Нови мерки на српската влада

Нови мерки од викенд, освен за угостителите, „катанец“ и за фризерниците, теретаните, бутиците, базените...

Угостителските и услужните објекти ќе можат да работат само до 17 часот во работните денови, а за време на викендите воопшто нема да работат, тоа е една од новите мерки предложени од Кризниот штаб, што Владата на Србија ќе ги донесе на седницата во четврток, потврдено е за „Блиц".

Новите мерки, стапуваат на сила од петок, 4-ти декември, што значи дека тие ќе важат од овој викенд, а како што дознаваме, тие би требало да бидат на сила две недели од усвојувањето.

Предлогот на медицинскиот дел што ќе биде усвоен од владата, е угостителските и трговските фирми, рестораните, кафулињата, баровите, клубовите, трговските центри, игротеките, обложувалниците, продавниците и сите други продажни објекти, салоните за убавина и фризерниците, фитнес центрите, спортските сали, спа центрите и базените да можат да работат во работните денови до 17 часот, а за време на викендите воопшто да не работат (т.е. од петок во 17 часот до понеделник до 5 часот наутро).

Предложените нови мерки се однесуваат на услужните дејности. Фризерите, салоните за убавина и слично, но и бутиците кои не се во трговски центри, според постоечките мерки, ќе може да работат до 21 часот.

Новите мерки, што ќе ги донесе Владата на Србија во четврток, се следниве:

-продавниците за храна да работат секој ден до 21 часот, вклучувајќи ги и викендите

-аптеките, бензинските пумпи и доставата на храна може да работат неограничено седум дена во неделата;

-театрите и кината можат да бидат отворени секој ден до 17 часот, вклучувајќи ги и викендите

-пазарите во работните денови ќе работат регуларно, а за време на викендот од 6 часот изутрина до 15 ч.

Инаку, вчера на седницата на Кризниот штаб било дискутирано и за воведување на задолжителен PCR тест за сите Срби кои би дошле од странство за време на празниците, но ништо не било прецизирано по тоа прашање, но таа тема била оставена за следната седница на Кризниот штаб.

Анализа: Имунолошкиот систем го памети коронавирусот најмалку шест месеци

Луѓето можат да се одбранат од втора инфекција со коронавирус најмалку шест месеци по закрепнувањето од првата благодарение на клетките кои се сеќаваат на вирусот, објавија американски и швајцарски научници.

Експертите од Соединетите Држави и Швајцарија ги проучувале клетките на десетици луѓе заразени со коронавирус и откриле дека иако нивните антитела се намалуваат со текот на времето, нивото на Б-клетките (Б-лимфоцитите) останува исто.

Б-лимфоцитите се важен дел од имунолошкиот систем, бидејќи тие се клетки кои се сеќаваат на патогените микроорганизми и во случај на реинфекција го стимулираат имунитетот за да го започне производството на антитела за борба против вирусот.

„Таквиот одговор на Б-клетките е одговорен за заштита од повторна инфекција и е од витално значење за ефективна вакцина“, се вели во студијата објавена во списанието „Nature“.

"Нашето истражување покажа дека меморијата на Б-клетките не опаѓа по шест месеци, туку сосема спротивното - таа продолжува да се развива. Ова укажува на можност поединците кои биле заразени со коронавирус да реагираат брзо и ефикасно на повторното изложување на вирусот", напишале тие.

Нивната студија опфатила 87 лица со потврдена дијагноза на ковид-19, проучени помеѓу еден и шест месеци по инфекцијата.

Активноста на нивните антитела се намалила со текот на времето, но бројот на Б-клетки не се променил. Овој процес треба да предизвика производство на повеќе потентни антитела во случај на втора инфекција.

Колку трае имунитетот по инфекцијата со коронавирус е прашање на кое научниците работат веќе некое време, бидејќи тоа е клучно за предвидување на динамиката на пандемијата.

И додека претходните истражувања веќе откриле дека антителата можат релативно брзо да се распаѓаат, поновите покажале дека и другите делови на имунолошкиот систем, како што се Б-клетките, исто така може да играат улога за подолг имунитет.

Студија објавена во списанието „Science“ овој месец сугерира дека скоро сите поголеми делови на имунолошкиот систем кои можат да препознаат и запомнат нов патоген, продолжуваат да реагираат на вирусот најмалку осум месеци.

Германија воведува строг карантин до 14 февруари, забранети се платнени маски

И покрај тоа што состанокот на германската канцеларка Ангела Меркел со лидерите на сојузните држави се уште трае, излегле голем број информации и содржината на документот со новите мерки.

Што е најважно, Германија оди во уште построга блокада што ќе трае до 14 февруари.

Меркел и лидерите на сојузните држави се согласиле дека покрај постојните, треба да се воведат и мерки за задолжително носење висококвалитетни медицински заштитни маски во продавниците и јавниот превоз. Ова ги вклучува т.н. хируршки маски и маските попознати по назнаките FFP2 и N95.

Според новите правила, на граѓаните ќе им биде забрането да носат платнени маски или шалови како замена за маските во јавниот превоз.

Покрај тоа, документот со новите мерки предвидува федералното Министерство за труд и социјала да издаде регулатива за работа од дома. Според неа, работодавците мора да им дозволат на вработените да работат од дома секогаш кога е можно. Ова ќе ги намали контактите на работа, но исто така и на пат кон работата, што треба да го забави ширењето на коронавирусот.

Исто така, од работодавците се бара да воспостават флексибилно работно време за сите оние кои треба да одат на работа и да избегнуваат гужви во јавниот превоз рано наутро и попладне. Ограничувањата ги содржи работниот документ што излегол од средбата меѓу Меркел и покраинските премиери. Бројот на нови инфекции се намалил, а притисокот врз болниците и единиците за интензивна нега малку е намален. Сепак, „падот на бројот на заразени во Германија мора дополнително да се забрза“ за да се спречи ризикот од ширење на новиот сој на коронавирус.

Германија е во вид на блокада од ноември, која првично требало да трае само четири недели и дефинитивно да заврши пред Божиќните празници. Во меѓувреме, училиштата, продавниците што не продаваат основни намирници, баровите, рестораните и забавните и културни објекти се затворени во земјата, со мерки што постепено се интензивираат од нивното воведување на почетокот на ноември. Во сила е и мерката според која едно домаќинство може да го посети само едно лице надвор од тој круг.

Во области каде има повеќе од 200 нови случаи на 100.000 жители, не е дозволено да се напушта куќата повеќе од 15 километри.

Американците го избраа БМВ за најомилен премиум бренд

BMW ја освои титулата најпродавана луксузна марка во Америка.

Тоа го постигнал со вкупно продадени 278.732 примероци, што е пад од дури 17,7% во споредба со претходната година. Лексус се најде на второто место со вкупно продадени 275.041 единици, што е за 7,5 проценти помалку од претходната година. Мерцедес мораше да се задоволи со третото место, што значи продадени 274.916 автомобили и годишен пад од 13%.

На четвртото место е Ауди со продадени 186.620 примероци, додека петти е Кадилак со 129.495 продадени автомобили. Следат Volvo (110.129), Линколн (105.410), Infiniti (79.502) и Porsche (57.924).

Интересно, единствениот со позитивен резултат е Volvo, што пораснал за 1,8% во споредба со 2019 година.

Што се однесува до моделите, најпродаван BMW бил X3 (59.941), додека најпопуларниот Мерцедес бил теренец, GLC со продадени 52.626 примероци. Од друга страна, Lexus ја задржал високата продажба и за малку помина пред Мерцедес, благодарение на RX со продадени дури 101.059 примероци.

притисни ентер