Нисан потврди: Пристигнува новиот GT-R (ФОТО) - Канал 5

Автомобилизам

Нисан потврди: Пристигнува новиот GT-R (ФОТО)

Nissan GT-R, икона на јапонските спортски автомобили со наследство кое трае речиси 60 години, треба да добие наследник.

Нисан потврди: Пристигнува новиот GT-R (ФОТО)

Омилената генерација R35 се пензионира во 2024 година по импресивни 17 години производство, со две специјални изданија што го означуваа нејзиниот крај. Но, тоа не значи крај на легендарното име GT-R.

Потврда од врвот на компанијата

Во интервју во седиштето на Нисан во Јокохама, извршниот директор Иван Еспиноза потврди дека новиот GT-R е веќе во развој. Иако не откри конкретни детали, Еспиноза нагласи дека GT-R останува клучен симбол на брендот што ќе живее во иднина. „Да, ќе работиме - всушност, веќе работиме - на нов GT-R. Не можам да откријам многу детали денес, но GT-R доаѓа, и доаѓа со кредибилитетот и педигрето што отсекогаш го имал. Тој е икона не само за нашата компанија, туку и за целата автомобилска индустрија. Тоа е доказ за техничката моќ на тимот Акаши-сан“, рече тој.

Перформансите остануваат приоритет

Ова не е прв пат некој од врвот на Nissan да го потврди пристигнувањето на новиот R36 GT-R, но е прв пат потврдата да дојде директно од извршниот директор. Минатиот април на Саемот за автомобили во Њујорк, раководителот на Nissan за планирање производи за САД, Понц Пандикутира, рече дека GT-R „без сомнение“ ќе се врати во понудата.

И Еспиноза и Пандикутира нагласуваат дека следниот GT-R мора да остане вистински спортски автомобил со високи перформанси. Извесен степен на хибридизација е веројатен, како и кај многу модерни спортски автомобили, но ако првите гласини се нешто што треба да се земе предвид, R36 треба да го оправда своето познато име.

Во план се и други спортски модели?

Интересно е што GT-R можеби не е единствениот спортски модел во идните планови на компанијата. Долго време се шпекулира за попристапен спортски автомобил позициониран под сегашниот Z модел, отворајќи ја можноста за оживување на името Силвија.

Еспиноза навести дека би сакал да види автомобил како Силвија, иако ништо не е официјално потврдено. „Спортските автомобили се во сржта на тоа кои сме ние како компанија. Ги произведуваме со генерации и има повеќе познати имиња што би можеле да ги користиме.

Еден дел од мене би сакал да го направи тоа многу брзо, но другиот ми кажува дека во овој момент мора да бидеме внимателни и да одиме чекор по чекор. Но, сигурно е дека во иднина ќе видиме повеќе спортски автомобили во нашата понуда“, ја заврши презентацијата на најдобар можен начин.

Тагови: Нисан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер