Норвешкиот принц: Веридбата на сестра ми со бисексуален шаман е проблем - Канал 5

Живот

Норвешкиот принц: Веридбата на сестра ми со бисексуален шаман е проблем

Норвешкиот принц Хакон зборуваше за губењето на кралската титула на неговата сестра, принцезата Марта Луиз, признавајќи дека оваа тема е „тешка“.

Норвешкиот принц: Веридбата на сестра ми со бисексуален шаман е проблем

Норвешкиот престолонаследник изјави за локалниот печат дека се чувствува „одговорен“ за иднината на норвешката монархија, пишува „Дејли мејл“, откако се шпекулирало дека кризните состаноци на кралското семејство околу тоа што да се прави со Марта Луиз, траат со недели.

Осврнувајќи се на јунската свршувачка на неговата сестра со бисексуалниот гуру Дурек Верет, попознат како Шаман Дурек, Хакон рече дека му се допаѓа на „лично ниво“, но призна дека некои од ставовите на духовниот гуру предизвикале контроверзии.

За време на вчерашното обраќање пред новинарите, Хакон рече дека би сакал „да му посака добредојде на Дурек во семејството“ и додаде дека неколку пати се сретнал со шаманот. Тој откри дека морал да ја разгледа ситуацијата од перспектива на престолонаследник, велејќи дека „се чувствува многу одговорен за институцијата“.

Тој продолжил да разговара за контроверзните коментари што Дурек ги дава низ годините, вклучително и тврдењето дека „децата добиваат рак затоа што се несреќни“, и тоа во родната земја на неговата вереница.

- Секако дека забележавме дека дел од кажаното и направеното предизвика многу дискусија. Некои од нив беа и контроверзни - изјави Хакон. Принцот додаде дека норвешкото кралско семејство работи на тоа како да се справи со овие проблеми за да продолжи напред.

Норвешките медиуми велат дека контроверзните коментари само ќе „долеат масло на огнот“ откако започнаа шпекулациите дека кралот Харалд може да ѝ ја одземе титулата на својата ќерка. Според норвешкото издание Se og Hør, кризни состаноци за ова прашање меѓу кралот и неговите две деца постојано се одржуваат.

За потсетување, норвешката кралска куќа уште во 2019 година објави дека Марта Луиз во договор со семејството одлучила повеќе да не ја користи титулата принцеза во комерцијален контекст. Палатата соопшти дека принцезата може да продолжи да ја користи титулата кога ја претставува кралската куќа, како и во приватни контексти. Исто така, Марта Луиз се откажа од користењето на титулата „Нејзиното кралско височество“ уште во 2002 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер