Нов протест на „Пластичарска“- жителите ја блокираа улицата среде сообраќајниот шпиц: Плаќаме струја - Канал 5

Македонија

Нов протест на „Пластичарска“- жителите ја блокираа улицата среде сообраќајниот шпиц: Плаќаме струја

Жители на населбата Серава во Чаир попладнево ја блокираа Пластичарска во екот на сообраќајниот шпиц.. 

Нов протест на „Пластичарска“- жителите ја блокираа улицата среде сообраќајниот шпиц: Плаќаме струја

Три дена децата ни смрзнуваат, навечер се покриваме со јамболии и домовите ги осветлуваме со свеќи како во 19 век бидејќи ЕВН одбива да го среди дефектот со струјата што настана во неделата. Со ваква порака дел од граѓаните на Чаир, маалата познати како Серава и Дуќанџик втор ден по три часа го блокираат булеварот Никола Карев, или „Пластичарската улица“. Тие тврдат дека плаќаат струја и дека пратиле претставка до компанијата од која имаат намера да бараат и отштета бидејќи освен што немаат основни услови за живот трпат и финансиски загуби во дуќаните.

„Саатите се надвор, видете, дигитални се. Ние плаќаме струја, а сега има прекин. Не знаеме зошто. Јас сум праведен. Точно е дека нема броила надвор во Серава, дојдоа ЕВН и Директорот за да ги ставаат броилата (саатите) надвор и рековме „ставете ги надвор броилата, но не да ни доаѓа струја по 30.000“ ...Во Швајцарија е 100 евра струјата, 6000 франци платата, а во Севара, во Македонија, 400 евра плата, а 300 евра струја, како да се плати?“

„Кој не плаќа нека го исклучат, ние дуќаните сите плаќаме, зошто да не исклучуваат.“

„Ова е срамота... Мислат дека сме ги тепале или провоцирале. Тоа не е точно. Слободно нека дојдат да работат, кабли висат на сите страни имаме проблеми и од безбедносен аспект.“

Од ЕВН за Канал 5 велат дека не станува збор за намерно исклучување туку за дефект до кој дошло поради долготрајните и неконтролирани кражби на струја од страна на жителите. Од компанијата појаснуваат додека проблеми ќе има додека мрежата целосно не се реконтруира бидејќи нелегално на струја се приклучени 70 проценти од овој регион, а редовно плаќаат само 60% од оние што се легално приклучени.

„Веќе подолг период, жителите на улиците „Исмаил Кадаре” и „Кумбара” го спречуваат проектот за реконструкција на мрежата и дислокација на броилата. На екипите на компанијата постојано им се упатуваат вербални закани, со што во целост им се оневозможува функционирањето. Се додека екипите немаат пристап за реализација на проектот за реконструкција на нисконапонската мрежа, ќе биде невозможно да се санираат дефектите.“

Граѓаните што тврдат дека немаат долгови кон ЕВН велат дека нема да отстапат од барањата, и секој ден од 15.00 до 18.00 часот ќе ја блокираат „Пластичарска“, што пак создава огромен хаос низ скопските улици поради пренасочувањето на возилата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руски државјанин прегази пешаци во Франција,еден загинат, десет повредени

Едно лице загина, а десет други се повредени синоќа во францускиот град Кан, откако возач намерно со автомобил удри во пешаци пред железничката станица. 

Видео: Руски државјанин прегази пешаци во Франција,еден загинат, десет повредени

Локалните власти го потврдија инцидентот во северна Франција, пренесува Ројтерс.

„Последиците се тешки. Имаме еден загинат; седум лица се во критична состојба, а тројца се сериозно повредени, но не им е загрозен животот“, изјави за новинарите Давид Клавиер, префект на департманот Калвадос.

Префектот потврди дека возачот бил уапсен кратко по нападот. Според достапните информации, мажот е роден во Русија и претходно не им бил познат на разузнавачките служби. Мотивите на напаѓачот засега остануваат непознати.

Во тек е полициска истрага која опфаќа детална анализа на снимките од безбедносните камери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ѝ продаваат ракети на Јужна Кореја. Пјонгјанг најавува силен одговор

Северна Кореја ја осуди одлуката на САД да ѝ продадат ракети на Јужна Кореја и најави силен и итен одговор на непријателските потези на Вашингтон. 

САД ѝ продаваат ракети на Јужна Кореја. Пјонгјанг најавува силен одговор

Овие пораки беа пренесени од севернокорејската државна агенција KCNA, пренесува Ројтерс. Оваа реакција од Пјонгјанг доаѓа во момент кога американскиот претседател Доналд Трамп повторно го повикува севернокорејскиот лидер Ким Џонг Ун на средба.

Трамп претходно овој месец изјави дека Ким одговорил на неговиот предлог, но аналитичарите велат дека официјален Пјонгјанг не покажува голем интерес за продолжување на разговорите.

„Уште еднаш се уверивме во отворено непријателскиот став на САД кон ДПРК“, се вели во изјавата на портпаролот на министерството, објавена од агенцијата KCNA. ДПРК е кратенка за Демократска Народна Република Кореја, официјалното име на Северна Кореја.

Реакцијата се однесува на одлуката на Стејт департментот на САД за можна продажба на тактички ракети „AIM-9X Sidewinder“ и придружна опрема на Јужна Кореја.

Пјонгјанг ја смета оваа зделка, вредна 125 милиони долари (107,25 милиони евра), за нова закана по својата безбедност. Северна Кореја, исто така, упати критики кон планот на САД за финансирање на документирањето на состојбата со човековите права и собирањето информации за земјата.

Тие тврдат дека тоа е дел од кампања насочена кон дестабилизација на нивниот општествен систем.

Портпаролот истакна дека оваа година Вашингтон веќе одобрил продажба на различни системи за вооружување на Јужна Кореја, како што се напредни тактички ракети, поморски и борбени хеликоптери, како и прецизни бомби. Тој додаде дека со тоа САД го охрабруваат Сеул да ги зајакне своите борбени капацитети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Многу претстави и гостувања во новата театарска сезона на Битолскиот театар

Со богат и разновиден репертоар, Народен театар Битола ја отвора новата театарска сезона во септември.

Многу претстави и гостувања во новата театарска сезона на Битолскиот театар

Публиката ја очекуваат претстави што екипата на Народен театар Битола ги создаде со љубов, претстави што веќе бројните посетители ги познаваат и сакаат, но и нови сценски приказни кои допрва ќе ги откриваме заедно.

Септември носи многу театар, многу приказни и многу причини повторно да се сретнеме во Битолски театар. Оваа сезона повторно ја создаваат за нивната верна публика, без која театарот не постои. На сцената нè очекуваат „Едмонд“, „Госпоѓа Бовари“, „Странецот“, „Унна“ - гостување на Ѕвездара театар од Белград,Србија, „Ричард III“, „Пламенка“, „Пинокио“, „Жиголо“, „На отворено море“, „Кориолан“ и „Секстет“.

Септември во НУ Народен театар Битола носи нови средби, големи приказни, врвна актерска игра и претстави како и гостувања што остануваат долго по последниот аплауз. Па така на 10 септември во Битола гостува „Ѕвездара театар“ од Белград со претставата „Унна“,а на 11 септември „Едмонд“ ќе биде изведена во рамките на ФКТ „Ристо Шишков“ во Струмица. На 18. септември „Пинокио“ гостува во ТФД „Силјан Штркот“ во Прилеп, а на 25 септември е предвидено гостување со „Кориолан“ на „Magical Nights in Bitrint“ во Саранда, Албанија.

Нека започне новата театарска приказна.

Ве очекуваме во Народен театар Битола.

Билетите можете да ги набавите онлајн, на следниот линк:👇

https://narodenteatarbitola.com/buy-tickets-repertoire/

Репертоар:

„ЕДМОНД“

Дејвид Мемет

Режија: Оливер Мицевски

3 септември, 20:00 ч.

4 септември, 20:00 ч.

11 септември, 19:30 ч. – ФКТ „Ристо Шишков“, Струмица

„ГОСПОЃА БОВАРИ“

Густав Флобер

Режија: Дејан Пројковски

7 септември, 20:00 ч.

9 септември, 20:00 ч.

„СТРАНЕЦОТ“

Адаптација и режија: Дамјан Читкушев

10 септември, 18:00 ч.

„РИЧАРД III“

Вилијам Шекспир

Режија: Мартин Мирчевски

12 септември, 20:00 ч.

„ПЛАМЕНКА„

Петре Димовски

Режија: Софија Ристевска Петрушева

14 септември, 20:00 ч.

21 септември, 20:00 ч.

„ПИНОКИО“

Карло Колоди

Режија: Деан Дамјановски

15 септември, 11:00 ч.

16 септември, 11:00 ч.

18 септември, 12:00 ч.ТФД.„Силјан Штркот“ Прилеп

„ЖИГОЛО“

Игор Кузмановски

Режија: Благој Мицевски

17 септември, 20:00 ч.

„НА ОТВОРЕНО МОРЕ“

Славомир Мрожек

Режија: Благој Мицевски

22 септември, 20:00 ч.

„СЕКСТЕТ“

Марк Камолети

Режија: Марјан Георгиевски

29 септември, 20:00 ч.

30 септември, 20:00 ч.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер