Норвешка ќе стане уште една земја без пушачи на цигари, ги заменуваат со алтернатива - Канал 5

Здравје

Норвешка ќе стане уште една земја без пушачи на цигари, ги заменуваат со алтернатива

Следејќи ја Шведска, Норвешка е на пат да постигне статус без чад, со широко распространета алтернатива на цигарите - орални никотински производи, според најновиот Извештај за намалување на штети од тутун во светот (GSTHR)*.

Норвешка ќе стане уште една земја без пушачи на цигари, ги заменуваат со алтернатива

Според дефиницијата на Светската здравствена организација, една земја добива статус на „земја без чад“ кога стапката на пушење кај возрасните е под 5 проценти.

Оваа промена, поттикната од тоа што пушачите се свртуваат кон помалку ризични форми на употреба на никотин, ќе ги намали штетите поврзани со пушењето, смета GSTHR.

Пушењето има значително влијание врз животот и здравјето на населението во Норвешка. Во 2015 година, истражувачите откриле дека една од пет предвремени смртни случаи кај Норвежаните на возраст под 70 години била предизвикана од пушење, а во 2021 година, студијата покажала дека повеќе од 8 од 10 случаи на рак на белите дробови кај Норвежанките можеле да се избегнат доколку не биле пушачи.

Во извештајот се наведува дека Норвешка со Законот за тутун од 1975 година презела мерки за намалување на пушењето пред многу други земји и е меѓу првите пет во Европа во однос на строгоста на мерките за контрола на тутунот.

-Иако пушењето е во опаѓање во Норвешка, во последните две децении бевме сведоци на значително забрзување на падот на бројот на пушачи, што се совпадна со зголемување на употребата на оралниот тутунски производ снус. Во споредба со пушењето тутун, snus нуди многу побезбеден начин за консумирање никотин, велат од организацијата.

Според официјалната статистика од 2005 година:

• 25% од Норвежаните на возраст од 16 до 74 години пушеле дневно

• Кај младите на возраст од 16 до 24 години, тој процент бил 24%

• 5% од Норвежаните на возраст од 16 до 74 години користеле снус дневно

До 2023 година:

• Дневната стапка на пушење падна на 7%

• Само 3% од пушачите меѓу оние на возраст од 16 до 24 години

• Употребата на орални никотински производи е зголемена на 16% кај жителите на возраст од 16 до 74 години

• Повеќе од двојно повеќе луѓе сега користат орални никотински производи во споредба со цигарите (16% наспроти 7%).

Оралните никотински производи како снус и никотинските кеси се сметаат за остварлива опција за оние кои сакаат да се откажат од пушењето, бидејќи тие доставуваат слична количина на никотин како во цигарите.

-Длабоките промени во потрошувачката на никотин во Норвешка покажуваат дека статусот на соседна Шведска без чад можеби не е единствен. Стапката на пушење во Норвешка исто така е намалена поради широката замена на смртоносните запаливи цигари со многу помалку штетна алтернатива. Во двете земји тоа се случи без официјално одобрение од владата. Потрошувачите самите го прифатија намалувањето - а податоците зборуваат сами за себе. Замислете што би можело да постигне интегрирана стратегија за намалување на штетите од пушењето - изјави Дејвид Мекинтош, директор на британската агенција за јавно здравје KAC (Knowledge Action Change), која го води проектот за намалување на штетите од пушењето во глобални рамки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: До 30 септември училишен прибор по пониски цени од 10 до 15%

До 30 септември училишен прибор по пониски цени од 10 до 15%,Владата трета година по ред со училишна кошничка на почеток на учебната година

ВМРО-ДПМНЕ: До 30 септември училишен прибор по пониски цени од 10 до 15%

Со почетокот на новата учебна година, Владата предводена од ВМРО-ДПМНЕ донесе одлука за намалување на цените на училишниот прибор. Мерката ќе трае заклучно со 30 септември годинава.

Трговците на големо се задолжуваат да ги намалат цените за најмалку 10%, додека трговците на мало за најмалку 15%. Оваа мерка опфаќа широк спектар производи неопходни за учениците како ранци и ташни, тетратки, блокови, колажи, моливи и пенкала, боици, пластелин, теста за моделирање, фломастери, линијари и дидактички материјали.

Ова е трета година по ред како Владата предводена од ВМРО-ДПМНЕ, воведува училишна кошничка пред почетокот на учебната година, со цел да им го олесни месец септември на родителите, да ги заштеди семејните буџети и да го заштити животниот стандард на граѓаните. Заштедата е од особено значење за семејствата со повеќе од едно дете.

Со оваа мерка, целта е родителите да им го обезбедат потребниот училишен прибор по пониски и попристапни цени, а септември да биде момент на радост и подготовка за новата учебна година.

Со вакви конкретни мерки, Владата предводена од ВМРО-ДПМНЕ продолжува со политики кои носат директна корист за граѓаните и придонесуваат кон заштита на животниот стандард.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Леао во Галатасарај?

Клубовите постигнаа договор за висината на трансферот .

Леао во Галатасарај?

Италијанскиот фудбалски великан Милан и турскиот гигант Галатасарај постигнаа усмен договор за условите за трансфер на португалскиот крилен напаѓач Рафаел Леао во турскиот клуб.

Се очекува договорот да изнесува 45 милиони евра, плус дополнителни бонуси со кои би се зголемила вкупната вредност.

Преговорите продолжуваат денес. Конечната одлука зависи и од самиот играч. Интерес за него покажува и Астон Вила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руски државјанин прегази пешаци во Франција,еден загинат, десет повредени

Едно лице загина, а десет други се повредени синоќа во францускиот град Кан, откако возач намерно со автомобил удри во пешаци пред железничката станица. 

Видео: Руски државјанин прегази пешаци во Франција,еден загинат, десет повредени

Локалните власти го потврдија инцидентот во северна Франција, пренесува Ројтерс.

„Последиците се тешки. Имаме еден загинат; седум лица се во критична состојба, а тројца се сериозно повредени, но не им е загрозен животот“, изјави за новинарите Давид Клавиер, префект на департманот Калвадос.

Префектот потврди дека возачот бил уапсен кратко по нападот. Според достапните информации, мажот е роден во Русија и претходно не им бил познат на разузнавачките служби. Мотивите на напаѓачот засега остануваат непознати.

Во тек е полициска истрага која опфаќа детална анализа на снимките од безбедносните камери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер