Нов апарат за дензитометрија ставен во функција на Ортопедската клиника „Мајчин дом“ - Канал 5

Здравје

Нов апарат за дензитометрија ставен во функција на Ортопедската клиника „Мајчин дом“

 Нов апарат за дензитометрија, односно мерење густина на коските, од денеска е ставен во функција на Ортопедската клиника „Мајчин дом“ во Скопје. 

Нов апарат за дензитометрија ставен во функција на Ортопедската клиника „Мајчин дом“

Проф. д-р Марта Фотева од Универзитетската клиника за ортопедски болести рече дека апаратот, кој е бил постар од 20 години, пред една година престанал да работи и со сопствени средства набавиле нов современ апарат за дензитометрија. Појасни дека секогаш за итни случаи имаат слободен термин, а за редовно снимање пациентите треба да закажат.

- Со овој нов апарат и со превентивните прегледи ќе може да се намали бројот на случаи со скршеници и ќе се направи заштеда за здравствениот систем. Се надеваме дека со Министерството за здравство ќе формираме регистар на пациенти со остеопороза за да може да ги следиме. Апаратот ќе се користи за научна апликација во рамките на Медицинскиот факултет - Скопје - истакна проф.д-р Фотева.

Директорот на Универзитетска клиника за трауматологија, ортопедски болести, анестезија, реанимација и интензивно лекување и ургентен центар (ТОАРИЛУЦ), Игор Мерџановски, рече дека направен е голем чекор со тоа што, наместо стариот, е набавен нов апарат, кој моментно е најсовремен.

Тој посочи дека во државава има 13 апарати за мерење густина на коските, а пет во Скопје.

- Многу е мал бројот на апарати кои се превенција за луѓето што имаат заболувања на коските, особено по 50-тата година. Покрај тоа што Клиниката за ТОАРИЛУЦ лекува пациенти оперативно, конзервативно, веќе влеговме и во новата фаза со превенција, каде што ќе направиме нова патека и сите овие пациенти нема да дозволиме да дојдат на оперативен стол ако превентивно ги следиме и да добиеме резултати со овој апарат. Со програмата што ја работиме со Владата, Министерството за здравство и со Фондот за здравствено осигурување таргетот ни е на собирање информации што ги имаме, ги селектираме, ги ставаме во базата, правиме патеки и креираме политика за подобрување на македонското здравство и давањео здравствени услуги - рече д-р Мерџановски.

Генералниот директор на ФЗО, Сашо Клековски, рече дека особено го радува што ортопед хирург како Мерџановски, кој работи сериозни операции, става фокус на превентивата.

Министерот за здравство Азир Алиу изјави дека секојдневно докажуваат оти сакаат да има здравствен систем што ќе превенира, а не кој само ќе лекува.

- Купен е апарат што ќе ги следи остеопорозните промени кај граѓаните, кои ќе може полесно потоа да се следат. Ние ќе продолжиме во тие пет столба, кои ни се дефинирани, а еден од нив е вложување во инфраструктура и апаратура, да се подобрат условите во сите здравствени институции и од техничка гледна точка да може да се купуваат соодветни апарати, кои ќе може да ги следат здравствените проблеми кај граѓаните. Со тоа им нудиме поквалитетен живот на граѓаните, но и од економска гледна точка Министерството за здравство и Владата ќе трошат помалку средства - посочи Алиу.

Одговарајќи на новинарско прашање, рече дека здравствениот систем бара многу инвестиции и веќе во светот пристапот е друг, односно не се купуваат апарати, туку се изнајмуваат.

- Веќе сериозно правиме анализи за да може да пристапиме кон моделот на изнајмување апарати, кое ќе биде ад хок решение на ниво на држава. Тоа значи дека може 20, 30 истовремено да се инсталираат на ниво на здравствените институции, а од друга страна, и одржувањето и следењето од техничка гледна точка на таа апаратура ќе биде полесно - додаде Алиу.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Црното Море: Ф-16 отвори оган на дрон полн со експлозиви (ВИДЕО)

Романската војска уништи дрон натоварен со експлозиви над Црното Море, во близина на гасната платформа Нептун Дип.

Драма во Црното Море: Ф-16 отвори оган на дрон полн со експлозиви (ВИДЕО)

Моментот кога романски Ф-16 собори и уништи дрон натоварен со експлозиви го сними работник од платформата Нептун Дип, кој ја сподели снимката со порталот Обсерватор.

Снимката го прикажува Ф-16 прво како минува покрај платформата, а потоа се спушта кон дронот и отвора оган. Работникот тврди дека ова е втор ваков инцидент во последните две недели, додека претходните два дрона наводно се приближиле на 50 метри од платформата.

Дронот бил забележан наутро во романската ексклузивна економска зона, на неколку стотини метри од работите за експлоатација на гас, околу 80 наутички милји источно од Констанца.

Романското Министерство за одбрана објави дека дронот бил натоварен со експлозиви.

По координација со романскиот претседател Никос Данос, донесена е одлука да се уништи со цел да се заштитат неколкуте стотици луѓе што работат на платформата и да се обезбеди критична инфраструктура.

Романските власти, преку нововоспоставен директен канал за комуникација со украинската страна, добија официјална потврда дека дронот не е од украинско потекло.

Во меѓувреме, во близина на Нептунската длабочина е пронајден втор морски дрон. Според романскиот министер за одбрана Раду Мируче, тој бил откриен од брод што се движел од пристаништето кон платформата, а првичните информации укажуваат дека и тој ќе биде уништен од романската војска.

Тагови: дрон Црното Море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Што сними НАСА на Марс?

НАСА отсекогаш тврдела дека не постојат сигурни докази за вонземски живот, но неодамна повторно објавената фотографија од Марс повторно разгори шпекулации.

Што сними НАСА на Марс?

Фотографијата е направена од роверот Curiosity во 2024 година. На неа се гледа карпест рид, далечни врвови и мистериозен црн објект кој изгледа како да лебди над хоризонтот на Марс.

Кјуриозити 14 години истражува дали Марс некогаш можел да поддржува микробиолошки живот. Сепак, токму оваа необјаснета форма на небото привлече внимание откако корисникот на X Кари Сиверцен повторно го објави во средата.

Објавата брзо поттикна теории дека објектот може да биде доказ за вонземска активност на Црвената планета.

Меѓутоа, една рамка не дава докази дека се работи за авион, па дури и за физички објект. Не можеше ниту хеликоптерот Ингенуити на НАСА, кој тогаш не беше во функција на околу 3.700 километри, во кратерот Џезеро.

Повеќе прозаични објаснувања вклучуваат прашина, артефакт на камерата или космички зрак што удира во сензорот на роверот.

Сликата е направена во кратерот Гејл, на долните падини на планината Шарп. Роверот минувал по карпест терен во близина на гребенот Гедиз Валис, древна формација како канал за која научниците веруваат дека била обликувана од вода, лизгање на земјиштето или и двете. Curiosity се движеше југозападно кон гребенот кога фотографијата беше направена на 10 април 2024 година.

На посебна фотографија на Curiosity од овој месец, во далечината е забележан уште еден чуден предмет, кој некои го споредуваат со суштество или механички уред како медуза.

НАСА и Белата куќа продолжуваат да инсистираат дека никогаш не се пронајдени знаци на интелигентен живот.

Тагови: марс НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдињо слета во Италија за да го заврши спектакуларниот трансфер (ВИДЕО)

Поранешната фудбалска ѕвезда на Барселона и Милан, Роналдињо, пристигна во италијанскиот регион Ромања. 

Роналдињо слета во Италија за да го заврши спектакуларниот трансфер (ВИДЕО)

Тој слета со приватен лет од Милано во 11:50 часот на аеродромот Ридолфи во Форли, а потоа се упати кон Равена со својот тим, пишува goal.com. На аеродромот го пречекаа претставници на клубот и околу триесет навивачи. Бразилецот накратко застана за да се фотографира со публиката и да даде автограми.

Презентација на плажа пред илјадници луѓе

Официјалното претставување на Роналдињо како нов играч на Равена ќе се одржи вечерва во Марина ди Равена. Настанот е најавен за периодот од 20:30 до 22:00 часот на плажата во близина на јужниот бранобран, а организаторите очекуваат помеѓу пет и шест илјади посетители. Роналдињо ќе остане во Ромања утре, кога е закажано да го посети клубот Спејс во Ричионе.

Гол: Последен гол во кариерата

Клубот го објави доаѓањето на бразилската ѕвезда на 23 јуни, заедно со порака за амбициите на проектот. „Роналдињо потпишува за Равена и станува играч на клубот Равена ФК од Чипријани. Ова е еден од најзначајните трансфери во историјата на клубот и момент што ќе ја стави Равена во фокусот на светскиот фудбал.

Овој трансфер е повеќе од симболичен; Роналдињо си постави јасна цел - сака да го постигне својот последен професионален гол во дресот на Равена. Ова ќе додаде многу лично поглавје во една од најпознатите кариери во фудбалската историја. Неговото доаѓање испраќа јасна порака: Равена гради сериозен проект, а италијанската фудбалска култура добива нова основа. Така започнува најфасцинантното поглавје во историјата на клубот, а тоа е само почетокот.“

Роналдињо стана ко-сопственик на клубот

Односот на Роналдињо со Равена нема да биде ограничен само на враќање на теренот. Легендарниот Бразилец ќе стане и ко-сопственик на италијанскиот тим од третата лига, потврди претседателот на клубот Игнацио Чипријани. Точниот процент од уделот што ќе му припаѓа на 46-годишниот освојувач на Златната топка сè уште не е објавен.

Италијанските медиуми објавуваат дека Роналдињо влегува во клубот како полноправен партнер, а не само како амбасадор или лице на проектот. Од 2024 година, Равена е под контрола на Чипријани и инвестицискиот фонд „Блек Дак“, кои имаат големи амбиции со клубот.

Доаѓањето на Роналдињо веќе донесе огромно меѓународно внимание кон Равена, а Чипријани сака да го искористи својот глобален статус за понатамошен развој на клубот и брендот. Равена се натпреварува во Серија Ц оваа сезона, додека Чипријани јавно зборува за долгорочната цел да стигне до Серија А, а плановите вклучуваат модернизација на инфраструктурата и нов стадион.

Тагови: Роналдињо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер