Ќе почнам од Кочани и наредниве денови лично и одблизу ќе видам што се случува во болницата бидејќи тоа ми е приоритет, а во однос на коментарите како ќе бидам Министер за здравство кога сум доктор по информатички науки, а не лекар, треба да е јасно дека нема да оперирам, туку ќе менаџирам, изјави Азир Алиу кој ја одржа премиерната прес-конференција како прв човек на здравството. Тој најави стратегија од пет столбови, мапирање на проблемите, искреност и отчетност, професионален развој, одржливо финансирање и клучно – дигитализација бидејќи, според него, таа е срцето на промените кои ќе креираат стабилен и политички независен здравствен систем.
-Дефинтивно Кочани ни е во фокус има работна група во Влада, исто така и ние имаме работна група во Министерството ние овие денови ќе бидеме во Кочани нема да одиме на средби со новинари, туку одиме да се видиме со граѓаните и лично да ни кажат кои се нивните потреби. Јас нема да оперирам срце, туку ќе креирам систем во кој лекарите ќе можат да прават операција на срце, со соодветни материјали, апаратура,- Азир Алиу – министер за здравство.
Најгласувајќи дека од внатрешноста на дел од клиниките се срами, бидејќи нема ни столчиња за седење во чекалните, Алиу признава дека повторно има проблеми со навремена набавка на дел од терапиите за онколошките пациенти, поради бирократијата со тендерите. Но, најави дека ова нема да се случува во иднина.
Иако кажа дека работите нема да се променат преку ноќ бидејќи има многу што да сработи, новиот Министер за здравство најави бесплатни прегледи за дијабет, хипертензија и срцеви заболувања за сите граѓани над 40 години, кампања која ќе гласи „Подобро е порано, превенцијата започнува со тебе“.
За само неколку дена откако и официјално е Министер, Алиу формирал работни групи за справување со кризи кои, како што потенцираше, досега не постоеле, а таргетирал и 57 болници и места на кои мора да се инвестира.
Со една милијарда евра, пари од Британија, кои му припаѓаат на здравството, Алиу најави инвестиции, но на две новинарски прашања не одговори дирекно за тоа кога ќе има нов Клинички центар. Алиу не даде ветување дека во неговиот мандат ќе почне изградба на комплекс кој ќе го замени сегашниот на „Водњанска“, кој инаку е изграден по земјотресот во 1963 година и уште тогаш требало да биде привремено решение.