Овие дилеми се отворија откако синоќа во Собранието во скратена постапка и консензус меѓу најголемите партии беше усвоен Законот за утврдување на правен статус на бесправно изградени објекти.
Новите законски измени дозволуваат легализација на објекти, гаражи, остави и базени изградени без дозвола за градба, до денес. Од Законот се исклучени дивоградбите во границите на Охридскиот регион каде има природното и културното наследство, како и дивоизградените згради, а за дивограбите во националните паркови и заштитените подрчја ќе биде потребна претходна согласност од институтциите.
„Целта со овој закон е плаќањето на пенали кој е одреден, не легализација или ставање во правна рамка за еден метар квадратен туку полни комуналии колку што се плаќаат во матичната општина и плус 50 отсто казнени пенали. Секако целта е да ги одвратиме луѓето повеќе да не пристапуваат кон ваквиот тип и начин на градба па потоа легализација и со тоа сакаме да направиме еден притисок ова е еден од чекорите од фазите за да можеме да ја намалиме ваквата појава во општеството која ќе се согласиме сите дека постои.“изјави Благоја Бочварски – Министер за транспорт и врски.
Како ретко кој закон, законот беше поддржан и од власта и од опозицијата, со исклучок на неколку пратеници, меѓу кои и тие на ДОМ... Маја Морачанин вели дека со продолжување на овие рокови се праќа индиректна порака до граѓаните дека може да градат на диво и во одреден период да бидат легализирани, што е спротивно на Кривичниот законик.
Членот 41 од Законот, додаден на предлог на пет пратеници од ВМРО-ДПМНЕ и Љупчо Пренџов од ГРОМ, предвидува да се стопираат сите граѓански и кривични постапки за обвинетите за дивоградби. Меѓу другите, такви случаи има и за поранешниеот градоначлник на Карпош, Стевчо Јакимовски, новинарот Драган Павловиќ Латас, како и за сопствениците на објектот кај Мавровка и на објектот спроти американската амбасада.
Законот треба да стапи на сила по 8 дена откако ќе биде објавен во Службен весник, но од ДС на Павле Трајнов побараа од Претседателот Пендаровски да не го потпишува указот и законот да биде вратен во Собранието. Од кабинетот на претседателот велат дека Пендаровски ќе го разгледа законот, а потоа ќе информриа за неговата одлука.