Една година после промените кои ги донесоа граѓаните, Дебрца бележи значаен развој во повеќе области, со реализација на бројни инфраструктурни проекти, инвестиции во комуналната инфраструктура, поддршка за семејствата, младите, земјоделците и локалната економија.

Проекти се реализираат, се вложува, се гради, се инвестира, ветеното пред граѓаните се исполнува. Во таа насока, особено значајна е инвестицијата од 6 милиони евра во село Мешеишта, каде што во изградба е фабрика за производство на еластични огради, која ќе донесе нови работни места и дополнителен економски развој за општина Дебрца.

Во изминатиот период целосно реализирани или започнати се бројни инфраструктурни проекти во населените места низ Дебрца. Во Оровник започна реконструкцијата на главната улица со ново осветлување и тротоари, инвестиција вредна 11,5 милиони денари, додека во Мешеишта се реализирани повеќе улици, партерно се уредува сретселото, а започната е и реконструкцијата на патот Мешеишта – Волино, вредна 15,5 милиони денари.

Во Волино е завршена реконструкцијата на Домот на културата, инвестиција од 6,5 милиони денари, а асфалтиран е и патот до црквата „Св. Петка“, со ново осветлување и пешачка инфраструктура.

Инвестиции во патната инфраструктура се реализирани и во Злести, Ботун, Лешани, Издеглавје, Долно Средорече, Годивје, Лактиње и други населени места, а особено значајни се средствата издвоени за патните правци до манастирите и црквите, како и санацијата на пристапните патишта до спомениците од историско значење.

Паралелно со инфраструктурните проекти, се работи и на долгорочно решавање на проблемите со водоснабдувањето и наводнувањето, при што во изградба е нова каптажа во месноста Опчели – Караорман, со која треба да се обезбедат дополнителни количини квалитетна вода за шест населени места, во Лешани се подготвуваат решенија за нова пумпна станица, додека во повеќе населени места се градат и бетонски канали за наводнување.

Значајни инвестиции има и во противпожарната заштита и комуналните услуги. Во Белчишта се гради гаража и противпожарна станица за доброволното противпожарно друштво „Ентузијаст“, вредна 2,4 милиони денари, ЈКП „Дебрца“ е опремено со нова механизација и возила, меѓу кои камион за смет дониран од град Виена, ново комунално возило, Volkswagen Transporter, специјална машина за чистење канализации, обезбедени се и 480 нови канти за отпад и нови униформи за вработените.

Особено внимание е посветено и на социјалните мерки, по што воведена е субвенција од 20.000 денари за полагање возачки испит за жителите до 21 година, поддршка за локалните продавници, мерки за поддршка на наталитетот, помош за младите брачни парови, како и финансиска помош за семејства погодени од елементарни непогоди и за лекување.

Во образованието, за првпат се обезбедени бесплатни училишни униформи за сите ученици, за првачињата се обезбедени по 10.000 денари и целосно опремени ранци, воведени се стипендии, награди, бесплатни екскурзии и поддршка за учество на натпревари, а општината вложува и во зачувувањето на културното и историското наследство, при што уредени се споменици од НОБ, пристапни патишта до повеќе значајни локалитети, а во Требеништа е започната реализацијата на проектот „Златна маска“.

Реализираните и започнатите проекти се доказ дека инвестициите во инфраструктурата, економијата, комуналните услуги, образованието и социјалната заштита се одвиваат паралелно, со цел подобрување на условите за живот во сите населени места во Дебрца.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На секој граѓанин и на секој образован човек му се превртува во утробата кога ги гледа и слуша секојдневните меѓусебни пресметки. Либерално-демократската партија (ЛДП) изразува длабоко огорчување и најостар протест против тоталната деградација на јавниот говор и политичката дебата во нашата земја.

Кога еден лидер на помала партија почна да го користи овој ужасен речник, наместо сите да го осудат и изолираат, сега и “главните партии” почнаа да го практикуваат. Јавниот простор е преплавен со навреди, каде што нормалниот разговор е заменет со токсични квалификации и епитети како „лажго“, „арамија“, „мекотел“, „безрбетен“, „квинслинг“, „душман“, „предавник“, „крвник“, „измеќар“, „пион“, „вазал“, „анароден“, „профитер“, „рекетар“, „клептоман“, „талог“ и „идиот“.

