24 годишна родилка од Битола само што се породила го изгубила своето бебе. Според првичните информации од болницата жената била првородка и заминала во болницата каде и била дадена таблета да го испровоцира породувањето. Родилката била испратена дома и потоа и било кажано да се врати во болница. Кога родилката се вратила во ноќта во болницата веќе било доцна. Докторите по бојата и исцедокот на водењакот виделе дека состојбата е загрижувачка, пробале бебето да го реанимираат, но за жал не давало знаци на живот.Во болницата денеска замина министерот за здравство Фатмир Меџити и по направената обиколка и разговор со вработените и со родилката тој одговори дека бебето било живо родено со тахикардија било реанимирано но починало.

Министерот посочи дека дека утре ќе бидат испратени екипи од ДСЗИ за да утврдат што било причината. Директорот на болницата Александар Обедниковски не сакаше да го коментира случајот и да даде дополнителни детали. Во дел од истрагата треба да се испита зошто на родилката и бил дал лек Мизопростол кој дава провокација за побрзо породување и зошто жената била пуштена дома, а не била задржана во болница? Министерот за здравство посочи дека се уште се чекаат и резултатите од обдукцијата за причината за смртта на шест годишната Јана од битолско Кравари која почина во битолската болница пред скоро еден месец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.