Новиот Peugeot 9x8 Hypercar – дизајниран за тркање! - Канал 5

Автомобилизам

Новиот Peugeot 9x8 Hypercar – дизајниран за тркање!

PEUGEOT го припреми новиот 9X8, најнова генерација на предизвикувачкиот Hypercar, кој е подготвен да дебитира на Светскиот шампионат за издржливост на FIA (FIA WEC) во 2022 година. 

Новиот Peugeot 9x8 Hypercar – дизајниран за тркање!

Придвижуван од хибридна енергетска единица со погон на сите 4 тркала, овој хипер-ефикасен прототип совршено се вклопува во стратегијата на PEUGEOT за Нео-перформанси, која е насочена и кон патните и тркачки автомобили кои обезбедуваат одлични перформанси.

Работата на инженерскиот тим на PEUGEOT SPORT и PEUGEOT Design се координираше како никогаш порано за да го произведат 9X8 кој ја најавува новата ера во мото трките. Поради неговите уникатни линии, отсуството на задно крило и моќниот идентитет на брендот се издвојува од другите. Иновативните технички решенија и неговиот мачкаст изглед се истакнуваат како традиционални белези на PEUGEOT.

PEUGEOT 9X8 - најновиот кандидат за трки за издржливост на брендот - е директен наследник на PEUGEOT 905, победник на Le Mans 24 часа во 1992 и 1993 година и на PEUGEOT 908, кој ја освои француската класика во 2009 година. Новиот прототип е подготвен да го продолжи долгото и успешно учество на брендот во светските мото-спортови со високо конкурентни автомобили кои го имаат моќниот и веднаш препознатлив идентитет на брендот.

Името на новиот Hypercar на PEUGEOT е PEUGEOT 9X8.

„9“ ја продолжува серијата која ја користи производителот за своите неодамнешни тркачки автомобили наменети за трките за издржливост, имено PEUGEOT 905 (кој се натпреваруваше од 1990 до 1993 година) и 908 (2007 до 2011 година) станаа икони на брендот.

„Х“ се однесува на технологијата на погон на сите тркала на PEUGEOT Hypercar и хибридниот погонски агрегат што е олицетворение на стратегијата за електрификација на брендот во светот на мото-трките.

„8“ е наставка што се користи за сите сегашни имиња на модели на PEUGEOT, од 208 и 2008, до 308, 3008, 5008 и, се разбира, 508 кој неодамна помина низ рацете на инженерите и дизајнерите кои изработија Hypercar кој стана првиот автомобил кој ја носи ознаката на Peugeot Sport Engineered.

Двата PEUGEOT 9X8 ќе се натпреваруваат на Светскиот шампионат за издржливост на FIA во 2022 година.

„Тоа е првиот тркачки автомобил кој има стил до оваа мера“, рече Kevin MAGNUSSEN.

Зборовите на данецот ги повтори и американецот Gustavo MENEZES: „PEUGEOT отвора ново поглавје во мотоспортот со 9X8. Ќе имаме главна улога во пишувањето на приказната!

“Предниот и задниот светлосен потпис на 9X8, кој има форма на три лавовски канџи, е познат заштитен знак на PEUGEOT, додека новото лого на брендот „главата на лавот“ се карактеризира со позадинско осветлување на страничната и на предната страна на автомобилот. Selenium сивата и контрасната Kryptonitе зелена/жолта боја ја нагласуваат каросеријата и патничката кабина и ја одразуваат шемата на бои избрана за новата линија PEUGEOT SPORT ENGINEERED, претставена со 508 и 508 SW.

Дизајнерите, исто така, посветија исклучително внимание на ентериерот на 9X8. „Сакавме да имаме посебен пристап кон патничката кабина, која досега има тенденција да биде чисто функционалн и нејасен аспек кај тркачките автомобили, без идентитет на брендот“, нагласува Matthias HOSSANN. „Комбинацијата на нашата шема на бои и PEUGEOT i-Cockpit-от обезбедија во патничката кабина на 9X8 карактеристично чувство и го прават веднаш препознатлив како PEUGEOT “.

Надворешно, извајаните тркала придонесуваат за избалансирани линии на јасните, остро структурирани крила на автомобилот, отворите за крилата го откриваат горниот дел од пневматиците и совршено интегрираните ретровизори придонесуваат за впечаток дека протокот на воздух поминува непречено преку автомобилот.

„Јас ги познавам тимовите на PEUGEOT Design и PEUGEOT Sport. Тие секогаш даваат квалитетна, иновативна работа, но морам да признаам дека 9X8 ме воодушеви. Едноставно е прекрасен“, вели Главниот извршен директор на PEUGEOT, Linda JACKSON. „Начинот на кој неговите иновативни, впечатливи линии даваат толку моќен идентитет на брендот, е маестрален“.

„Отсуството на задно крило на PEUGEOT 9X8 е голем иновативен чекор“, вели директорот на Stellantis Motorsport, Jean-Marc FIONOT. „Постигнавме одреден степен на аеродинамичка ефикасност што ни овозможува да ја отстраниме оваа одлика. Не прашувајте како, сепак! Имаме целосна намера да ја чуваме тајната се додека можеме! “

Остранувањето на задното крило обезбеди слобода да дизајнираме елегантна силуета што не е видена со децении. Навистина, работејќи рака под рака со нивните колеги инженери, дизајнерите максимално ја искористија можноста да создадат хармоничен спој на динамични, извајани форми кои формираат чиста, убедлива површина помеѓу истакнатите лакови на тркалата.

Хипер-ефикасен хибриден погонски систем

Од најавата за учество на PEUGEOT во септември 2020 година за вклучување во новата класа Le Mans Hypercar трки за издржливост, фабриката во Версај, близу Париз, работи со пона парена на 9X8.

Како што беше планирано, задниот дел од автомобилот, 2,6-литарски, би-турбо, 500kW (680кс), 90-степен V6 - мотор со внатрешно согорување дел од погонскиот систем на PEUGEOT HYBRID4 500KW - од април поминува километри на станицата за тестирање.

Во меѓувреме, се инсталираат моторот-генератор од 200 kW, секвенцијалниот менувач со седум степени и батеријата во согласност со распоредот за валидација на станицата за тестирање. Моќната, технолошки софистицирана, високонапонска батерија (900 волти) со висока густина се развива од страна на PEUGEOT Sport и Saft заедно со TotalEnergies.

„Нашата цел во однос на нашите енергетски барања е беспрекорна сигурност и совршена контрола“, објаснувa Jean-Mark FINOT. „Le Mans стана 24-часовна спринтерска трка каде што може да се победи или изгуби онолку бројот пати колку што се натпреварувате. Исклучителната енергетска ефикасност на новите Hypercars претходно го дефинира она што ќе го видиме наскоро во светот на патните автомобили. Ова испитување имаше огромно влијание врз нашата работа на пакетот PEUGEOT 9X8, чијшто аспект треба да придонесе за постигнување на хипер ефикасност, од неговиот погонски агрегат до неговата аеродинамика “.

Le Mans, лабораторија за PEUGEOT

„Учеството на PEUGEOT во трките за издржливост има повеќе отколку спортски аспект“, тврди Linda JACKSON. „Трките за издржливост се форма на мото-спортот што ни обезбедува екстремна лабораторија, што објаснува зошто нашата поврзаност со Le Mans е толку силна. Позначајни можеби од резултатите што ги добиваме на тркачката патека се можностите што ги дава за да ја докажеме нашата технологија или плодот на нашата истражувачка работа за трка што Ве фрла во екстремни услови 24 часа. Le Mans ни обезбедува конкурентно опкружување за да ги потврдиме хибридните системи и технологии што во моментов ги развиваме за да ја намалиме потрошувачката на гориво - а со тоа и емисијата на СО2 - на нашите патни автомобили. Екипите на PEUGEOT Sport се горди кога ќе видат дека нивното истражување е пренесено на нашите производствени модели. За нашите клиенти, Le Mans е лабораторија која сведочи за квалитетот на нашите автомобили “.

PEUGEOT 9X8 – Teхнички податоци

Класа: Le Mans Hypercar (LMH)

Должина: 5.000mm

Ширина: 2.080 mm

Висина: 1.180 mm

Меѓуоскино растојание: 3.045 mm

Погонски агрегат: PEUGEOT HYBRID4 500KW (погон на сите четири тркала)

Заден погоски агрегат: 500kW (680кс), 2.6L twin-turbo, 90-степен V6 бензински мотор со внатрешно согорување + седум-степен секвенцијален менувач

Преден погон: електричен мотор - генератор 200kW + редуктор со една брзина

Батерија: Батерија со голема густина, 900 волти, дизајнирана од Peugeot Sport, TotalEnergies / Saft

Гориво и мазива: TotalEnergies

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го одложи воведувањето царини за Канада: Постигнат е договор, се чека потпис

Американскиот претседател Доналд Трамп го одложи за три дена воведувањето нови царини од 50 проценти за канадските стоки, тврдејќи дека Вашингтон и Отава постигнале договор.

Трамп го одложи воведувањето царини за Канада: Постигнат е договор, се чека потпис

Новите царински давачки требаше да стапат на сила во денеска и да опфатат околу 20 милијарди долари канадски увоз. Во објава на социјалната мрежа, Трамп изјави дека одлуката за одложување е донесена затоа што двете земји, под услов да се комплетираат документите, постигнале договор кој сè уште не е формално потврден. Една од главните точки на спор беа американските царини за канадските автомобили, за кои се разгледуваше можноста да се намалат од 25 на 15 проценти, но деталите за евентуалниот договор сè уште не се познати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сојузот на борци од Тетово бара да се забрани именување улици по личности поврзани со фашизам и нацизам

Сојузот на борци на Тетово бара од пратениците со законски измени категорично да се забрани именување улици и инфраструктурни објекти со имиња на фашисти, фашистички организации или нивни соработници. 

Сојузот на борци од Тетово бара да се забрани именување улици по личности поврзани со фашизам и нацизам

Барањето, како што потврдија за Канал 5, го доставиле до координаторите на парламентарните партии од македонскиот блок - ВМРО ДПМНЕ, СДСМ, ЛЕВИЦА и ЗНАМ, а доаѓа како реакција на новите 145 имиња на улици во Тетово кои Комисијата во Општината ги усвоила пред неколку денови. Меѓу нив се најде и името на Фадил Сулејмани, човек кој, како што тврди Сојузот, го формирал нелегалниот Тетовски Универзитет, и кој во интервју во Софија, пред повеќе години отворено го негирал постоењето на на македонскиот народ. Од Сојузот на борци, велат дека очекуваат законските измени за заштита од фашистички или спорни имиња на улиците да се направат по примерот на оние со кои се интервенираше за заштита на националниот интерес, кога како што велат, низ државата почнале да се формираат бугарски клубови со профашистички имиња.

- Очекуваме Собранието да биде конзистентно и да препознае потреба да се превенира, исто и во доменот на определување на имиња на улици и други инфраструктурни објекти. Па затоа предложивме на координаторите на пратеничките групи точни прецизни и веќе скроени измени на 2 члена во законот за определување на имиња на улици. Во смисла на тоа изрично да се забрани именување на улица или инфраструктурен проект со име на фашист, фашистичка организација или нивни соработници или пароли коишто можат да се поврзат со тоа, изјави Даријан Сотировски, член на Претседателството на Сојузот на борци на Тетово.

Од Сојузот на борци дополнително бараат покрај претходната согласност од Владата, задолжително да се побара мислење од Комисијата за имиња, која како стручно тело е формирана согласно Законот за здруженија и фондации.

Работната група за именување на улици, формирана од страна на Општина Тетово, досега во два наврати излезе со предлог имиња за повеќе од 200 улици во Тетово. Од кабинетот на Касами велат дека постапката во Општината за утврдување нови имиња е се уште во тек, а селекцијата е поделена по групи. Според информациите останува да се усогласат уште неколку имиња на улици, но постои начелен договор меѓу коалициските партнери. Иако временски рок нема, од општина Тетово очекуваат целата постапка да заврши до Нова Година.

Уставниот суд во јуни ја укина одлуката одлуката на општина Тетово од 2007 за преименување на улиците во градот поради тоа што пред речиси 2 децении таа не добила согласност од Владата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ниту еден македонски универзитет повторно не се најде меѓу 1.000 најдобри на шангајската листа

Без пакетот нови закони за високо образование не може драстично да се поткрене квалитетот на македонското образование и наука, вели ресорната министерка Весна Јаневска.

Ниту еден македонски универзитет повторно не се најде меѓу 1.000 најдобри на шангајската листа

Без пакетот нови закони за високо образование не може драстично да се поткрене квалитетот на македонското образование и наука, вели ресорната министерка Весна Јаневска откако и оваа година ниту еден од македонските високообразовни институции не се најде во Шангајската листа на 1000 најдобри универзитети во светот.

-Не очекувавме во период од две години, особено без новите закони да има некое драстично придвижување на Шангајската листа, трите закони кои во моментов се во собраниска процедура очекуваме во еден догледен период, бидејќи и за тоа ќе треба време, значајно да го поткренат квалитетот во високото образование но и да се подобрат и другите индикатори, кои ги користат не само Шангајската листа туку и други листи за рангирање за да можеме да се придвижиме на тие листи,- -Весна Јаневска, министерка за образование и наука.

Законите за високо образование, научноистражувачка дејност и за квалитет во високото образование и наука засега се блокирани од албанскиот опозициски блок, а Јаневска им порача – ќе се соочиме во Собранието. Обвинувањата од ДУИ дека селективно го применува Бадентерот при гласање на овие закони, Јаневска ги оцени како несоодветни информации за придобивање на гласови во сопствените партиски редови.

-Не го оспорувам правото на учење на мајчин јазик, не оспорувам ниту едно право на заедниците кои живеат во нашата држава, ниту Бадентерот. Но, во случај кога политиката навлегува во образованието, сметам дека штетата е за сите. // Ние ќе се соочиме во Парламентот, досега ние имавме дискусии со академската заедница, од политички субјекти, ние сугестии за законите не сме добиле. Таму ќе го решаваме проблемот ако воопшто постои, ако не станува збор само за политика во образование,- -Весна Јаневска, министерка за образование и наука.

Според ДУИ, пакетот закони не ги вклучува забелешките на академската заедница кои се однесувале на нарушување на автономијата на универзитетите и привилегирана положба на одредени универзитети. Исто така тие обвинија на неинклузивен пристап при пишувањето на законите и најавија дека доколку останат во ваков вид, тие нема да дадат поддршка за нивно гласање.

На Шангајската листа Србија, Бугарија, Хрватска и Словенија се присутни со еден а Грција со четири универзитети. Освен Македонија, од регионот без свои пласирани универзитети на оваа академска листа се и Албанија, Косово, Босна и Херцеговина како и Црна Гора.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер