право во 2013 година го вложила во заедничката компанија со „Казинос Австрија“, за што добила 51 процент од уделот. И покрај тоа, во 2023 година била започната постапка за набавка на видеолотариски терминали вредна стотици милиони денари. Информацијата стигнала до генералниот секретар на Владата, кој ја ставил како дополнителна точка на дневен ред, иако, според обвинителството, требало да ја упати до надлежниот орган. Со тоа, според обвинението, бил заобиколен пропишаниот начин на одлучување и била отворена патеката за набавката, со која според обвинителството, на Државна лотарија и била нанесена штета од околу 8,2 милиони евра. -Вториот обвинет, кој имал реално влијание во раководењето со АД Државна лотарија, во својство на одговорно лице, претседавал со седница на Влада на Република Македонија во својство на собрание на Државната лотарија и предложил вака дополнетата точка на дневен ред да се усвои, иако бил свесен дека одлуката не е во надлежност на Владата како Собрание на Акционерското друштво. – соопштија од Обвинителството За останатите шестмина обвинети, Обвинителството бара мерки на претпазливост, јавување во Судот, одсемање на патните исправи и забрана за приближување и воспоставување конракти со определени лица. Инаку, Артан Груби беше недостапен за органите на прогонот од декември 2024 година, кога ја напушти земјава и по него беше распишана меѓународна потерница. По повеќе од 14 месеци бегство, на 23 февруари годинава се врати во Македонија преку Блаце и беше приведен. Иако претходно му беше определен притвор во отсуство, по враќањето мерката му беше заменета со куќен притвор, со 24-часовен полициски надзор, поради проценка дека не можела да му се гарантира безбедноста во затвор. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter