Македонија

Николоски: Проблемот со транспортерите е сериозен, ризикот за македонската економија е огромен, бараме ЕУ да ги ревидира правилата

Една година алармираме за проблемот со транспортерите и со електронската евиденција во ЕУ и требаше состојбата да ескалира за да предизвика внимание.

Се работи за огромен економски проблем, кој може целосно да ги колабира македонската и регионалната економија. Иако имав жестока размена на аргументи со надлежните во рамки на ЕУ директно во Брисел, за жал, не наидов на разбирање, вели вицепремиерот и министер за транспорт Александар Николоски во однос на новите правила за влез во земјите од шенген зоната за професионалните возачи.

Тој истакна дека проблемот е многу сериозен од причина што, како што вели, ова ќе влијае врз работата на транспортниот сектор во целиот регион, дополнително на извозно ориентираните компании. Засега, нагласува Николовски, решение нема, а Владата целесно ги разбира транспортерите и најавените блокади на граничните прмини кон шенген-земјите.

- Од понеделник ќе има протест, кој предвидено е да трае седум дена на граничните премини што одат кон шенген-зоната, на превозниците на Македонија, Косово, Србија, Црна Гора и БиХ. Се работи за огромен економски проблем што може целосно да ги колабира македонската и регионалната економија бидејќи нашите економии се мали и главно се ориентирани кон извоз. Целокупното производство на компаниите што прозиведуваат во ТИРЗ, во кои работат најголем дел од луѓето во Македонија и кои носат најголем девизен прилив - стопроцентен извоз, повеќето од домашните компании што се извозно ориентирани и ако не може да извезат, тоагаш запира и економската активност, а од друга страна, ако превозот поскапи за 3 до 5 проценти, тогаш стануваат неконкурентни на европскиот пазар - рече вицепремиерот Николоски во интервју за Радио Лидер.

Иако во континуитет има разговори со претставниците на ЕУ, засега тие остануваат на ставот за употреба на новите правила за влез и за транспортерите.

- Јас во декември имав жестока размена на аргументи со надлежните во рамките на ЕУ, директно во Брисел, за жал, не наидов на разбирање и овие радикални мерки се единствен начин да се привлече внимение. Јас и Владата имаме целосно разбирање за македонските транспортери, го разбираме нивниот револт, ги подржуваме нивните барања и навистина треба да се реши овој проблем преку одложување на електорнскиот систем за професионалните возачи или да се изнајде начин како да добиваат работни визи, тоа треба да го реши ЕУ. Мислам дека не им е јасно во ЕУ што значи ова за земјите од Западен Балкан, се работи за класична бирократија, за целосна игнорантност и непосветување на внимение на проблемот - истакна Николоски.

Како што информира Министерството за транспорт, тој како пример навел дека е голема веројатноста за зголемување на цената на превозот за 5 проценти, со што домашните производи ќе станат неконкуретни на европскиот пазар.

- Сите стопански комори од регионот веќе цела година реагираат. Не е едноставно решението. На пример, компанија од Македoнија што извезува во Германија, ако ангажира германска компанија, тогаш превозот е од 3 до 5 проценти поскап. Доколку превозот е до 5 проценти поскап, тогаш прозиводите во Македонија и регионот ќе станат неконкуретни и тогаш можно е компаниите да си заминат од Македонија. Една компанија со која разговарав, а нема да ја именувам, најавува загуби од 1,5 милион евра неделно. Сега со овие услови транспортниот бизнис ќе остане целосно неисплатлив од причина што за 50 проценти ќе се намали времето што возачите ќе може да го минуваат во рамките на ЕУ - додаде вицепремиерот Николоски.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новиот изглед на Били Ајлиш ги збуни фановите: Изгледа како друга личност (ФОТО)

Били Ајлиш во последните месеци се појавуваше поретко во јавноста бидејќи работи на филмската адаптација на романот „Стаклено ѕвоно“.

Добитничката на десет Греми награди и два Оскари претходно привлече внимание со фотографии од снимањето, на кои покажа голема промена во изгледот за улогата. Сега новите фотографии повторно ја разгореа дебатата на социјалните мрежи, а некои гледачи почнаа да ја споредуваат со познати актерки.

Нов изглед во кампањата за накит

Пејачката и нејзиниот брат Финеас О'Конел оваа недела претставија нова колекција накит создадена во соработка со брендот Џон Харди. Кампањата е придружена со фотографии на кои Били изгледа многу поинаку отколку што е навикната публиката, а дел од материјалот од снимањето го сподели на социјалните мрежи нивната мајка Меги Берд.

„Воопшто не личиш на себе“

Промената во изгледот на 24-годишната пејачка не остана незабележана. На платформата X, некои корисници коментираа дека нејзиниот нов изглед ги потсетува на Емили Блант. „Што се случи со неа? Сега личи на Емили Блант“, напиша еден корисник.

Други го привлекоа вниманието на нејзиниот поедноставен изглед, кој го опишаа како естетика на „чиста девојка“. „Изгледа како сосема поинаква личност, мојот мозок не може да го процесира тоа“, напиша еден обожавател. „Што по ѓаволите, воопшто не личи на себе“, додаде друг.

@billieeilishtrs @johnhardy What happened to her ? She looks like Emily Blunt now
— NSL (@NSL_M10) October 22, 2026

Растење или само различен стил?

Дебатата се прошири на Reddit, каде што корисниците се обидоа да објаснат зошто Ајлиш сега изгледа толку поинаку. Некои од нив веруваат дека тоа е сосема природна промена во изгледот за време на растењето. Пејачката стана светски позната како тинејџерка, па денес, во средината на дваесеттите години, нејзиниот изглед е очекувано различен отколку на почетокот на нејзината кариера.

„Човече, изгуби го тоа бебешко сало од лицето“, напиша еден корисник.

Други заклучија дека нејзината шминка направила најголема разлика. Со години, Ајлиш беше препознатлива по нејзините нагласени очи и карактеристична шминка, додека на новите фотографии има многу посуптилен изглед.

Покрај Емили Блант, корисниците на социјалните мрежи ја споредуваа и со Ема Стоун и Сара Полсон.

Тагови: Били Ајлиш

Свет

Маж среде бел ден киднапира девојче пред безнинска, ја зграпчи за врат- драма во Флорида (ВИДЕО)

Неидентификуван маж бил снимен на надзорна камера како се обидува да киднапира 13-годишно девојче пред бензинска пумпа „Шел“ во Флорида, откако ја зграпчил за вратот, соопшти полицијата.

Кратко по инцидентот во градот Мирамар, на 32 километри од Мајами, властите го именуваа осомничениот како Мајкл Поланко, 32, објави „Дејли меил“.

На вознемирувачката снимка се гледа маж со кацига за велосипед, беж маица и темни шорцеви како се приближува кон девојчето.

Потоа тој покажал во правец на нешто што изгледало како скутер на паркингот, потоа ја обвил раката околу нејзиниот врат и ја одвел во друг дел од областа.

Сепак, девојчето успеало да се ослободи. Не е познато дали е повредена, а мажот веднаш избегал од местото на настанот, соопшти полицијата.

Сведок кој работел во блиска автосервис изјавил дека видел маж како го зграпчува девојчето, кое изгледало како да ќе заплаче.

Таа втрчала во продавница на бензинската пумпа и се јавила на 911 откако сведокот му се развикал на мажот, се вели во извештајот.

Други сведоци ѝ кажале на полицијата дека го слушнале мажот како дава вознемирувачки коментари.

„Девојката рекла дека осомничената ја замолила да го бакне неколку“, според аудио-снимка од разговорот со диспечер, објавена од WSVN.

„Детето се борело, успеало да се ослободи, втрчало во продавницата на бензинската пумпа, врескало најсилно што можело и го привлечело вниманието кон она што се случувало, што им овозможило на луѓето да повикаат помош“, рече началникот на полицијата во Мирамар, Делрих Мос.

„Не знам зошто дошол тука, но ни е мило што бил уапсен пред да може да направи нешто позлобно“, додаде тој.

Полицијата брзо го уапсила осомничениот, откако добила дојава за маж што одговара на описот, а кој бил вмешан во друг инцидент во областа.

Полициските службеници го лоцирале осомничениот и го уапсиле откако сведок и девојчето позитивно го идентификувале, се вели во соопштението.

Тој се соочува со повеќе обвиненија, вклучувајќи напад, телесна повреда и киднапирање, или нанесување телесни повреди или заплашување на жртва.

Судијата во вторникот ја одбила кауцијата за време на судското рочиште. Локалната полициска станица вели дека Поланко има историја на претходни правни проблеми.

Тагови: девојче флорида

Бизарно

Двајца мажи загинаа во бизарен ритуал- се удавија поради парче земја (ВИДЕО)

Се претпоставува дека спорот за земјиште е за тоа кој е сопственик на одредена парцела земја.

Сепак, на реката Гламанг во Барангај Датал Ангас, општина Алабел, покраина Сарангани, Филипини, двајца земјоделци наводно влегле во водата за да решат таков спор. Ниту еден од нив не излегол жив, објави Дејли Трибјун.

Тони Буланон Мансаг, 69, и Гаспар Тусан Паласанон, 49, двајцата жители на селото, починаа во петок, 16 октомври, откако учествувале во традиционална церемонија позната како „сулиф“, која наводно имала за цел да помогне во решавањето на споровите околу парцела земја.

Според прелиминарните информации од полициската станица Алабел, двајцата мажи влегле во реката околу 10 часот наутро и останале под вода приближно 12 минути. Не можеле да излезат на површина, објави Трибуна.

Тие биле извлечени од водата и итно префрлени во медицински установи. Мансаг бил прогласен за мртов во покраинската болница Сарангани, додека Паласанон бил однесен во болница во градот Генерал Сантос, каде што подоцна починал.

Dos hombres de 69 y 49 años perdieron la vida ahogados en el río Glamang, Filipinas, al realizar el ritual "Sulif" para saldar un pleito por una parcela. 👇 https://t.co/6nmaHBGgSr https://t.co/vEjezlPbec
— El Blog del Narco (@narcoblogger) October 18, 2026

Според првичните извештаи, церемонијата се одржала откако страните во спорот не успеале да најдат друго решение за нивниот спор за земјиштето. Сепак, точните околности на смртта на двајцата мажи, како и деталите за самиот спор, остануваат под истрага.

Нивната смрт покрена прашања за тоа што се случува кога споровите за земјиштето не можат да се решат преку конвенционални средства. Достапните извештаи не објаснуваат зошто мажите се согласиле да учествуваат на церемонијата, какви правила биле во сила за време на нејзиното изведување или дали биле свесни за ризиците на кои се изложувале.