Нови детали за масакрот: Монструмот од Цетиње испукал 100 куршуми пред да го застрела соседот - Канал 5

Балкан

Нови детали за масакрот: Монструмот од Цетиње испукал 100 куршуми пред да го застрела соседот

Вук Бориловиќ (34) од Цетиње вчера во центарот на градот уби десет сограѓани и рани шест од нив.

Нови детали за масакрот: Монструмот од Цетиње испукал 100 куршуми пред да го застрела соседот

За време на крвавата драма, во која уби и две малолетни деца, Бориловиќ по случаен избор со ловечка пушка пукал во соседите, итната медицинска помош, припадниците на полицијата и случајните минувачи.

Како што се дознало подоцна, при размена на оган со полицијата, бил застрелан од сограѓанинот Н.К.

„Испукал над 100 куршуми. Пукал со карабин“, изјави локален жител за ТВ „Објектив“.

Како причина за масакрот наведува дека убиецот неодамна купил камера и видел дека некој му краде работи од дворот.

Од Клиничкиот центар соопштија дека во таа установа се лекуваат четворица пациенти - тројца се на интензивна нега, од кои еден е во животна опасност. Двајца пациенти во болницата во Цетиње се надвор од животна опасност, пишува црногорски Вијести. Еден од ранетите пациенти, хоспитализиран во КЦЦГ, во моментов е стабилен, надвор од животна опасност и е сместен на Клиниката за неврохирургија.

„Вториот пациент по приемот е оперативно третиран, има повреди на мозочните структури и коскените структури на главата и градниот кош, загрозен му е животот и се наоѓа на Централното одделение за интензивна нега“, велат од КГК. Третиот пациент има повреда на абдоминалните органи, претежно црниот дроб, оперативно е третиран и на мерки на понатамошна интензивна терапија и следење и е сместен на одделението за интензивна нега.

„Четвртиот пациент има повреди на вратот и градниот кош, отворена фрактура на десната надлактица, исто така е хируршки третиран и се уште бара лекување на одделението за интензивна нега“, соопштија од Клиничкиот центар.

Директорот на болницата во Цетиње, Иван Ивановиќ, за ТВЦГ изјави дека две лица - маж и жена се хоспитализирани во таа болница откако се повредени во вчерашната трагедија и се во стабилна општа состојба. „Тие се надвор од животна опасност“, изјавил Ивановиќ, а пренесува РТЦГ.

Дежурниот хирург во Клиничкиот центар на Црна Гора (КЦЦГ), Перица Мараш, синоќа за „Вијести“ изјави дека по трагедијата во Цетиње во таа установа се примени четворица пациенти со тешки повреди.

„Тројца пациенти беа оперирани од неврохирурзи, хирург и ортопед. Се работи за многу сериозни повреди и засега не можеме да објавиме дефинитивна прогноза...“, изјави Мараш.

Полицијата соопшти дека се уште не е познат мотивот за овој масакр.

Синоќа зборуваше и началникот на полицијата Зоран Брѓанин.

„Пукал во семејство чии членови престојувале во просториите на неговата куќа како станари во населбата Медовина. Во таа прилика со огнено оружје, ловечка пушка им ги одзел животите на две деца, едното на возраст од осум, а другото единаесет , и ја ранил нивната мајка, која им подлегнала на повредите во медицинска установа, а потоа излегол и со истото огнено оружје пукал кон жителите на оваа населба, при што усмртил уште седум лица, а шестмина ранил.“

Тој рече дека во размената на оган еден полицаец е тешко ранет.

„Засега не е јасно што го поттикнало В.Б. на ваков грозоморен чин, по што и самиот бил лишен од живот. Нагласувам дека се уште се утврдуваат околностите на целиот настан, вклучително и загубата на животот на В.Б., а за сите детали јавноста ќе биде информирана преку медиумите. Сакам да изразам и надеж дека никогаш повеќе нема да бидеме сведоци на ваква трагедија во Црна Гора“, рече Брѓанин, додавајќи дека сочувствува со семејствата на жртвите и се надева дека повредените брзо и успешно ќе закрепнат.

Според официјалните податоци, Бориловиќ влегол во станот на своите станари околу 15:30 часот и го убил единаесетгодишниот М. , апотоа во неговиот три години помлад брад и потоа низ прозорецот пукал во нивната мајка, Наташа Пајовиќ Мартиновиќ.

Откако ги убил, им се јавил на нивниот татко и сопруг Милош Мартиновиќ и му рекол: „Го убив твоето и моето семејство“, велат соговорниците на „Вијести“ од Управата на полицијата.

Во следните 45 минути на вкупно 80 метри од неговата куќа пукал со карабинот, при што усмртил уште седум лица, а ранил уште шест.

Надлежните објаснија дека по убиството на Мартиновиќ, тој влегол во соседната куќа, каде ги убил постарите сограѓани Данијела и Димитрије Дрецун, а тешко го ранил нивниот внук Александар Дрецун (32). На прагот од таа куќа го убил и нивниот син Рајко Дрецун (56), кој кога слушнал пукање истрчал кон куќата.

Бориловиќ го убил и својот сосед Милан Митровиќ (37), а потоа и вујко му Горан Ѓуришиќ (54), а потоа одејќи по улицата ги убил соседите Александра (52) и Данијела Радуновиќ (51).

Бориловиќ, погоден со два куршуми и со пушка во раката се свртел кон куќата на својот сосед И.Ј. и го викнал да излезе.

Тој ранил уште четворица соседи - Славица Звичер, Филип Ѓурковиќ, Милева Рамадановиќ и Даринка Челебиќ, како и полицаецот Љубиша Максимовиќ, кој се обидувал да го совлада. Клиничкиот центар на Црна Гора синоќа соопшти дека тројца од ранетите биле оперирани и се сместени на Одделот за интензивна нега.

Неговото тело, според неофицијалните информации, синоќа било испратено на обдукција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Трчаме со срце“ - 290 тркачи, едно срце и една повисока цел

Градскиот парк во Скопје на 19 септември пулсираше во ритамот на хуманоста, дружењето и спортскиот дух.

„Трчаме со срце“ - 290 тркачи, едно срце и една повисока цел

На јубилејната СОС Хуманитарна трка powered by IT4Charity, 290 тркачи застанаа на стартната линија со една заедничка цел – да трчаат со срце и да дадат свој придонес за децата и младите на кои им е потребна поддршка.

По повод 25 години СОС Детско село, годинешната трка под мотото „Трчаме со срце“ за првпат ги обедини не само компаниите од ИТ-заедницата, туку и индивидуални тркачи. На патеката долга четири километри и во форма на срце трчаа 160 тимски тркачи од 21 ИТ компанија и 130 индивидуални учесници.

Но, трката беше многу повеќе од трчање.

Од раните утрински часови, Градскиот парк беше исполнет со позитивна енергија, поддршка и насмевки. Тркачите се бодреа едни со други, семејствата и пријателите навиваа, а целата атмосфера потсетуваше дека кога се обединуваме околу добра цел, резултатот е многу поголем од кој било пласман.

Посебно место на настанот имаше Детското катче, кое беше исполнето со најмладите посетители. Тие цртаа, твореа и оставаа свои пораки и на тој начин дадоа свој белег на оваа хумана приказна.

Големо внимание привлече и донаторското катче „Мече на грижа“, каде што посетителите донираа и добиваа брендирано СОС меченце. Ова катче стана едно од најпосетените места на настанот и уште еден убав пример дека понекогаш и едно мало добро дело може да носи голема порака.

Сите кои беа дел од трката имаа своја причина да трчаат, но заедничко им беше тоа што дојдоа со срце. Некои трчаа со своите тимови, некои со своите семејства и пријатели, а сите за една повисока цел – ниту едно дете да не расте само.

„Кога ја замислувавме оваа трка во годината во која одбележуваме 25 години, сакавме околу една иста цел да сплотиме што повеќе луѓе. Благодарение на ИТ-компаниите кои повторно застанаа зад нас и на сите индивидуални учесници кои годинава ни се приклучија, на стартот видовме голем број хумани луѓе кои покажаа дека грижата за децата не е само наша мисија, туку нешто околу кое можеме да се обединиме како заедница“, велат од СОС Детско село Македонија.

СОС Хуманитарната трка powered by IT4Charity оваа година е дел од низата настани со кои се одбележуваат 25 години СОС Детско село - 25 години посветени на создавање сигурна и поддржувачка средина за децата и младите и на зајакнување на семејствата кои се соочуваат со сериозни животни предизвици.

Преку своите програми, СОС Детско село Македонија досега има поддржано повеќе од 6.090 деца, млади, згрижувачи и семејства. За некого таа поддршка значела сигурна грижа кога не можел да расте со своите родители, за друго семејство - помош да остане заедно, а за млад човек – поддршка на патот кон самостоен живот.

И токму затоа, на 19 септември не се трчаше само по патеката во Градскиот парк.

Се трчаше за секое дете да има некого покрај себе. Се трчаше за грижа, сигурност и можност за подобра иднина. Се трчаше со срце!

Тагови: СОС Детско село

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Три значајни медали за Јулијана Петровска од Ѓорче Петров на Европско првенство на Специјална олимпијада во Малта

Градоначалникот на Општина Ѓорче Петров, Александар Стојкоски ја пречека шампионката Јулијана Петровска, која од Европското првенство на Специјалната олимпијада во Малта се врати со три медали и со уште еден голем спортски успех за Македонија.

Три значајни медали за Јулијана Петровска од Ѓорче Петров на Европско првенство на Специјална олимпијада во Малта

Јулијана освои сребрен и два бронзени медали, меѓу кои и историскиот бронзен медал во штафетата 4×50 метри.

-Нејзиниот успех е резултат на огромниот труд, посветеност, истрајност и љубов кон спортот, но и доказ дека кога постојат волја и силен дух, границите не постојат - рече Стојкоски на средбата со Петровска.

Општина Ѓорче Петров, додаде Стојкоски, е горда што меѓу своите жители има спортистка која со своите резултати го промовира Ѓорче Петров и Република Македонија и испраќа силна порака дека спортот е простор во кој сите можат да ги остварат своите соништа и потенцијали.

Тагови: Општина Ѓорче Петров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Филипче со багажот од криминални тендери и десет илјади мртви за време на короната, не може реално да расудува за ништо

На Венко Филипче, како главен во талогот на СДС, откако направи низа на криминали му текна да се грижи за работниците и минимална плата.

Петрушевски: Филипче со багажот од криминални тендери и десет илјади мртви за време на короната, не може реално да расудува за ништо

И секако, Филипче како специјализиран за криминал заедно со неговиот учител, Зоран Заев, и партиски другар се противи на се што значи економски раст и економски напредок. Се противи на секаков вид инвестиција, на се што ќе придонесе за реално минималната плата да се зголеми.

Но, што знае Филипче за реално покачување на минималната плата. Ништо.

Филипче за време на владата на СДС и додека тој беше министер, знаеше само за спроведување на сомнителни тендери во здравството како оној за вакцините, потоа сомнителни проекти за клинички во Скопје, а сакаше и неколку области во здравството да ги приватизира. Дополнително, на негово конто се десеттина илјади починати во корона кризата, 14 пациенти кои живи изгореа во модуларната болница во Тетово.

Почитувани,

Филипче по сето ова, многу е јасно дека не може реално да расудува, не може да носи реални одлуки. Затоа, на Филипче му останува само да глуми грижа за граѓаните.

Владата предводена од ВМРО-ДПМНЕ продолжува за грижата за секој еден граѓанин преку помагање на локални проекти, носење на инвестиции, подобрување на економската ситуација.

YouTube video

Бране Петрушевски, пратеник на ВМРО-ДПМНЕ

Тагови: ​Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер