Новиот Рено е поскап од Порше 911 (ФОТО) - Канал 5

Автомобилизам

Новиот Рено е поскап од Порше 911 (ФОТО)

Renault ја објави цената на својот електричен ѕвер.

Новиот Рено е поскап од Порше 911 (ФОТО)

Иако „петката“ на Рено отсекогаш била замислена како народен автомобил, симпатичен компакт кој ќе биде верен придружник на француските и европските семејства, од 1980 година и првото турбо, овој модел е на мета на љубителите на возењето.

Renault 5 Turbo помина низ две изданија, двете подеднакво екстремни, а потоа пристигна и третата генерација. Како и основниот модел, кој беше реинкарниран како моден електричен градски автомобил, верзијата Turbo исто така стана електрична. Името е Turbo 3E, а единствената допирна точка со неговите претходници се екстремните перформанси. И погон на задните тркала.

155.000 евра

И цената која штотуку е објавена. Како што велат од Рено, за нивниот најрадикален модел ќе бараат неверојатни 155.000 евра, и тоа за првите 500 примероци. Станува збор за основната цена без дополнителни опции или персонализација, на која дефинитивно треба да се смета со поскап примерок.

Маката за клиентите не завршува тука, бидејќи сите заинтересирани заедно со нарачката ќе треба да платат неповратна аконтација од 50.000 евра. Имено, Renault напоменува дека парите од уплатите ќе бидат искористени за комплетирање на развојот на моделот. Сите што ќе платат ќе бидат контактирани на почетокот на следната година, а потоа ќе имаат можност да учествуваат во персонализирање на автомобилот и дополнително зголемување на цената на автомобилот.

Автомобил без конкуренција

Renault 5 Turbo 3E има монококна карбонска шасија и е придвижуван од два електрични мотори од 540 КС. Достигнува 100 km/h за 3,5 секунди, а има батерија од 70 kWh која обезбедува автономија од околу 400 km.

И за крај, да напоменеме дека овој модел нема директен ривал на пазарот, како по перформанси, така и по цена. Не се сомневаме дека продажбата ќе биде успешна, но впечатокот е дека на оваа 5-ка сепак ѝ недостигаат малку гените на својот претходник.

Тагови: поскап Рено

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Белорусија: Амбасадата во Финска ќе биде затворена

Белорусија објави дека ќе ја затвори својата амбасада во Финска од 1 септември, соопшти вчера финското Министерство за надворешни работи.

Белорусија: Амбасадата во Финска ќе биде затворена

Одлуката за затворање на амбасадата, која беше отворена во Финска во 2011 година, ја донесе Советот на министри на Белорусија и ја потпиша премиерот на земјата Александар Турчин, објави финскиот весник „Хелсингин Саномат“.

Последниот белоруски амбасадор во Финска беше Алексеј Самосуев, кој ја извршуваше функцијата од 2018 до 2024 година, а по него не беше назначен нов амбасадор.

Финска нема амбасада во Белорусија, но Министерството за надворешни работи на земјата има канцеларија за врски во Минск, која ќе продолжи да работи.

Извор: Б92

Тагови: белорусија Финска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Продолжува пинг-понгот меѓу Анкара и Тел Авив

Анкара вчера го осуди обидот на израелскиот премиер Бенјамин Нетанјаху, како што рече, да „ја претстави Турција како нова закана“.

Продолжува пинг-понгот меѓу Анкара и Тел Авив

Во соопштението од кабинетот на турскиот претседател Реџеп Таип Ердоган, објавено на платформата X, се вели дека Турција ги осудува „ситните политички тактики“ на Нетанјаху.

Кабинетот на Нетанјаху го нарече Ердоган „антисемитски диктатор“ во соопштение откако Турција издаде меѓународна потерница по него поради пресретнување на активистичка флотила што се упатуваше кон Појасот Газа.

Израел бомбардираше воздухопловна база во северозападна Сирија оваа недела, тврдејќи дека Турција го проширува своето воено присуство во областа, тврдење што Анкара го негираше.

Тагови: Анкара Тел Авив

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Странски државјанин лишен од слобода на ГП „Табановце“ - возел 168 км/ч на место каде дозволената брзина е 80 км/ч

Вчера (21.08.2026) во 13:15 часот, на Граничен премин Табановце, при излез од Македонија, полициски службеници извршиле проверка на патничко моторно возило „порше“, со холандски национални ознаки управувано од М.А.(35), државјанин на Холандија.

Странски државјанин лишен од слобода на ГП „Табановце“ - возел 168 км/ч на место каде дозволената брзина е 80 км/ч

При извршената проверка, преку системот „Safe City“ било констатирано дека лицето е евидентирано како сторител на кривично дело по член 297-А од Кривичниот законик – „безобѕирно управување со моторно возило“, односно управувало со возилото со брзина од 168 километри на час, на место каде максимално дозволената брзина изнесува 80 километри на час.

М.А. е лишен од слобода и против него ќе биде поднесена соодветна кривична пријава за стореното кривично дело.

Тагови: Табановце

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер