Николоски: Коалицијата на ВМРО-ДПМНЕ со Алијанса и Алтернатива е за борба против криминал

Коалицијата на ВМРО ДПМНЕ со Алијанса на Албанците-АА е коалиција за борба против организираниот криминал и корупција затоа што во Македонија цветаат криминал и корупција, изјави потпретседателот на ВМРО ДПМНЕ Александар Николоски.

За време на денешниот престој во Битола Николоски повика в недела масовно да се гласа и да се поддржи кандидатот на ВМРО ДПМНЕ за градоначалник, Тони Коњановски.

– Коалицијата на ВМРО ДПМНЕ со Алијанса на Албанците-АА е коалиција за борба против организираниот криминал и корупција. Соработката со ААА е базирана на оваа основа, затоа што криминал и корупција има во Битола, во Тетово, во Струмица и Радовиш, но и во Гевгелија и во Скопје, и тоа беше принципот на коалицирање. Ние нема да дозволиме криминалот и корупцијата да продолжат да владеат и во следните четири години. Можеби сте забележале, секогаш кога немаат одговор за корупцијата и криминалот отвораат т.н. големи национални теми, така на пример не одговараат што ќе направат во Тетово туку разговараат кој ќе биде претседател на државата во ситуација кога сега се избираат градоначалници, а тоа потврдува дека неспособноста ја кријат со вештачки конфликти. Тие направија се за да не се случи коалиција меѓу ВМРО-ДПМНЕ и Алијанса на Албанците и Алтернатива, затоа што на двете страни има чесни луѓе, истакна Николоски.

На прес-конференција со кандидатот за градоначалник Тони Коњановски и носителот на листата кандидат за членови на Советот на Општина Битола, Пеце Милевски, потпретседателот на ВМРО-ДПМНЕ посочи дека промените во земјава почнуваат од Битола.

-Ги поканувам битолчани масовно да излезат на избори и да покажат дека од Битола ќе тргнат промените. Нашата локална власт ќе направи убави работи за Битола, нови инвестиции и нови работни места затоа што чртири години во Битола недоаѓаат инвеститори, а најголемиот инвеститор во Битола размислува да замине. Ние не планираме да го затвориме РЕК Битола, ние не планираме пет до седум илјади луѓе да останат без работа, туку напротив планираме нови луѓе да се вработуваат, планираме крупни интервенции во инфраструктурата на градот но не пред избори, гасификација на Битола затоа што беше запрена пред четири години, топлификација, ново училиште…., а од 18 октомври по победата на локалните избори ќе почнеме преговори за ново парламентарни мнозинство, посочи Николоски.

Видео: Стотици луѓе оделе голи по пустина во Израел

Стотици луѓе покриени само со бела боја оделе низ пустината во близина на Мртвото Море како дел од проектот на американскиот уметник Спенсер Туник, пишува Гардијан.

54-годишниот фотограф го посетил местото во јужен Израел како гостин на Министерството за туризам за по трет пат да го покаже повлекувањето на Мртвото Море, а инспириран бил од библиската приказна за сопругата на Лот која се претворила во столб од сол додека бегала од Содом.

„За мене, телото претставува убавина, живот и љубов“, рекол Туник, која досега организирал десетици фотографирања на голи луѓе.

Докторантката Ана Клејман за Гардијан изјавила дека се приклучила на снимањето за да ги освести луѓето за оваа еколошка криза.

„Навистина се чувствував природно кога се соблеков“. Откако ќе се соблечете, не сакате повторно да се облечете “,рекла таа.

Пред десет години, уметникот снимил над илјада модели на брегот на Мртвото Море, кое се повлекува за еден метар годишно.

Летот на Туник го платило израелското Министерство за туризам, а израелскиот град Арад ги покрил другите трошоци.

Градоначалникот Арад Бен Хамо смета дека проектот е „одраз на либералниот дух во неговиот град“ и се надева дека ова снимање ќе привлече посетители и на тој начин ќе собере средства за финансирање на нов музеј на Мртвото Море.

Видео: Со сопственото тело го штити автомобилот од град

Краткото видео во за рекорден временски период собра бројни симпатии.

Нема многу за што да се зборува. Бурата доаѓала, а сопственик на Тојотата немал подготвено засолниште. Така, тој одлучил да го заштити својот лимен миленик со она што го има до себе, ќебе, картон и сопственото тело.

Иако видеото трае само неколку секунди, секој малку поголем љубител на автомобили ќе го разбере овој гест.

За многумина, автомобилот е повеќе од лим и само превозно средство од точката А до точката Б.

И кога станува збор за автомобил како Тојота Супра, работите стануваат повеќе од јасни.

Станува збор четвртата генерација на моделот што се произведува до 1998 година, а дури и денес тоа е најбараната генерација на Супра и цените честопати се превисоки.

@jakemcgloin

When life doesn’t throw you lemons 😂#sydney #hail #badweather #covid #covid19

♬ Mad World - Michael Andrews

Убиец од Флорида бил пуштен порано од затвор а потоа усмртил жена со шрафцигер

Маж од Флорида, кој бил осуден во 1993 година за убиство на тинејџерка, признал дека избодел жена до смрт со шрафцигер, откако бил пуштен од затвор.

Ерик Пирсон (54) во саботата беше обвинет за убиство на Ерика Вердеција (33), чие тело било пронајдено во канал во близина на Форт Лодердејл.

Пирсон признал дека ја прободел жртвата со шрафцигер четири пати на 25 септември.

Тој бил пуштен од затвор минатиот септември, откако отслужил 27 години од 40 годишната казна, за задавување на Кристина Витакер (17), пишува „The New York Post“.

"Зошто го пуштија на улица? Зошто? Ќе плати овој пат. Нема да застанеме додека не го видиме на електричен стол", рекла мајката на Ерика, Кармен Вердеција.

Полицијата го поврзала Пирсон со исчезнувањето на Ерика откако пријателите рекле дека последен пат ја виделе во продавница со маж кој за себе рекол дека е убиец. Откако полицајците го прегледале камионот на Пирсон, во него пронашле траги од крв.

Ерика Вердеција била мајка на 6-годишна ќерка.

притисни ентер