Нови мировни преговори помеѓу Тајланд и Камбоџа - Канал 5

Свет

Нови мировни преговори помеѓу Тајланд и Камбоџа

 Претставници на Тајланд и на Камбоџа денеска на граничниот премин помеѓу двете земји ги почнаа четиридневните разговори за прекин на огнот.

Нови мировни преговори помеѓу Тајланд и Камбоџа

Се очекуваше состанокот во тајландската покраина Чантабури да биде одложен откако Камбоџа побара промена на местото на одржување. Но, Владата на Камбоџа објави фотографија од двете делегации, наведувајќи оти разговорите почнале со цел „да се обезбеди прекин на непријателствата, враќање на стабилноста и олеснување на брзо враќање во нормалноста“.

Долготрајниот граничен конфликт помеѓу Тајланд и Камбоџа повторно се разгоре овој месец, кршејќи го го претходното примирје, при што загинаа повеќе од 40 лица и раселени се околу еден милион.

Разговорите треба да траат до сабота, а портпаролот на тајландското Министерство за одбрана, Сурасант Конгсири посочи дека Бангкок „вистински се надева дека состанокот ќе има позитивен исход“.

Според него, успех зависи од искреноста, зборовите и делата на Камбоџа. Бангкок претходно побара Пном Пен прво да прогласи прекин на огнот и да соработува во напорите за деминирање на границата.

Претходно, Министерството за внатрешни работи на Камбоџа соопшти дека „верува оти тајландската страна ќе покаже искреност во спроведувањето на прекинот на огнот“.

Тајланд и Камбоџа имаат територијален спор за демаркација на 800 километри долгата граница и неколку урнатини од древни храмови лоцирани на границата.

Бангкок и Пном Пен од 7 декември меѓусебно се обвинуваат за поттикнување на нови борби и напади врз цивили, откако десетици луѓе беа убиени во петдневниот конфликт во јули.

САД, Кина и Малезија посредуваа за склучување на примирје, што кратко траеше.

Тагови: Камбоџа Тајланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер