Свет

Нов Зеланд ги заострува правилата за визи и работни дозволи за да нема „неодржлива“ миграција

Нов Зеланд соопшти дека ги заостриле правилата за виза, воведувајќи критериуми за јазик и вештини и скратување на должината на работните дозволи како одговор на „неодржливата миграција“.

Промените во шемата за акредитирана работничка виза (AEVV) стапуваат на сила веднаш и ќе значи дека Нов Зеланд „подобро го тестира локалниот пазар на труд и ги намалува ризиците Новозеланѓаните да останат без работа“, рече министерот за имиграција на земјата, според Си-Ен-Ен.

Во 2023 година, 173.000 граѓани кои не се државјани на Нов Зеланд мигрирале во земјата, се вели.

И покрај тоа што сè уште има недостиг на кадри во области како што е образованието, рече Стенфорд, „во исто време, треба да обезбедиме Новозеланѓаните да се стават пред работните позиции каде што нема недостиг на вештини“.

Промените во шемата AEVV вклучуваат воведување на минимален стандард за англиски јазик, нов минимален услов за вештина во форма на работно искуство или квалификации и намалување на максималниот континуиран престој во AEVV на три години.

Работодавците ќе мора да се погрижат мигрантите да ги исполнуваат овие услови пред да ги вработат и ќе треба да се изјаснат дека ниту еден „соодветен и достапен Новозеланѓанец“ не аплицирал за работата пред да му биде понудена на мигрант. Тие, исто така, мора да го огласат работното место најмалку пред 21 ден и да наведат „зошто сите Новозеланѓани кои аплицирале не биле ангажирани“, според Новозеландскиот Оддел за бизнис, иновации и вработување.

Некои улоги во секторите транспорт и грижа ќе бидат ослободени од овие барања, според веб-страницата на Министерството за бизнис, иновации и вработување.

Фудбал

Голманот на Баер Леверкузен постави нов рекорд во Бундеслигата

Чуварот на мрежата на Баер Леверкузен, Лукас Храдецки, стана првиот странски голман во историјата на Бундеслигата кој одиграл 292 натпревари.

Триесетичетиригодишниот фински голман настапи изминатиот викенд во победата на Леверкузен од 5-1 против неговиот поранешен клуб Ајнтрахт Франкфурт, соборувајќи го рекордот што претходно беше во сопственост на голманот на Борусија Менхенгладбах и на Баерн Минхен, Швајцарецот Јан Сомер (291 настапи).

„Сакам да ги читам весниците и извештаите од натпреварите и таму ја прочитав информацијата. Ме исполнува со гордост и чест што можам да играм во таква прекрасна земја и лига и за два фантастични клубови“, изјави Храдецки за телевизискиот оператор ДАЗН.

Храдецки му се приклучи на Ајнтрахт во 2015 година и забележа 101 настапи за клубот од Франкфурт пред да се пресели во Леверкузен во 2018 година. Неделниот натпревар беше негов 191. лигашки настап за новиот германски шампион.

Баер Леверкузен е во рекордна серија од 48 натпревари без пораз во сите натпреварувања од почетокот на сезоната.

Забава

Фото:Убавата Дилета ја отвори сезоната на костими за капење

Најатрактивната спортската новинарка и водителка во Европа, Италијанката Дилета Леота, набрзо по раѓањето на своето прво дете, ќерката Арија, се врати на работа пред ТВ екраните и фудбалските стадиони.

Убавата Дилета е во брак со поранешниот голман на Ливерпул, Лорис Кариус.

Благодарение на редовните тренинзи и адекватната исхрана, убавата и згодна мама брзо ја врати линијата што ја имаше пред породувањето, а нејзините обожаватели ширум светот со нетрпение го очекуваа враќањето на Дилета во ритамот од пред бременоста и објавувањето на фотки во бикини.

Тоа на нивна радост и се случи, Дилета објави фотографии од базен, каде со ќерката ужива во приватноста на својот дом, а дека изгледа бомбастично докажа и во едноделен розов костим за капење кој одлично и стои.

Македонија

Од среда до викендот нестабилно со пороен дожд и грмежи

Во следните три дена, почнувајќи од среда, под влијание на влажни бранови во поголем дел од земјава ќе биде нестабилно со пороен дожд и грмежи.

Локално процесите ќе бидат поинтензивни во форма на невреме со пообилен дожд за кратко време и засилен ветер.

Дневните температури од четврток ќе бидат во опаѓање.

Во деновите од викендот условите за нестабилност ќе се намалат.

Времето утре ќе биде сончево и топло со мала до умерена облачност. Ќе дува слаб до умерен ветер претежно од југозападен правец. Попладне ќе има изолирана појава на краткотраен пороен дожд и услови за ретки грмежи. Минималната температура ќе биде во интервал од 4 до 10, а максималната ќе достигне од 20 до 27 степени.

Во Скопје слично време со минимална температура од 8, а максимална дневна до 27 степени.