Нуклеарен инжинер на САД обвинет за предавање доверливи информации за американски подморници

Тој и неговата сопруга се обвинети за нарушување на Законот за атомска енергија, соопшти министерството. Двајцата утре треба да се појават пред федерален судија во Западна Вирџинија.

Нуклеарен инжинер на американската воена морнарица е обвинет за предавање доверливи податоци на странска држава за нуклеарни подморници на САД, а случајот е откриен од Федералното биро за истраги (ФБИ), соопшти синоќа Министерството за правда.

Џонатан Тојби и неговта жена Дијана биле упасени во саботата во Западна Вирџинија откако во организиран наводен заговор, агент под прикрите на ФБИ, кој се идентификувал како шпион на странска држава, примил од Тојби доверливи информации.

Тој и неговата сопруга се обвинети за нарушување на Законот за атомска енергија, соопшти министерството. Двајцата утре треба да се појават пред федерален судија во Западна Вирџинија.

Се дознава дека 42 годишниот Тојби кој работал како нуклеарен инжинер во американската воена морнарица, имал достап до строго доверливи информации и во 2020 година испратил пакет со инструкции за пренос на податоци со ограничен пристап наменет за неименувана земја. Потоа тој започнал со продажба на доверливи информации по цена од десеттина илјади долари во криптовалута на агент на ФБИ кој работел под прикритие и се претставувал како службеник на странска држава.

Во еден момент Тојби сокрил мемориска картичка ставена во половина сендвич со путер од кикиритки во пакетче која што содржела документи за реакторни атомски подморници. Пакетчето било оставено на скришно место во Западна Вирџинија за да биде земено од агентот на ФБИ кој се претставувал како шпион на странска земја, додека сопругата на Тојби ја надгледувала ситуацијата, јавија од министерството.

Картичката содржела „недостапни за увид податоци со документи од воен карактер поврзани со елементи за конструкција, работни параметри и оперативни карактеристики на реактор на подморници класа „Вирџинија", се вели во судските документи. Друга мемориска картичка била скриена во пакетче за мастики за џвакање и предадена на сличен начин.

Според Вашингтон пост, оваа технологија САД до неодамна ја имале споделено само со Велика Британија, откако Вашингтон одлучи да ја вклучи и Австралија, по склучениот трипартитен договор за нуклеарни подмроници што го разлути Париз, кој имал сличен аранжман со Камбера.

Поради сериозноста на случајот се обрати и јавниот обвинител Мерик Гарланд, кој изјави дека обвинението укажува на „заговор за пренос на информации на странска нација поврзани со нашите атомски подморници".

Според министерството, за предавање на тајните податоци Тојби во неколку трансакции примил вкупна сума од 100.000 долари во криптовалута.

На Тојби и неговата сопруга, кои живеат во Анаполис, Мериленд, им е врачено обвинение за заговор и „предавање податоци со ограничен увид".

Видео-Фото: Ибра како вистински борец

Еден од најдобрите светски фудбалери во последните две децении, асот на Милан Златан Ибрахимовиќ покажа дека и со 40 години е вистински „ѕвер“.

Популарниот Ибра покажа дека со право не само што е мајстор со фудбалската топка дека е мајстор и во боречките вештини.

Шведскиот фудбалер со потекло од Балканот покажа и докажа зошто е носител и на црн појас.

Ибра како вистински ММА борец ја растури боксерската вреќа.

За Златан дефинитивно годините се само бројка.

Заради промоција на спортот, Златан има почесен црн појас во теквондо, кој во 2010 година му го додели олимпискиот шампион Мауро Сармиенто. Повеќе од десет години подоцна, Ибрахимовиќ се уште удира многу силно.

Најпродаваните автомобили во Европа

Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Нарушувањата во производството на нови автомобили поради недостаток на чипови се веќе познати и поради тоа фаворитите во продажба од месец во месец изгледаат поинаку. Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Првото место сега го има одличниот мал „SUV Peugeot 2008“ (18.109 продадени примероци), втор е „Renault Clio“ (14.639), потоа „Dacia Sandero“ (14.034), „Peugeot 208“ (13.978), на петтото место е „Ford Focus“. (12.704)…

Голфот испадна од првите десет - продадени се нешто повеќе од 11.000 возила. Поради недостиг на чипови, фабриката на Фолксваген во Волфсбург, Германија, работи на ниво кое не е забележано од 1958 година, пишува магазинот ХАК.

Санкционирани 78 возачи на автопат Велес – Скопје – Куманово

 На автопатот Велес – Скопје – Куманово при зајакната акциска контрола денеска се санкционирани 78 возачи кои возеле со брзина поголема од дозволената, информираат од Министерството за внатрешни работи.

Од нив, 22 возилa се движелe со брзина над 50 километри на час повеќе од дозволеното, а шест возила се движеле со дури над 70 километри на час повеќе од дозволената брзина.

Од МВР посочуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи со цел заеднички придонес за побезбедни патишта.

притисни ентер