Нов вид на свински грип се прошири кај луѓето во Британија - Канал 5

Здравје

Нов вид на свински грип се прошири кај луѓето во Британија

Се истражуваат блиски контакти.

Нов вид на свински грип се прошири кај луѓето во Британија

Во Велика Британија е забележано прво пренесување од човек на човек на нов вид на свински грип, а здравствените власти се обидуваат да го утврдат потеклото на вирусот. Во понеделникот, Агенцијата за здравствена безбедност на Обединетото Кралство (UKHSA) потврди дека лицето било позитивно на тестот за грип „А H1N2v“, патоген сличен на вирусите на свинскиот грип кои се шират низ целата земја.

Според прелиминарните податоци, инфекцијата со „H1N2“ во Обединетото Кралство е генетски единствена во споредба со другите неодамнешни случаи на луѓе на глобално ниво. „Работиме брзо за да најдеме блиски контакти и да го намалиме потенцијалното ширење“, рече Мера Чанд од „UKHSA“, како што објави „Science Alert“.

По појавата на респираторните симптоми, лекар од Северен Јоркшир го тестирал пациентот за грип на 9 ноември. Секвенционирањето на геномот и „PCR“ тестирањето го идентификуваа вирусот „H1N2“. Пациентот имал поблаги симптоми на болеста и на крајот целосно закрепнал.

Епидемии на свински грип, респираторно заболување на свињите предизвикано од вируси на грип од типот А, често се јавуваат кај свињите и повремено се пренесуваат на луѓето. Иако „H1N2v“ никогаш досега не бил идентификуван кај луѓето во ОК, „UKHSA“,вели дека имало 50 случаи на инфекција ширум светот од 2005 година.

„Овие вируси обично немаат способност да се шират од човек на човек и најчесто се заразуваат по директен или индиректен контакт со свињи“, објасни вирологот Иан Браун од Агенцијата за здравје на животните и растенијата во Велика Британија.

Молекуларниот виролог Ед Хачинсон од Универзитетот во Глазгов предупредува дека вирусите на грипот А понекогаш може да се инкорпорираат во нови видови домаќини. „Вирусите на човечката и животинската инфлуенца А може да се парат ако завршат во истиот домаќин и создадат хибридни потомци кои се добро прилагодени на развојот кај луѓето, но кои нашиот имунолошки одговор на претходни инфекции или вакцини против грип не го препознава“, објаснува тој.

„Затоа е особено важно да се следи ширењето на вирусот на грип А“, додава тој. Треба да се напомене дека споменатиот нов вид на свински грип се разликува од свинската чума. Африканската свинска чума е вирусна заразна болест на домашните и дивите свињи. Не е опасно за луѓето, односно од неа не можат да се разболат ниту луѓето ниту другите животни.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: Финализирани координациите за реализација на проектот Брз автобуски превоз (БРТ)

БРТ ќе обезбеди побрз, побезбеден, посигурен и поеколошки јавен превоз.

Град Скопје: Финализирани координациите за реализација на проектот Брз автобуски превоз (БРТ)

Градоначалникот Орце Ѓорѓиевски денеска оствари работна средба со тимот на Европската банка за обнова и развој (ЕБОР) во Македонија, предводен од директорот Фатих Туркменоглу, на која беа направени финалните координации за следните чекори во реализацијата и оптимализацијата на проектот Брз автобуски превоз (БРТ).

На средбата беше потврдена заедничката определба за успешно спроведување на проектот, кој претставува една од најзначајните инвестиции во модернизацијата на јавниот превоз во Скопје. По преземањето на мандатот, преку интензивна координација со Владата на Република Македонија, Министерството за транспорт, Министерството за финансии, ЕБОР и останатите надлежни институции, беа надминати долгогодишните пречки што го блокираа проектот и беа создадени услови за негова реализација.

БРТ ќе обезбеди побрз, побезбеден, посигурен и поеколошки јавен превоз, ќе придонесе за намалување на сообраќајниот метеж, подобрување на квалитетот на воздухот и поквалитетно секојдневие за граѓаните.

Воедно, беше нагласено дека проектот нема да се реализира на сметка на постојното булеварско зеленило. Напротив, предвидени се нови зелени површини и дополнително хортикултурно уредување, со што ќе се обезбеди помодерен, позелен и похуман урбан простор.

Проектот БРТ е дел од пошироката стратегија за модернизација на јавниот транспорт во Скопје. Паралелно се работи на воведување градски воз во соработка со Министерството за транспорт, набавка на 100 нови автобуси преку Владата и оптимализација на автобуската мрежа, со цел создавање интегриран, функционален и современ систем на урбана мобилност.

Со финализирањето на овие координации, проектот Брз автобуски превоз влегува во фаза на реализација, претставувајќи значаен чекор кон поефикасен, поодржлив и поквалитетен јавен транспорт за Скопје.

Со почит,

Град Скопје

Тагови: Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Три лица лишени од слобода за семејно насилство во изминатото деноноќие

Три лица лишени од слобода, вкупно четири пријави за семејно насилство во изминатото деноноќие

Три лица лишени од слобода за семејно насилство во изминатото деноноќие

Ноќеска (11.07.2026) во 01:20 часот во струмичко село полициски службеници од СВР Струмица лишија од слобода 49-годишен жител од тоа село. Според пријавеното тој на 10.07.2026 околу 22:30 часот во семејниот дом физички го нападнал неговиот 68-годишен татко и му нанел повреди. Лицето е задржано во Полициската станица Струмица, а за настанот е известен јавен обвинител од Основното јавно обвинителство Струмица. По документирање на случајот против него ќе биде поднесена соодветна пријава.

На 10.07.2026 во 20:40 часот полициски службеници од СВР Куманово го лишија од слобода Ч.С.(49) од кумановско затоа што физички ја нападнал неговата 33-годишна сопруга. Тој бил приведен во полициска станица и по целосно документирање на случајот против него ќе следува соодветна пријава.

На 11.07.2026 во 00:10 часот во Полициската станица Тетово, 54-годишна жена од Тетово пријави дека на 10.07.2026 околу 21:00 часот во нивниот семеен дом, по претходна расправија за пари, нејзиниот син К.В. физички ја нападнал, нанесувајќи ѝ повреди. На оштетената ѝ била укажана лекарска помош во Клиничката болница Тетово. Се преземаат мерки за пронаоѓање на сторителот и расчистување на случајот.

На 11.07.2026 во 00:20 часот, во СВР Охрид лишена од слобода е Е.В.(36) од охридско која претходно, во семејниот дом, физички ја нападнала својата мајка. По целосно документирање на настанот, против неа ќе биде поднесена соодветна пријава.

Тагови: семејно насилство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шпанските спасувачи трагаат по 23 исчезнати во пожарот кој однесе 12 жртви

Шпанските спасувачи трагаат по најмалку 23 исчезнати во големиот шумски пожар во шпанскиот регион Андалузија, во кој досега загинаа 12 лица.

Шпанските спасувачи трагаат по 23 исчезнати во пожарот кој однесе 12 жртви

Пожарот сè уште се шири поради неповолните временски услови и тешките временски услови, а досега зафати околу 4.000 хектари вегетација. Во битката со огнот, учествуваат повеќе од 500 служби за итни случаи, со поддршка на 32 авиона. Илјадници жители се евакуирани од погодените области, а повеќе од 1.400 луѓе моментално се наоѓаат во привремени засолништа првичните истраги покажуваат дека паднат далновод бил причина за пожарот. Властите стравуваат дека пожарот би можел да стане еден од најсмртоносните во Андалузија и еден од најкатастрофалните во Шпанија во последните децении.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер