Технологија

Ново откритие за да се утврди дали има вонземјани на Европа (ВИДЕО)

Научниците открија постоење на аминокиселини на Европа , месечината на големата планета Јупитер.

За да се открие постоење на живот во вселената , научниците го бараат решението во аминокиселините. Така , во подземните океани на ледените месеци Европа и Енчелада најверојатно има аминикиселини што би биле био знаци за живот на овие сателити.

Проблемот е во тоа што аминокиселините не може да настанат со геолошки процеси , па за астробиолозите е од голема важност да утврдат како тие настанале и од каде доаѓаат.

На универзитетот Корнел веќе прават истражувања со кои ги исклучуваат аминокиселините настанати при формирањето на Сончевиот систем. ,,Аминокиселините се градежен материјал на протеините , односно главни во хемискиот состав на животот каков што го знаеме.”, вели раководителот на проектот , професорот Нгок Труонг.

Мисиите што ќе бараат живот на Европа не се далечна научна фантастика. НАСА планира во 2023 да лансира летало кое би било во потрага по аминокиселини , однсно живот во овие делови на Сончевиот систем , на сателитите на Јупитер.

Научниците сметаат дека под смрзнатата површина на месечината Европа , која е нешто помала од нашата Месечина , има океан во течна состојба , а предизвик е да се испита дали во него има живот.

Леталото на секои две недели би правело круг околу Јупитер , а при секој прелет над Европа ќе сними материјал со висока резолуција , ќе го испита нејзиниот состав и структурата на ледената прекривка.

Свет

Најмалку пет мигранти се удавија обидувајќи се да го преминат Ла Манш

Најмалку пет мигранти денеска се удавија во обид да го преминат Ла Манш со брод од францускиот град Вимеро, јави локалниот француски весник „Гласот на северот“.

Портпаролката на локалната полиција рече дека не може да каже колку луѓе имало во чамецот, но додаде дека се пронајдени неколку безживотни тела.

Портпаролот на крајбрежната стража изјави дека во тек е потрага по исчезнати на море. /МИА

Македонија

Зголемен водостојот на Охридското и на Преспанското Езеро

За два сантиметра е зголемен водостојот на Охридското, а за еден на Преспанското Езеро во споредба со вчера, додека нивото на Дојранското Езеро е исто со вчерашното.

Сепак, според последните мерења направени од Управата за хидрометеоролошки работи (УХМР), водостојот на Преспанското Езеро е за 2,14 метри понизок од повеќегодишниот просек за април. Нивото на Охридското Езеро, пак, е за четири сантиметри повисоко од просечното, а на Дојранското Езеро е повисоко за дури 1,46 метри.

Водостоите на реките во земјава се пониски од просечните со исклучок на реката Струмица на мерното место кај Сушево каде нивото е за осум сантиметри повисоко од просечното.

Култура

Балетски триптих „Молитви на моето тело“ на фестивалот „Танц фест Скопје“

Ќе настапи Женскиот младински хор при МКЦ под диригентство на Сашо Татарчевски.

Во Националната опера и балет вечер од 20 часот ќе биде изведен балетскиот триптих „Молитви на моето тело“ во рамки на 20. Иинтернационалниот фестивал „Танц фест Скопје 2024“, кој е инспириран од циклусот поезија со истоимен наслов од поетот Ацо Шопов.

-Поезијата на Шопов ќе биде „прочитана“ со јазикот на танцот создаден од тројца македонски кореографи на музика на тројца македонски композитори и останатите уметници. Во формат на триптих, балетската претстава „Молитви на моето тело“ претставува 90-минутно креативно „сплотување“ на тим од тринаесет уметници, сценски пренесено од првенците, солистите и балетскиот ансамбл на Националната опера и балет, соопшти Националната опера и балет.

Идејата за проектот и за костимите е на Александар Ношпал, драматург е Соња Здравкова-Џепароска, кореографи се Ивана Коцевска, Адријана Данчевска и Саша Евтимова, музиката е на Дарија Андовска, Александар Гроздановски и Александар Пејовски.

Ќе настапи Женскиот младински хор при МКЦ под диригентство на Сашо Татарчевски, сценограф е Михајло Стојановски, визуелен уметник - Флоријан Чанга од Албанија, камера и видеомонтажа на филм - Доријан Миловановиќ и мултимедија и графички дизајн - Лазе Трипков.