Како дното да нема крај. Ваквите кафански муабети можат само да ја уништат државата, а не да ја направат развиена. Наместо понуда на идеи, економски развој, реформи во образованието и подобрување на животниот стандард, граѓаните се принудени секојдневно да бидат сведоци на најнизок примитивизам.

Затоа, ЛДП бара “главните партии” веднаш да им ги вратат парите на граѓаните, односно сите четири милиони евра што се земаат за финансирање на политичките партии. Граѓаните не можат да врзат крај со крај па уште мора да одвојуваат од својот џеб за “главните партии” да ги користат тие средства за ширење омраза и меѓусебно понижување. Бараме итно враќање на достоинството на политиката. Ова не е Македонија каква што ја сакаат нејзините граѓани — Македонија заслужува култура на дијалог како што не учеа родителите, меѓусебна почит и одговорност пред народот.

Не во наше име! Од ЛДП никогаш нема да видите ваков примитивизам. Упатуваме отворен апел до сите граѓани, интелектуалци и општествени чинители: Заедно да ги осудиме, заедно да ги спречиме!

Со почит,

Либерално-демократска партија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Екипажот поминал часови во сплав за спасување пред да ги пронајде контејнерски брод. Џема и Џереми Купер, Тери Хедерингтон и Мартин Џафр пловеле на јахтата Таи Там во оддалечен дел од океанот, 250 наутички милји од островот Норфолк, кога биле изненадени од силен удар што го соборил бродот настрана, објавува „The Telegraph“.

Џема Купер, Австралијанка, рекла дека силата на ударот ја соборила од кормилото. Кога погледнала кон морето, видела група китови кашал.

ALERT: Sperm whale pod smashed into the side of a yacht and forced the sailors to abandon ship.

The crew of a 52-foot Tai Tam was sailing in the Pacific Ocean when a rarely seen pod of sperm whales thrashed through its side.

The hit tore a massive hole in the boat's side, and… pic.twitter.com/UO6iQG3l0x

— E X X ➠A L E R T S (@ExxAlerts) October 1, 2026

„Погледнавме лево и видовме група од шест до осум китови. Тогаш стана јасно што се случило“, вели таа. Таа исто така рекла дека животните биле долги колку самиот брод.

Џереми Купер спиел под палубата во времето на ударот, но ударот го разбудил. „Веднаш беше јасно дека ситуацијата е критична“, изјави тој. „Целата опрема за управување од десната страна беше уништена и голема количина вода влегуваше во бродот.“

Половина час подоцна, околу 13 часот по новозеландско време, екипажот активирал сигнал за помош. Додека ги чекале спасувачите, тие се обидувале да ја извадат водата од јахтата. „Направивме повик за опасност“, додаде Тери Хедерингтон од Нов Зеланд.

Пукање на трупот и навлегување на вода

Додека авионот „P-8A Poseidon“ на воздухопловните сили на Нов Зеланд ги барал, состојбата на јахтата се влошила. Мартин Џафр, столар од Франција, открива дека китот го пробил трупот на неколку места и дека фибергласот пукнал. Кормилото исто така било уништено, па управувањето со бродот станало невозможно.

#Gravitas | Crew rescued after sperm whale sinks yacht in South Pacific

Four sailors spent 17 hours on a life raft after a sperm whale crashed into and sank their 52-foot yacht in the remote South Pacific@MollyGambhir has more pic.twitter.com/SpQ7gpO2aB

— WION (@WIONews) October 2, 2026

Џафр се обидел да го спречи навлегувањето на водата со полиуретанска пена и други материјали. Тој нурнал за да го провери трупот, додека другите рачно ја испумпуваале водата за да не се поплави моторот. Околу полноќ ја напуштиле јахтата и го спуштиле сплавот за спасување во мирното море под полната месечина. Го пресекле јажето што ги поврзуваше со бродот од страв дека ќе ги повлече надолу додека тоне.

„Седевме на сплавот и го гледавме бродот како тоне на околу стотина метри од нас. Воопшто не беше пријатен момент“, изјави Купер за „Најн њуз“.

По 18 часа неизвесност, тие беа спасени од контејнерскиот брод „MV Sofrana Surville“, долг 143 метри, кој стигнал до нив следниот ден наутро во 6 часот. Членовите на екипажот се искачиле по скалите, пиеле кафе и разговарале со капетанот, рече Купер.

Снимките од војската на Нов Зеланд ги забележаа моментите од спасувањето. И покрај сè, Купер заклучи со позитивна нота: „Беше прекрасно искуство со ужасен крај, но за среќа, никој не беше повреден“.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.