Новата анкета покажа дека десничарската АфД е прва политичка сила во Германија - Канал 5

Европа

Новата анкета покажа дека десничарската АфД е прва политичка сила во Германија

За прв пат во анкета на јавното мислење, десничарската Алтернатива за Германија (AfD) води со цели пет процентни поени пред владејачката Христијанско-демократска унија CDU/CSU, објавуваат германските медиуми.

Новата анкета покажа дека десничарската АфД е прва политичка сила во Германија

Во анкета на јавното мислење спроведена од Институтот Инса за неделното издание на дневниот весник „Билд“, на прашањето за кого би гласале доколку парламентарните избори се одржат оваа недела, 28 проценти од испитаниците ја избрале AfD.

Актуелно владејачката Христијанско-демократска унија CDU/CSU би гласала за 23 проценти, што е најниско од минатогодишните избори. Помалиот партнер во владата, Социјалдемократската партија на Германија (SPD), би добила 13 проценти, еден од најниските резултати досега за оваа партија на федерално ниво. Партијата на зелените исто така би била избрана од 13 проценти од анкетираните, а партијата на левицата од 11 проценти.

Според овие вредности, коалициската влада на Фридрих Мерц нема да има парламентарно мнозинство.

AfD се консолидира на врвот

И оваа анкета покажува дека AфД се етаблирала на врвот на популарноста на федерално ниво од март, кога за прв пат ги престигна демохристијаните.

Анкетата, исто така, покажува тренд на стабилизирање на популарноста на AfD и на федерално ниво. Досега, AfD постигна најдобри резултати на истокот од земјата, но на овогодишните избори за покраинските парламенти во западните федерални држави Баден-Виртемберг и Рајнска област-Пфалц, постигна рекордни резултати.

Во септември, избори се одржуваат и во источните федерални држави Саксонија-Анхалт и Мекленбург-Западна Померанија и градот-држава Берлин. Во Саксонија-Анхалт, според сегашните проценки, AfD би можела да постигне апсолутно мнозинство и за прв пат да ја преземе власта во федерална држава.

Една година по преземањето на власта, владата на Фридрих Мерц забележа рекордно ниво на незадоволство на граѓаните, а Мерц е еден од најнепопуларните канцелари во повоена Германија. Делови од AfD, која вклучува бројни покраински ограноци, се регистрирани како докажана десничарска екстремистичка партија од страна на Канцеларијата за заштита на уставниот поредок и се под надзор на тајните служби.

Тагови: АфД Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Видео: Руска ракета паднала во Полска? Одекнала експлозија, кратер од 10 метри

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На ГП „Богородица“за излез од државата се чека околу 20 минути

Од Авто-мото сојузот на Македонија (АМСМ) информираат дека интензитетот на сообраќајот на патните правци надвор од градските средини е зголемен. 

На ГП „Богородица“за излез од државата се чека околу 20 минути

На ГП „Богородица“, поради зголемена фреквенција на возила, за излез од државата се чека околу 20 минути. Како што информира АМСМ, на останатите гранични премини од македонска страна, нема подолги задржувања за влез и излез од државата.

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Тагови: ГП Богородица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер