Македонија

Нов обид за обнова на возниот парк: Реобјавен огласот за набавка на 100 нови автобуси за Скопје

Повторно е распишана постапката за набавка на 100 автобуси за ЈСП, откако претходниот тендер за електрични автобуси беше поништен од Државната комисија за жалби по јавни набавки.

Градоначалникот на Град Скопје, Орце Ѓорѓиевски, во синоќешното гостување во „Само Интервју“ најави дека Владата ќе обезбеди 100 автобуси, додека Градот ќе набави дополнителни 40 автобуси за потребите на БРТ системот. Ѓорѓиевски очекува административните процедури и да завршат до крајот на годинава, а реализацијата на проектот да започне веќе од следната.

- За 100-те нови автобуси пропадна постапката, но денеска е повторно објавена, ме информираше министерот час и половина пред да почне интервјуто дека е реобјавена повторно постапката искрено се надевам дека овопат ќе биде успешна. Ќе го чувствувам како сериозен пораз мој ако не успеам да обезбедам дел од автобусите до крајот на оваа година, ако не зависи од мене. - Орце Ѓорѓиевски – градоначалник на град Скопје

Во однос на комуналната хигиена, Ѓорѓиевски информираше дека е завршена тендерската постапка за набавка на 40 нови камиони, меѓу кои и цистерни за миење улици, а во фаза на евалуација е набавката на околу 2.600 контејнери. Планирано е воведување на нов систем со две претоварни станици, преку кои отпадот ќе се транспортира до Дрисла, со цел побрзо собирање и поголема ефикасност на комуналните служби. За дивата депонија „Вардариште“, тој повтори дека просторот ќе биде целосно трансформиран во парк, а на терен веќе се спроведува чистење на површинскиот отпад како прва фаза од санацијата.

- Таа механизација е сериозен проблем и затоа се молам час поскоро да почне испораката на овие 40 камиони. Завршена е тендерската постапка, завршен е рокот на жалби, тече рокот за испорака. И верувам дека за скоро ќе почнат да се испорачуваат, многу порано од крајот на годинава. Ние до септември месец целосно ја затвараме темата отпад, со тоа што под одпат ја подразбирам и Дрисла каде што планираме од наредната година да се позанимаваме со тој процес. - Орце Ѓорѓиевски – градоначалник на град Скопје

Како дел од пошироките активности, Ѓорѓиевски посочи дека се спроведува ревизија на работата на претходното градско раководство. Според него, институциите веќе работат на одредени предмети поврзани со финансиското работење и доколку се утврдат неправилности, ќе следува одговорност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.