Ново истражување: „Зомби-клетките“ во крвните садови можат да го објаснат долготрајниот Ковид - Канал 5

Здравје

Ново истражување: „Зомби-клетките“ во крвните садови можат да го објаснат долготрајниот Ковид

 Милиони луѓе кои се опоравуваат од зарази како Ковид-19, грип и жлездена треска, се погодени од долготрајни симптоми. 

Ново истражување: „Зомби-клетките“ во крвните садови можат да го објаснат долготрајниот Ковид

Тие вклучуваат хроничен замор, замаглување на мозокот, нетолеранција на вежбање, вртоглавица, болки во мускулите или зглобовите и проблеми со цревата. И многу од овие симптоми се влошуваат по вежбање, феномен познат како пост-напорна малаксаност.

Медицински, симптомите се познати како мијалгичен енцефаломиелитис или синдром на хроничен замор (МЕ/ЦФС). Светската здравствена организација го класифицира ова како пост-вирусен синдром на замор, а е признат и од СЗО и од Центрите за контрола и превенција на болести на САД како мозочно нарушување. Доживувањето на болеста долго по заразувањето - не е ново, бидејќи пациентите ги пријавуваат овие симптоми со децении. Но, Ковид-19 го засили проблемот низ целиот свет. Речиси половина од луѓето со тековни пост-Ковид симптоми - сега ги исполнуваат критериумите за МЕ/ЦФС. Во написот објавен на порталот „Конверзејшн“ (Conversation) се вели дека од почетокот на пандемијата во 2020 година, се проценува дека повеќе од 400 милиони луѓе развиле пост-Ковид.

До денес, ниеден широко прифатен и тестиран механизам не ги објаснил целосно биолошките процеси што лежат во основата на долготрајното Ковид-19 боледување и МЕ/ЦФС. Ново истражување на научниците Масимо Нуњес, Лорен Кел, Аноук Слагеке, Роб Вист, Буртрам Филдинг, Даглас Кел и Етересија Преториус ги проучува крвта и кардиоваскуларниот систем кај воспалителни заболувања, како и поствирусни состојби, со нагласка на коагулацијата, воспалението и ендотелните клетки. Ендотелните клетки го сочинуваат внатрешниот слој на крвните садови и служат за регулирање на згрутчувањето на крвта, ширењето и стеснувањето на крвните садови, регулација на воспалението и други важни функции.

Меѓународниот тим научници предлага дека одредени вируси ги доведуваат ендотелните клетки во полужива, „зомби-видна“ состојба наречена клеточно стареење. Старите ендотелни клетки престануваат да се делат, но продолжуваат да ослободуваат молекули коишто го збунуваат имунолошкиот систем. Ова поттикнува згрутчувања во крвта што може да доведе до стеснување на крвните садови и ограничен проток на крв и кислород.

Некои делови од имунолошкиот систем ги убиваат клетките што стареат. Меѓутоа, долготрајните МЕ/ЦФС состојби честопати се проследени со нарушена функција на природни клетко-уништувачи. Старите ендотелни клетки, исто така, можат да испратат хемиски сигнал за да го одвратат имунолошкиот напад, па на тој начин, „зомби-клетките“ активно го избегнуваат имунолошкиот систем.

„Нашиот конзорциум тестира нови начини за откривање знаци на стареење во клетките што ги обложуваат човековите крвни садови. Како прво, ги изложуваме здравите ендотелни клетки во лабораторија на крв од пациенти за да видиме дали тоа ги турка клетките во состојба на стареење, или во 'зомби-состојба'. Во истовреме, тестираме неинвазивни снимања и флуоресцентни сонди коишто во иднина би можеле да ги откријат овие стареечки клетки во телото. Во одредени случаи, биопсиите на ткивото подоцна може да потврдат што покажуваат скенирањата. Заедно, овие пристапи имаат за цел да утврдат како супстанциите што циркулираат во крвта го поттикнуваат стареењето на клетките и како тоа ги поттикнува болестите? Нашата цел е едноставна: да ги пронајдеме овие стареечки ендотелни клетки кај конкретни пациенти. Нивното утврдување ќе обезбеди информации за следниот круг клинички испитувања и ќе ја отвори вратата за терапии што директно ги таргетираат стареечките клетки, нудејќи пат до поздрави крвни садови и, на крајот - полесни оптоварувања со болести“, се вели во написот.

Клиничкото испитување, коешто го истражува стареењето на клетките кај пост-Ковид состојбата, е регистрирано во САД.

Тагови: корона

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 18. октомври 2026 година

Дневен хороскоп за недела, 18. октомври 2026 година. 

Дневен хороскоп за 18. октомври 2026 година

Вага 24.9.-23.10

Љубов

Вашата сила е во тоа што сте позрели од многумина и што знаете што сакате. Денеска ќе го препознаете тоа без проблем.

Кариера

Ви предлагаат службен пат на кој би можеле да договорите деловна соработка со тим од друга земја. Планирате како тоа да го реализирате.

Здравје и совет

Не треба да брзате.

Шкорпија 24.10-22.11.

Љубов

Отвореноста и љубезноста и денеска ќе направат да и бидете достапни на секоја личност од спротивниот пол. Оние во врска се добро.

Кариера

Веројатно ќе ве поддржат во вашите настојувања. На сите им е јасно дека сте работник со сериозни намери.

Здравје и совет

Бидете она што сте.

Стрелец 23.11.-21.12.

Љубов

Ништо нема да и препуштите на случајноста. Знаете што може да очекувате и токму тоа ќе се случи на ваша радост.

Кариера

Се затвора кругот со кој ќе ги зајакнете своите деловни работи. Ќе бидете задоволни што е така , зашто ја сакате сигурноста.

Здравје и совет

Здравјето ви е одлично.

Јарец 22.12.-20.1.

Љубов

Би можеле да бидете на раб на одлука за прекин на една приватна врска , но немојте ништо да решавате. Утре ќе ви изгледа поинаку.

Кариера

Вашите претпоставени веројатно ќе ја анализираат состојбата и ќе ја менуваат така што ќе се смени и вашиот статус. На подобро.

Здравје и совет

Пад на имунитетот.

Водолија 21.1.-19.2.

Љубов

Денеска на мнопгу спонтан начин би можеле да запознаете интересна личност. Се ќе почне без никакви обврски.

Кариера

На повидок е подготовка за кусо службено патување, кое би требало да ви донесе задоволство.

Здравје и совет

Ќе бидете весели.

Риби 20.2.- 20.3.

Љубов

Во текот на денот ќе си поставувате нови приоритети во личните односи. Ќе сфатите што всушност ви е важно.

Кариера

Ќе мора да се позанимавате со еденфинансиски проблем. Ќе успеете да најдете задоволително решение.

Здравје и совет

Цврсто стоите на земја.

Овен 21.3-20.4.

Љубов

Денеска е вашиот вистински љубовен ден. Се ќе ви биде поврзано со љубов , размена на исти идеи, телепатско разбирање и поврзување.

Кариера

Едни би можеле да се впуштат во професионално усовршување, други ќе добијат стипендија , а трети ќе се поврзат со странци.

Здравје и совет

Успешно се справувате со уморот.

Бик 21.4- 20.5.

Љубов

Доколку сте се поврзале со личност од друго поднебје , денеска уште повеќе ќе се зближите. Ќе бидете задоволни.

Кариера

Со силата на духот и одличните идеи ќе го надвладеете заморот и постојаните барања кои можеби не ви се интересни.

Здравје и совет

Ќе се засили вашата смисла за хумор.

Близнаци 21.5.-21.6.

Љубов

Ќе се интензивира комуникацијата меѓу вас и лицата од спротивниот пол. Оние кои сеуште се сами , ќе се затекнат во шармантно друштво.

Кариера

Веројатно сте на патување на кое му се радувате. Склулчувате деловни догиовори со малку напор , но во исто време и се забавувате.

Здравје и совет

Немате смисол за хиерархија.

Рак 22.6-22.7.

Љубов

Ќе препознавате убавина во се што ве опкружува и со чисти намери ќе им приоѓате на лицата од спротивниот пол.

Кариера

Вашата објектиовност, професионалност и посветеност во работата, секому ќе биде пример како се работи.

Здравје и совет

Стабилни сте и цврсти.

Лав 23.7-22.8.

Љубов

Можно е да налетате на убава љубовна шанса. Не седете дома, туку излезете меѓу луѓе.

Кариера

Оние кои работат со млади , ќе бидат во добивка. Сите останати ќе ги забавуваат колегите на работа.

Здравје и совет

Ќе се чувствувате одлично.

Девица 23.8.-23.9.

Љубов

Во личните односи денеска ќе преовладува опуштена атмосфера. Ммногумина ќе ја подобрат својата врска.

Кариера

Ќе имате шанса да уживате вбо сите благодети на своите достигнувања. Задоволството со резултатите од работата е гарантирано.

Здравје и совет

Поминете го слободното време со пријателите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриено зошто портпаролката на Трамп беше отпуштена по само пет дена

Закарија беше отпуштена од функцијата портпаролка на Белата куќа по само пет дена на работа.

Откриено зошто портпаролката на Трамп беше отпуштена по само пет дена

Кејти Закарија беше отпуштена од функцијата портпаролка на Белата куќа по само пет дена на работа, по критиките за нејзиното прво интервју со новинарите и прашањата за нејзиното прикажување како адвокат, иако не го положила правосудниот испит, објавува „CBS News“.

Службеник изјави за „CBS“ дека Закарија била невообичаено изолирана во текот на неделата и не ги извршувала своите должности како портпаролка на очекуваниот начин.

„Никој не мислеше дека ќе остане доволно долго за да биде вклучена во вистинското донесување одлуки“, рече помошник на Белата куќа.

Закарија, која беше избрана од американскиот претседател Доналд Трамп да ја замени Каролин Левит, се најде под оган по нејзиниот прв и единствен брифинг во Белата куќа во вторник, за време на кој таа читаше подготвени изјави околу десет минути, а потоа одговараше на прашања од новинари од три медиуми.

Прашањата за нејзините професионални квалификации привлекоа дополнително внимание.

Закарија дипломирала на Правниот факултет на Универзитетот Пепердин, но не го положила правосудниот испит во Калифорнија во 2011 година, тврдење што го изнела.

Таа ги негираше тврдењата дека се претставила како адвокат, велејќи дека никогаш не тврдела дека има лиценца за практикување адвокатура.

Според извори запознаени со дискусиите, се очекува Закарија наскоро да заземе друга позиција во администрацијата на американскиот претседател Доналд Трамп.

Во петокот, Трамп за нејзината позиција рече дека ја советувал да размисли дали сака да продолжи како прес-секретар во Белата куќа.

„Тие беа толку груби кон неа“, рече Трамп, осврнувајќи се на медиумите, додавајќи дека ѝ рекол да ја преиспита својата одлука, со оглед на нејзиното семејство и притисокот под кој се наоѓаше.

Пократок мандат од Скарамучи

Закарија му се заблагодари на Трамп и ја изрази својата поддршка за американскиот претседател во објава на социјалните мрежи.

„Беше чест да работам за него“, напиша таа.

Белата куќа сè уште не објавила кој ќе ја наследи како прес-секретар во Белата куќа.

Нејзиното заминување потсетуваше на краткиот мандат на Ентони Скарамучи, кој помина само 11 дена како директор за комуникации во Белата куќа за време на првиот мандат на Трамп, потсетува американскиот телевизиски канал.

„Рекордите се тука за да се соборат, но јас не уживам во страдањето на другите“, напиша Скарамучи на социјалната мрежа „X“.

Извор: Б92

Тагови: Доналд Трамп Кејти Закарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер