Новогодишен саем на книгата на издавачката куќа „Феникс“ - Канал 5

Култура

Новогодишен саем на книгата на издавачката куќа „Феникс“

Над 10.000 книги и други изданија како боенки, сликовнци, лектири за основно и средно образование, енциклопедии, бестселери, прирачници за дом, семејство и здравје, ќе бидат понудени на годинашниот “Новогодишен саем на книгата“ во организација на Издавачката куќа “Феникс“, што почнува денеска.

Новогодишен саем на книгата на издавачката куќа „Феникс“
Саемот ќе се одржи под слоганот “Книги за сите генерации“, а ќе трае до 10 jануари 2014 година. Сите изданија на “Феникс“ ќе се продаваат со попусти од 50-80 проценти, додека заедно со другите изданија ќе бидат изложени во двете книжарници на издавачката куќа на ул. “Борка Талески“ бр.48 (кај Универзална сала) и на ул. “Московска“ бр.5 (кај пазарот Тафталиџе). Просечната цена на книгите ќе биде 100 денари, додека боенките, сликовниците, лектирите ќе се продаваат по цени до 50 денари.

- Целта е на сите заинтересирани читатели, ученици, студенти и граѓани да им се овозможи да набават книги како најубав, но и најевтин подарок за другите, но и за нив, велат од „Феникс“.

Инаку, во текот на едномесечниот “Новогодишен саем на книгата“ во “Феникс“, ќе се одржат повеќе промоции, трибини, средби со писатели, курсеви за креативно пишување, сликање и дизајн на книги, а ќе бидат соопштени и добитниците на наградата “Прозни мајстори“.

Во просториите на Културниот центар “Феникс“, пак, покрај постојаната поставка на новосоздадените ликовни дела во “Галеријата на познатите“, ќе бидат организирани и повеќе ликовни изложби, креативни работилници и други книжевни презентации, информира организаторот.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вулин сепак пристигнал во Москва, се огласи од Црвениот плоштад (ВИДЕО)

Александар Вулин, претседателот на Социјалистичкото движење на Србија, поранешен министер во неколку влади, а сега претседател на Надзорниот одбор на „Србијагас“, објави дека пристигнал во Москва. 

Вулин сепак пристигнал во Москва, се огласи од Црвениот плоштад (ВИДЕО)

Тој тврди дека не избегал никаде, туку дека отишол во Русија, каде што ќе има серија состаноци за продолжување на гасниот аранжман, објави Телеграф.

Вулин објави видео на социјалната мрежа Инстаграм со пораката: Пристигнав во Москва.

Во видео изјавата тој објаснува дека не избегал никаде, дека нема да оди никаде без своето семејство, но ги напаѓа и сите што ја објавија информацијата дека авионот во кој првично се наоѓал бил вратен на белградскиот аеродром затоа што самиот Вулин не ги почитувал безбедносните процедури.

Вулин тврди дека планира серија состаноци во руската престолнина за продолжување на гасниот аранжман на Србија со таа земја.

Летот на „Ер Србија“ JU134, кој полета од аеродромот „Никола Тесла“ во Белград кон Москва во вторник вечерта, беше вратен во Белград истата вечер откако, според неофицијални информации од порталот „Нова.рс“, беше утврдено дека Александар Вулин не ја поминал безбедносната проверка.

Тагови: Вулин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: 3.500 нови садници во Скопје - 6.000 до крајот на сезоната!

Секое ново дрво е влог во градот во кој живееме и во иднината на нашите деца. 

Ѓорѓиевски: 3.500 нови садници во Скопје - 6.000 до крајот на сезоната!

Повеќе сенка за летните денови, почист воздух и повеќе зелени места за прошетки, игра и дружење!

Започна големата акција за засадување 3.500 садници низ Скопје, со која го обновуваме зеленилото и ги раззеленуваме јавните површини. До крајот на сезоната ќе бидат засадени вкупно 6.000 нови садници!

Ги опфаќаме постојните паркови, новите паркови што ги подигаме, зелените површини долж булеварите и јавните простори низ целиот град.

Во секоја општина, за секое маало, за сите скопјани!

Зелено и чисто Скопје е обврска на која сум силно посветен.

Секој засаден корен денес е ветување за поздраво и поубаво утре.

Зад нас нека останат дрвја што ќе растат, паркови што ќе живеат и дела што ќе траат!

За Скопје што дише.

За генерациите што доаѓаат.

Скопје се сака со дела!, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Македонија станува енергетски и транспортен крстопат на регионот

Македонија станува енергетски и транспортен крстопат на регионот, со конкретни инфраструктурни проекти за транспорт, енергија, гас и железница. 

Мицкоски: Македонија станува енергетски и транспортен крстопат на регионот

Преку изградба на гасните интерконектори со Грција и Србија, создаваме вистинска алтернатива на руската енергетска инфраструктура, поврзувајќи го терминалот за ЛНГ во Александруполи со Централна Европа, со капацитет од 3 до 6 милијарди кубни метри годишно, рече премиерот Христијан Мицкоски на самит во Диселдорф.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер