Новиот амбасадор на Швајцарија Зомер, ги предаде акредитивните писма на претседателката Сиљановска Давкова - Канал 5

Македонија

Новиот амбасадор на Швајцарија Зомер, ги предаде акредитивните писма на претседателката Сиљановска Давкова

Швајцарија е присутна во Македонија од 1992 година, а дипломатските односи беа формално воспоставени во 1994 година. 

Новиот амбасадор на Швајцарија Зомер, ги предаде акредитивните писма на претседателката Сиљановска Давкова

Новоименуваниот амбасадор на Швајцарската Конфедерација во Република Македонија, Кристоф Зомер, ги предаде акредитивните писма на претседателката Гордана Силјановска Давкова на 06.11.2025. За време на средбата тие ги потврдија добрите билатерални односи и ја изразија својата заложба да продолжат со нивно зајакнување.

„Многу сум горд што сум назначен за амбасадор на Швајцарија во вашата земја и убеден сум дека во наредните години ќе се појават нови можности за зајакнување на нашите односи“ – изјави амбасадорот Зомер за време на средбата, се посочува во соопштението од Амбасадата на Швајцарија во земјата.

Тој нагласи дека Швајцарија придава големо значење на здружувањето на силите со Северна Македонија во обликувањето на заедничката иднина, во време кога глобалната заедница се соочува со нова ера на политички и економски превирања, кога Европа е сред бура, долгогодишните меѓународни норми и институции се сè повеќе под притисок, а технолошките промени имаат силно влијание на сите нивоа. Заедно со заложбата за понатамошно продлабочување на политичката, економската, културната и научната размена, новата Програма за соработка 2025-2028, којашто се фокусира на демократското владеење, одржливиот економски развој, и водата и животната средина, останува клучен столб на билатералните односи, во услови кога Швајцарија се подготвува да претседава со Организацијата за безбедност и соработка во Европа во 2026 година.

Швајцарија е присутна во Македонија од 1992 година, а дипломатските односи беа формално воспоставени во 1994 година. Швајцарската амбасада во Скопје беше отворена во 2000 година. Врските меѓу двете земји се зајакнати и преку големата заедница со потекло од Северна Македонија што живее во Швајцарија. Амбасадорот Зомер исто така ќе ја надгледува и Швајцарската програма за соработка, којашто се спроведува во тесна соработка со државните институции, граѓанското општество и приватниот сектор. Во текот на изминатите три децении, Швајцарија придонесе со околу 370 милиони швајцарски франци во развојна соработка, што ја прави еден од најважните билатерални партнери на Македонија.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Филипче секојдневно бара Уставни измени, повеќе дури и од Бугарите

Филипче испадна поголем Бугарин дури и од самите Бугари.

Манасиевски: Филипче секојдневно бара Уставни измени, повеќе дури и од Бугарите

На Филипче не му се слушаат пофалните зборови на Антонио Кошта во делот на Реформската агенда, како и добиените финансиски средства од Планот за раст, тој оди со главата во ѕид, работејќи во полза на бугарските власти и знае само за една реформа, а тоа е уставни измени.

СДС важи за партија којашто низ историјата на независна Македонија, водела исклучиво погубни политики во делот на евроинтегративниот процес на државата.

Од промена на знаме, име, Устав, до денес барањата на Филипче за редефинирање на историјата, јазикот, културата и идентитетот.

ВМРО-ДПМНЕ нема да дозволи повеќе национални понижувања. Времето на отстапки и исполнување на туѓи агенди заврши.

Валентин Манасиевски, портпарол на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Секси мајка: Дилет изгледа неверојатно по породувањето

Една од најибавите телевизиски водителки на светот, атрактивната Италијанка, Дилета Леота го официјализираше враќањето кон својот препознатлив провокативен изглед на својот Инстаграм профил.

Секси мајка: Дилет изгледа неверојатно по породувањето

Нејзините следбеници беа изненадени и не можеа да поверуваат дека таа се врати во топ форма толку брзо по породувањето.

Една од најибавите телевизиски водителки на светот, атрактивната Италијанка, Дилета Леота го официјализираше враќањето кон својот препознатлив провокативен изглед на својот Инстаграм профил.

Италијанската спортска водителка се породи пред три недели и донесе син на свет. Таа веќе има ќерка со сопругот, германскиот голман Лорис Кариус.

Дилета, која многумина ја сметаат за една од најатрактивните жени во светот, објави фотографија на која лежи на кауч во црна облека.

Носеше облека што личи на костим за капење. Нејзините следбеници беа изненадени и не можеа да поверуваат дека толку брзо се вратила во врвна форма по породувањето.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ирина Шајк зрачи со сексипил

Познатата руска манекенка, Ирина Шајк, повторно ги излуди сите на социјалните мрежи. 

Фото: Ирина Шајк зрачи со сексипил

Како да не беше доволно нејзиното претходно појавување на Мет Гала кога се појави речиси гола и ви го одзеде здивот.

Овој пат, убавата Русинка објави серија фотографии од разни настани, меѓу кои се издвои онаа на која Ирина позира во едноставно бикини.

Сè почесто кога ја гледаме во вакви публикации, имаме и можност да се увериме дека моделот обожава едноставност.

А сега се одлучи за „обично“ бикини, но доволно мало и провокативно за повторно сите да зборуваат за нејзиното тело, наместо за моделот.

„Кралица“, „Ти си најубавата жена на светот“, „Гориш“, „Толку едноставна и единствена“, „Сјаеш, жено“, беа само дел од коментарите.

Тагови: ирина шајк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер