Македонија

Николовски: Да ја празнуваме победата на животот и вербата во праведното

Христовото саможртвување да ни биде водилка за човековите вредности кои ги споделуваме.

Почитувани православни верници, драги сограѓани,

Нека е за многу години големиот христијански празник Воскресение христово - Велигден.

Посакувам возвишеноста на овој ден да донесе благословени празнични денови, среќа и спокој за секој верник, за вас и вашите семејства.

Нека овој голем христијански празник ги исполни вашите срца и вашите домови со добрина и љубов.

Христовото саможртвување да ни биде водилка за човековите вредности кои ги споделуваме.

Да ја славиме победата на животот, победата на вербата и победата на доброто, на праведното.

Затоа што Велигден е олицетворение на новите почетоци, на надежта, но и на правичноста и солидарноста.

Ви посакувам добро здравје и духовна сила. Да ја шириме таа добрина, и надеж на Воскресението христово.

Христос Воскресе – навистина Воскресе!

Честит Велигден!

Свет

Сите спортски настани во Иран се откажани поради смртта на претседателот на земјата

Иранските власти одлучија да ги откажат сите спортски настани во земјата поради смртта на претседателот на земјата Ебрахим Раиси, пренесе агенцијата ИРНА.

Раиси загина во хеликоптерска несреќа. Инцидентот се случи вчера попладне.

Заедно со шефот на државата, во хеликоптерот се наоѓале и иранскиот министер за надворешни работи Хосеин Амир Абдолахиан и други членови на делегацијата. Меѓу нив се имамот на Табриз Мохамад Али ал-Хашем, шефот на провинцијата Источен Азербејџан Малек Рахмати, екипаж на хеликоптер и еден телохранител.

Свет

Ирачкиот премиер изрази сочувство до иранскиот народ

Ирачкиот премиер Шија ал-Судани изрази солидарност со иранскиот народ по смртта на Ебрахим Раиси.

„Со длабока тага и жалост ја примивме трагичната вест за смртта на претседателот на Исламската Република Иран, Ебрахим Раиси, министерот за надворешни работи, Хосеин Амир Абдолахиан и нивните придружници, како последица на несреќа во северен Иран“, наведе Ал Судани.

„Изразуваме искрено сочувство до врховниот лидер на Исламската Република Али Хамнеи и до нацијата на Иран, нејзината влада и народ. Ја изразуваме нашата солидарност со братскиот ирански народ и со претставниците на Исламската Република за време на оваа болна трагедија“, додаде ирачкиот премиер.

Свет

Мадуро изрази сочувство до Иран за „безусловниот пријател“ Раиси

Венецуелскиот претседател Николас Мадуро изрази сочувство до Иран и неговиот врховен лидер Али Хамнеи, велејќи дека Ебрахим Раиси е „безусловен пријател“ на Венецуела.

„Топла прегратка од Боливарската Република Венецуела. Ти, Иран, си пример за достоинство, морал и отпор“, напиша Мадуро во објавата на социјалните мрежи.

притисни ентер