Македонија

Нови 14 дена вонредна состојба, за заокружување на здравствените одговори на пандемијата

Ова е трето прогласување на вонредна состојба, откако првично беше прогласена на 18 март.

Нова вонредна состојба во траење од 14 дена за справување со економските ефекти поврзани со Ковид-19, како и за заокружување на здравствените одговори на пандемијата прогласи вчера претседателот на државата Стево Пендаровски, иако Владата бараше нови 30 дена вонредна состојба.

Ова е трето прогласување на вонредна состојба, откако првично беше прогласена на 18 март, по што беше донесена уште една одлука за нови 30 дена, која завршува денеска, на 16 мај.

Пендаровски по седницата на Советот за безбедност рече дека надлежните институции работат координирано и оти ситуацијата е подобрена и евидентно е дека како држава добро се справуваме со корона кризата.

– По широките консултации што деновиве ги имав со повеќе експерти и со советниците во Кабинетот, а врз основа пред се од кажаното и предложеното на седницата, одлучив да прогласам нова вонредна состојба во траење од само 14 дена, наместо бараните 30. Со оглед на позитивните трендови на смирување на пандемијата сметам дека 14 дена се доволни. Причина за ваквата одлука е имплементирање на економско-социјалните мерки за ублажување на последиците од пандемијата што сега се чувствуваат поради фактот што огромен број на фирми не работеа и се уште не работат, образложи претседателот на државата.

Шефот на државата нагласи дека траењето на вонредната состојба од 14 дена нема никаква корелација со датумот за избори и дека тоа е посебна тема која ќе се дискутира на следната лидерска средба на почетокот на идната недела.

Осврнувајќи се на, како што рече, многубројните реакции од граѓани на мерките за справување со коронавирусот, а се на пример поврзани со ограничувањето на движењето, затворањето на школите и градинките или на стопанските субјекти, Пендаровски потенцира дека тие не се на ниеден начин поврзани со декларирањето на вонредната состојба.

– Поинаку кажано, дури и во вонредна состојба тие можат да бидат укинати, рече Пендаровски.

Шефот на државата побара од Владата да размисли за постепено намалување на рестрикциите на движењето на граѓаните и во однос на работата на стопанските субјекти.

Двете одлуки на претседателот Пендаровски за прогласување вонредна состојба останаа непотврдени од Собранието, поради тоа што тоа беше распуштено. Тие беа оспорени пред Уставниот суд, но тој реши дека нема основа за поведување постапка за оценување на нивната уставноста и законитост.

Вкупната бројка на ковид дијагностицирани во нашата земја од почетокот на епидемијата, досега, изнесува 1.740, бројката на оздравени пациенти е 1.251, на починати е 97, а во моментов бројот на активни случаи во земјата изнесува 392./МИА

Македонија

Православните верници го слават Велигден

Едногласно да воскрикнеме пред сиот свет Христос Воскресе – Навистина воскресе.

Со овој поздрав православните христијани ширум светот го одбележуваат најголемиот христијански празник Велигден. Христовото воскресение беше објавено во сите храмови на Македонската православна црква на полноќ, а утрово се одржуваа воскресенски литургии. Централната богослужба се одржа во Соборниот храм „Св. Климент Охридски“ во Скопје , каде чиноначалствуваше поглаварот на Македонската Православна Црква – Охридска Архиепископија Господин Господин Стефан.

Оттаму беше испратена порака до верниците за спотеност, спокојство и меѓусебно почитување.

-Што е можно побргу да се освестиме и да се обединиме како народ и молитвено да притекнеме кон Бога. Со кое право некои сеуште се обединуваат да ни ги одрекуваат историјата и традицијата, јазикот и верата кога сета Македонска почва е напоена со просветителските дејанија на Македонските црковно просветни дејци. Како што не потклекнаа нашите прадедовци така и ние како нивни потомци и како доследни носители на аманетот доверен од нив да не дозволиме отсапки пред оние кои што постојано посегнуваат по нашето најсвето, вели отец Сашо.

На полноќ со прогласувањето на Христовото воскресение, заврши и седум неделниот велигденски пост. По причестот, верниците утрово се помолија за здравје и благодет.

- Посакувам прво здравје, среќа, љубов, благосостојба, мир.

- Здравје, среќа за семејството и мир насекаде да има.

- Многу желби имаме, здравје, многу здравје, пред се здравјето е најбитно., Христос Воскресе, дојдовме за здравје за убавини за мир и нека биде се добро.

Според Христијанското учење Велигден е празник на љубовта и мирот, триумф на животот над смртта, на доброто над злото и ден кога Исус Христос воскреснал од мртвите, подарувајќи вечен живот на оние што веруваат во него. Велигден според јулијанскиот календар, покрај во Македонија и соседството се слави и во Украина, Молдавија, Русија, Либан, Египет и Етиопија како и меѓу останатите православни верници во Африка и блискиот исток.

Фудбал

Инзаги: Сакам сите од сегашниот состав да останат и за следната сезона

Тренерот на Интер, Симоне Инзаги, изрази надеж дека клубот ќе може да ги задржи клучните играчи во новата сезона.

Во текот на оваа сезона, „нероазурите“ убедливо ја освоија титулата во Серија „А“, со само два порази во 35 кола - двата против Сасуоло, од кои вториот беше синоќа.

-Веќе разговарав со управата и кажав дека сакам сите од сегашниот состав да останат и следната сезона. Со оглед на тоа колку натпревари треба да одиграме, потребен ни е поголем состав, а не пократок, прокоментира Инзаги, кој го направи Интер шампион на пет кола пред крајот.

Македонија

Македонската платформа на Левица го штити македонскиот јазик

Денес е 5 мај - Ден на македонскиот јазик. На овој ден во 1945 година, Народната влада на Народна Република Македонија ја усвоила азбуката на македонскиот јазик како официјално писмо.

Левица во својата Изборна програма се залага за ПОСЕБНА ЗАШТИТА НА МАКЕДОНСКИОТ ЈАЗИК преку:

• Посебен закон за задолжителна и проширена употреба на македонскиот јазик и негова институционална заштита преку зајакнати ингеренции на Инспекторатот за употреба на македонскиот јазик, на кодифицираниот литературен и стандарден македонски јазик, како и на неговите дијалекти;

- задолжително изучување на македонскиот јазик од страна на сите ученици од прво одделение;

- задолжително познавање на македонскиот јазик при стекнување државјанство;

- задолжителна примена при брендирањето и јавното рекламирање;

- задолжителна примена на сообраќајните знаци;

- задолжителна и единствена примена на таблите, печатите, штембилите и меморандумите на државните органи;

• Повторно отворање на повеќето лекторати по македонски јазик на странските универзитети ширум светот, како отворање на нови;

• Изработка на т.н. дигитален корпус на македонскиот јазик: соодветен дигитален речник, граматика, етимолошки речник, дијалектни речници и сл.;

• Владино спонзорирани онлајн - часови по македонски јазик за децата на нашите иселеници во странство;

• Задолжителен превод на македонски јазик на сета ТВ и радио програма која оди во етерот, а се емитува на друг јазик различен од македонскиот (од домашни или странски телевизии);

• Владин откуп и ставање на слободно користење на над 100 кирилични фонтови за компјутерско пишување исклучиво на македонска кирилица - која се разликува од бугарската, српската и руската кирилица;

• Задолжително и обврзно користење на кириличното писмо во сите натписи, имиња и логоа на државните органи, јавните институции, здруженијата и фирмите - со цел враќање на приматот на македонскиот јазик, како единствен службен јазик на целата територија на Републиката.