Македонија

Нов зелен покрив на Домот на градежниците во Скопје

Нов зелен покрив ќе биде изграден на Домот на градежниците, во центарот на Скопје. Зелената површина ќе биде по примерот на онаа во ГТЦ, а се очекува зеленилото да го намали топлотниот остров што го создава покривот на оваа зграда.

Како што најави на денешната прес-конференција Никола Наумовски од Град Скопје, со создавањето ново зелено место во центарот на градот, поточно во Мал ринг, се идентификува потребата за борба против топлотинот остров од оваа зграда.

Тој посочи дека по реконструкцијата, просечната температура на годишно ниво ќе биде спуштена за три степени, а таа драстично ќе биде намалена, особено во лето, во Мал ринг, односно пред околните згради.

Планот е како што рече, да се постават десетици садници дрвја, но уште повеќе ниско и средно зеленило кое ќе биде распоредено на начин на кој што ќе биде функционално за оние кои ќе го кровот.

Наумовски појасни дека ќе има тревна површина, слична на онаа во ГТЦ и ќе има вертикално зеленило поставено на ѕидовите.

– Сето тоа со додадени клупи и друга урбана опрема за уживање на присутните и она што можеби е најважно за привлкеување повеќе луѓе, е тоа дека ќе го вратиме киното, односно проекциите кои се случуваат овде, додаде Наумовски.

Покривот, како што додаде, има два нивоа и на двете ќе биде поставено зеленило ниско на местата кај што газиме и воско на страничните површини.

Дополнитлено, посочи, околу целата ограда ќе биде поставен дрворед од густи дрвја со намера да не им се пречи на граѓаните во околкните згради.

Оваа инвестиција чини вкупно18,5 милиони денари.

Претставничката на УНДП на Македонија, Сања Бојаниќ на денешната прес-конференција истакна дека оваа зелена површина ќе има дополнителен придонес во градење на Скопје како отворен и зелен град.

– Овие 390 квадратни метри ќе бидат претворени во зелен покрив на кој ќе има над 30 различни видови на растенија и од еден жежок остров ќе се претвори во зелен остров. На тој начин ќе се придоенсе да се намалат температурите и да се подобри квалитетот на воздухот, а со тоа и квалитетот на животот, рече Бојаниќ.

Градоначалникот на Општина Центар, Саша Богдановиќ рече дека местото ќе биде еден вид рекреација за сите луѓе кои живеат тука, а ќе биде и место каде ќе може младите да доаѓаат да учествуваат во разни активности поврзани со култура, но и секојдневни актвивности на граѓаните на Опптина Центар и Скопје.

Свет

Огромен пожар беснее низ Калифорнија: Илјадници се евакуираат, зафатен е и универзит (ВИДЕО)

Пожарникарите се борат со опасниот шумски пожар во Калифорнија кој рапидно се шири.

Сè уште не е познато како настанал пожарот наречен Френклин.

Противпожарната служба на округот Лос Анџелес процени дека пожарот зафатил најмалку 6,7 квадратни километри, а загрозени се куќи и згради. На шест илјади жители им е наредено да се евакуираат.

Напојувањето е исклучено за да се намали влијанието на познатите калифорниски ветрови Санта Ана, сувите и топли налети на ветер што дуваат од внатрешноста на Јужна Калифорнија кон брегот. Овие ветрови обично се појавуваат во текот на есента и траат во текот на зимата до рана пролет.

Националната метеоролошка служба издаде црвен аларм со ретка напомена дека е особено опасна ситуација за окрузите Лос Анџелес и Вентура. Пожарот се наоѓа северно од Малибу, град популарен меѓу познатите личности. Се прошири и во близина на Универзитетот Пепердајн, кој ги откажа часовите и ги насочи студентите и вработените да се засолнат во библиотеката или центарот на кампусот.

Студентката Габриел Салгадо, која се засолнила во библиотеката, рече дека е страшно да се гледа како пламенот расте, пренесува Sky News. Универзитетот во соопштение на интернет соопшти дека најголемата опасност од пожари поминала, но имало помали пожари на кампусот кои не претставуваат сериозен ризик за животот или зградите.

Противпожарни возила го изгаснаа пожарот во кампусот, а хеликоптери собраа вода од езерото во универзитетскиот парк и помогнаа во гаснењето. Калифорнија е подложна на разорни шумски пожари.

Свет

Расте бројот на жртвите во експлозијата во рафинерија во близина на Фиренца

Бројот на жртвите во експлозијата во рафинеријата на енергетската компанија Ени во Каленцано, во близина на Фиренца, се искачи на четири, откако рано утринава беа пронајдени телата на уште две жртви, изјавија извори за Анса.

Уште едно лице е исчезнато по вчерашната експлозија, во која беа повредени девет лица.

Тројца од деветте се во многу тешка состојба, соопштија локалните здравствени власти.

Експлозијата се случила во делот на рафинеријата каде што резервоарите се полнат со гориво, но резервоарите не биле зафатени од пламен.

Истрагата за причините за експлозијата е во тек.

Регион

Како на филм: Турски мафијаши се убиваат пред црква во Грција, двајца загинати (ВИДЕО)

Сцени како од холивудските филмови се случиле вчера наутро во близина на црква во Глифада, Грција, кога турските напаѓачи поставиле смртоносна заседа за своите жртви, исто така со турско потекло, и убиле две лица, а едно е повредено.

Според информации, Турците ги чекале своите жртви на локацијата и штом ги виделе го извадиле оружјето и ги застрелале. На снимката која е објавена на грчките медиуми се гледа како напаѓачите ги бркаат жртвите и пукаат во нив.

Според медиумите испукани се повеќе од десет куршуми. Еден напаѓач во црна облека трча на сред улица, крева пиштол и пука во непознати кои стојат пред црквата Воведение на Пресвета Богородица.

Во исто време, вториот напаѓач во црна јакна и бели панталони е снимен како доаѓа од спротивната насока и со пиштол во рацете брка лице кое трча кон игралиштето.

На видеото се гледа уште еден напаѓач во црна облека и со маска на лицето.

Се појави и ново видео на кое се гледа како еден од наводните сторители бега од местото на настанот, вели сопственикот на продавницата кој бил присутен на местото на настанот.

„Куршуми летаа на сите страни, се исплашив и влегов во продавницата. Потоа излегов надвор и слушнав дека има двајца сторители, еден видов бидејќи помина пред продавницата“, изјавил сопственик на продавница во околината. .

Грчките медиуми јавуваат дека полицијата уапсила двајца осомничени, се работи за турски државјани со курдско потекло, на возраст од 22 и 26 години. Се вели дека едниот од нив е еден од напаѓачите, додека другиот имал споредна улога. Двајцата преку реката Еврос илегално пристигнале во Грција, додека еден од нив, кога бил лоциран поднел барање за азил.

Се трага по нивните соучесници. Првите докази собрани од местото на пукањето укажуваат на конфликт меѓу членови на турската мафија.