Европа

Новите податоци ја откриваат трагедијата по топлотниот бран во Франција- починале над 5.700 луѓе

Франција регистрираше дополнителни 5.764 смртни случаи помеѓу 17 јуни и 2 јули, што се совпадна со топлотниот бран што ја зафати земјата.

Информациите беа објавени денеска од Националната агенција за јавно здравје, пишува Ројтерс.

Детали за извештајот

Овој број е значително поголем од првата проценка презентирана од министерката за здравство Стефани Рист на крајот на јуни, која изнесуваше 2.025 смртни случаи. Според новите податоци, стапката на смртност во набљудуваниот период била за 36 проценти повисока од вообичаеното. Агенцијата наведува дека вкупниот број од 5.764 ги вклучува сите причини за смрт.

Временската анализа покажува дека повеќе од половина од смртните случаи се регистрирани во краткиот период од 25 до 27 јуни. Според возраста, најпогодени биле постарите граѓани - приближно две третини од починатите биле над 75 години. Агенцијата соопшти дека ова се привремени податоци и дека ќе го објават конечниот извештај на крајот на летото.

Уште на крајот на јуни, Франција предупреди дека вистинскиот број на починати веројатно ќе биде значително поголем од првичните проценки, бидејќи податоците за смртноста се собираат со задоцнување. Во тоа време беа регистрирани околу 2.025 дополнителни смртни случаи, но здравствените власти нагласија дека конечниот број сè уште не е познат.

Топлотниот бран што ја погоди Франција беше дел од поширок бран на екстремна топлина во западна и јужна Европа. Високите температури ги погодија и Шпанија, Италија, Грција и други земји, а научниците предупредуваат дека климатските промени ја зголемуваат фреквенцијата и интензитетот на ваквите настани.

Здравствените власти во Франција објавија дека детално ќе ги анализираат причините за смртта и регионалните разлики и ќе објават конечен извештај откако ќе бидат обработени сите податоци собрани во текот на летото.

Тагови: Топлотниот бран Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп објави примирје. Зеленски изненаден, но се согласува

Американскиот претседател Доналд Трамп ненадејно објави дека „енергетското примирје“ меѓу Русија и Украина „стапува на сила веднаш“.

„Двете страни се согласија. Не го прекршувајте! Ви благодарам на вниманието. Претседател ДОНАЛД Џ. ТРАМП“, напиша Трамп.

Зеленски е изненаден, но го прифаќа примирјето , Путин молчи.

TRUMP: Announces immediate energy ceasefire between Russia and Ukraine, says both parties agreed and must not break it https://t.co/rUWLuYL6Eh
— Trump Truths (@trumptruthsbot) October 11, 2026

Најавата очигледно го затекна Киев неподготвен; Володимир Зеленски изјави дека објавата на Трамп за него претставува новина, но рече дека Украина би се согласила на договорот доколку и Русија го прифати. Москва сè уште нема дадено коментар за најавата на Трамп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Секси новинарка со пет милиони фанови заведува во провокативен фустан

Од скромна спортска новинарка до 5 милиони следбеници. Сите фудбалски ѕвезди подлегнуваат на нејзиниот шарм.

Марија Луиза Јакобели повторно привлече огромно внимание на социјалните мрежи, а најновите фотографии од Милано ја оставија машката публика без здив.

Италијанската спортска новинарка се појави во елегантен син фустан од сатен, а нејзиниот изглед набрзо стана тема на бројни коментари на Инстаграм.

Јакобели е едно од попознатите лица на италијанското спортско новинарство, но нејзината популарност одамна ги надмина границите на телевизијата.

На Инстаграм ја следат речиси 5 милиони луѓе, па секоја нејзина објава привлекува огромно внимание.

Таа влезе во светот на телевизијата во 2017 година; работеше за „Rai Sport“, беше дел од „DAZN“, а на крајот стигна до „Sport Mediaset“, каде што стана едно од препознатливите лица на фудбалската програма.

Јакобели е ќерка на познатиот италијански спортски новинар Хавиер Јакобели, па така таа израснала со фудбалот и новинарството. Во последниве години, нејзиното име често се појавува во рубриките за познати личности, особено откако италијанските медиуми ја поврзаа со фудбалски ѕвезди.

Меѓу најпознатите приказни беше поврзувањето со Килијан Мбапе, иако таа врска никогаш не беше официјално потврдена.

Таа привлече уште поголемо внимание во 2024 година, кога нејзиното име се најде во центарот на медиумските написи за наводна романса со Франческо Тоти, што дополнително го зголеми интересот на јавноста за оваа италијанска новинарка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Емили Ратајковски со нова провокација, го оставила градникот дома ..

Го оставила градникот дома и ги ослободи градите а ги покажа и гаќичките.

Нова провокација од една од најубавите жени на светот, манекенката Емили Ратајковски.

Сексапилната Емили не се срамеше уште еднаш, по којзнае кој пат, да ги покаже своите бујни гради во проѕирен фустан.

Синоќа во Лондон се одржаа наградите „Albies“, а на гала-настанот присуствуваа бројни славни личности. Покрај прекрасната Амал Клуни, вниманието на јавноста го привлече и популарната манекенка Емили Ратајковски.

Позната по своите атрактивни и донекаде провокативни модни изданија, славната убавица ни овој пат не се воздржуваше да ги истакне своите најдобри атрибути.

Таа се појави во структуриран фустан што ја следи линијата на телото и ја истакнува нејзината прекрасна фигура. Станува збор за специфична креација украсена со вешто поставени цветни детали, кои ги покриваат интимните делови од телото.

Како што веќе можете да претпоставите, Емили избра проѕирен фустан под кој носеше само црни гаќички. Таа го заборави градникот дома и гордо ги покажа своите гради.

Ги поздрави собраните фотографи со студен, но впечатлив поглед и никој не остана рамнодушен на нејзиниот изглед.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.