Келог овие свои забелешки ги даде во дискусијата организирана од иницијативата „Европска стратегија на Јалта“ и фондацијата „Виктор Пинчук“, пред денешната конференција за обнова на Украина во Рим.

Американскиот пратеник ја истакна важноста на обновата на Украина, потсетувајќи како САД го имплементираа Маршаловиот план во Европа по завршувањето на Втората светска војна. Според него, истиот пристап треба да се примени и во Украина, иако предупреди дека задачата ќе биде исклучително тешка.

Келог истакна дека ситуацијата е многу комплицирана во моментов и ја нагласи потребата од прекин на огнот. Тој го пофали украинскиот претседател Володимир Зеленски и неговиот тим за нивното внимателно и разумно водство.

Дипломатот нагласи дека прекинот на огнот навистина може да ја заврши војната и дека Украина се согласила на прекин на огнот, но дека тоа е едностран чекор.

Келлог го насочи своето внимание кон прашањето за враќањето на украинските деца, додавајќи дека американскиот претседател Доналд Трамп е длабоко загрижен за ова прашање и дека во разговорите со Зеленски инсистирал тоа да биде тема во преговорите со Русија - за што добил согласност од украинскиот лидер.

ДПА објави дека европските партнери на Киев на денешната средбата во Рим ќе го претстават фондот за обнова на Украина, а ќе се разговара и за дополнителна поддршка за земјата.

Според германскиот министер за развој Реем Алабали Радован, фондот ќе биде поддржан од Германија, Италија, Полска, Франција и Европската комисија. На состанокот ќе учествуваат и германскиот канцелар Фридрих Мерц и украинскиот претседател Володимир Зеленски.

- Во светот што се менува, потребна ни е силна Европа. За да го направиме тоа, потребен е заеднички Буџет што ги поддржува нашите заеднички приоритети, а истовремено овозможува простор за справување со неочекувани предизвици, изјави дански министер за финансии Николај Вамен, чија земја е актуелен претседавач со Советот на ЕУ.

Вамкен, кој е главен преговарач за Советот за буџетот во меѓуинституционалниот „тријалог“ за Буџетот за 2026 година, додаде дека е охрабрен од денешната одлука, што му обезбедува „солиден мандат“ за претстојните преговори.

Во договорот на Советот на ЕУ се нагласува важноста од донесување на Буџет на Унијата за 2026 година кој ќе биде соодветен за спроведување на политиките и програмите на блокот и ќе му овозможи справување со тековните кризи и предизвици, како што се состојбите во Украина и на Блискиот Исток, зајакнувањето на одбранбената подготвеност на Европа и соочување со мигрантските притисоци.

- Советот смета дека буџетот за следната година треба да овозможи доволно резервни средства за справување со непредвидени кризи и околности. Во исто време, буџетот за 2026 година треба да обезбеди доволно ресурси за да се овозможи веќе преземените обврски да се платат навремено, посочи Советот на ЕУ.

Според буџетската методологија на ЕУ, расходите на Буџетот се делат на „обврски“ и „исплати“. Обврските се дефинирани како законски задолженија за издвојување средства за активности кои се спроведуваат во текот на неколку финансиски години, додека исплатите се трошоци предвидени со Буџетот само за тековната година.

Врз основа на договорот, Советот на ЕУ треба да ги започне преговорите со Европскиот парламент по Нацрт-буџетот на Унијата за 2026 година предложен од Еврокомисијата. Законскиот рок за постигнување конечен договор за Буџетот на ЕУ за следната година истекува на полноќ на 17 ноември 2025 година.

Основното јавно обвинителство Скопје, постапувајќи во врска со вчерашниот пожар во Визбегово, поведе итна постапка против две лица – маж и жена за кривично дело Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.

Постапката е поведена бидејќи двајцата физички нападнале екипа – новинар и снимател на ТВ Алсат М и ги спречиле во извршување на нивните службени задачи, односно да известуваат за настанатиот пожар во близина на отпад за старо железо, соопшти ОЈО Скопје.

Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, додека за осомничената е предложена мерка куќен притвор, бидејќи се грижи за две малолетни деца на возраст од 9 месеци и 3 години.

Мерките се предложени со цел нивно обезбедување, со оглед на тоа што освен наведеното кривично дело, обвинителството продолжува да ги истражува и причините за настанување на пожарот на отпадот во сооственост на осомничените и евентуалните опасности предизвикани врз животот и телото на луѓето, имотот и животната средина. Во таа насока во текот на вчерашниот ден и денеска се издаваат повеќе наредби и насоки за обезбедување докази, наведуваат од ОЈО Скопје.