Свет

Нов празник во САД, во цела земја се одбележуваше крајот на ропството

Со паради, фестивали, излети во природа и часови по историја, Американците го прославија новиот национален празник Џунтинт низ целата земја, со кој се одбележува крајот на ропството во САД.

Во четвртокот, претседателот на САД Џо Бајден го потпиша законот со кој Џунтинт (Juneteenth) беше прогласен за 11-ти федерален празник. Предлог-законот претходно беше усвоен од Претставничкиот дом на САД, со 415 гласа за и 14 против. Сенатот едногласно го усвои предлог-законот.

Празникот „Џунтинт" е комбинација од два англиски зборови, јуни и редниот број 19 (деветнаесетти) и е познат и како Ден на ослободувањето, потсетува Бета. Со него се одбележува 19 јуни 1865 година, кога војниците на Унијата ги ослободија последните робови во САД, во Галвестон, Тексас. Тоа беше две и пол години откако со Прокламација за еманципација беа ослободени робовите во јужните држави на САД.

„Џунтинт" е прв нов федерален празник од 1983 година, кога во САД беше прогласен Ден на Мартин Лутер Кинг помладиот.

Повеќето американски држави и досега го признаава 19 јуни како празник или официјално го одбележуваа тој ден. „Џунтинт" е платен празник за вработените во државните институции во девет држави, вклучувајќи ги Тексас, Њујорк, Вирџинија и Вашингтон.

„Џунтинт" стана особено важен минатата година, поради полициските убиства на Џорџ Флојд, Бријана Тејлор, Рајшард Брукс и други афро-американци, чијашто смрт предизвика демонстрации против расната нееднаквост.

Живот

Имигрант од Лаос кој се лекува од рак доби џекпот од 1,3 милијарди долари

Еден од добитниците на минатомесечниот историски џекпот на Пауербол (Powerball) од 1,3 милијарди долари е имигрант од Лаос кој боледувал од рак осум години, а минатата недела го имал последниот круг на хемотерапија.

Ченг Чарли Сифан од Портланд на прес-конференција одржана од Лотаријата во Орегон рече дека тој и неговата сопруга Дуанпен ќе ја поделат наградата подеднакво со пријателката Лаиза Чао, која дала 100 долари за да купи неколку билети со нив.

Тие ќе добијат 422 милиони долари по оданочувањето.

НБА

Видео: Лејкерси елиминиран од Денвер во првото коло на НБА плејофот

Лос Анџелес лејкерс утрово загубија од Денвер во петтиот натпревар од првото коло на НБА плеј-офот со резултат 106:108. 

Денвер ги победи Лејкерс со 4-1 во серијата и се пласираше во втората рунда од разигрувањето за шампионскиот трофеј.

Најефикасен играч на паркетот беше Џамал ​​Мареј, кој постигна 30 поени. Кај гостите од Лос Анџелес се истакна Леброн Џејмс со постигнати 30 поени и 11 асистенции.

Во четвртфиналето Денвер нагетс ќе се соочи со Минесота тимбервулвс. Ова ќе биде пресметка на второ и третопласираните екипи во основниот дел од Западната конференција.

Пласман во четвртфиналето ноќеска обезбеди и Оклахома со победата над Њу Орлеанс 97:89 (вкупно 4:0 во серијата).

Македонија

МВР: Кривична пријава против поранешен градоначалник на скопска општина

Кривична пријава против поранешен градоначалник на скопска општина за злоупотреба на службена положба.

Одделот за криминалистичка полиција спроведе предистражни дејствија за поранешен градоначалник на една скопска општина, за кој постои сомневање дека извршил кривично дело "злоупотрба на службената положба и овластување" согласно член 353 од КЗ, информираат од МВР.

- Имено, истиот на 04.08.2021 со пречекорување на границите на своето службено овластување како лице што врши работи од јавен интерес, по спроведена постапка за јавна набавка на работи - реконструкција на спортски игралишта на територија на општината и склучен договор за јавна набавка со правно лице од Скопје, во која постапка покрај за игралишта за кој бил надлежен, предвидел реконструкција и на спортско игралиште во средно училиште, иако знаел и бил свесен дека средните училишта согласно Законот за средното образование се во надлежност на Градот Скопје, стои во соопштението од МВР. На тој начин пријавениот, се вели во соопштението, го оштетил буџетот на општината за износ од 662 илјади денари, кои средства му биле исплатени на избраниот економски оператор за реконструкцијата на тоа игралиште.

притисни ентер